Ɛfɛsɔ 2:11 - Ku̍o̍ Delee 1999

¹¹ Mɔ̀ɔ̍ ùh se̍-a Juu nyɔ̍-a wlǔh-i nynuu̍-ɛ, mɔ̀ nu̍ ka mɔ̀ nɛ-a tɛin-ɛ wlùh we̍. Tɛin-ɛ, Juu nyɔ̍ ùh-a dǎɛ-a u̍h-a chɛ̀ plɔ̀n gbǎ nyɔ̍ ɛ̀ nyi̍ɔ̍-a sɔ̍n-a nu̍-a dǒ jɔ̍gbauᵻá ku̍ pùn-ɛ, u̍h-a dǎɛ mɔ̀ se̍ plɔ̀n gbǎ nyɔ̍.

Ɛfɛsɔ 2:11 Iomraidhean Croise

Matio 20:7

U̍h la̍a̍, ‘Dɛ̍nu̍ɛ, nyɔ̍ se̍ à dǔ à iě dbo̍ nu̍.’ Iě ɔ̍ la̍a̍ dě u̍h we̍, ‘Iě nɛ̀ mɔ̀ mu̍ dě ǐn blǐ klè ke mɔ̀ iě-e dbo̍ nui.’

Wloma 11:17

Ɔle-tu̍ u̍h tù-a dě klè-ɛ, pò ɛ̍ chɛ̍n bu̍hᵻ ja̍-ɛ, nɛ̀ u̍h poe i̍h wɔ̀ɔ̀ dǒ kwlǎ ɔle-a bu̍hᵻ we̍. Nɛ̀ kwlǎ ɔle bu̍h-a mu̍ buǒᵻ chɛ̀ po̍-ɛ bɛ̌ɛ, dɛ̍nu̍ɛ, ɛ̍ ke ɔle-tu̍ chɛ̀ tùi i̍ wɛ̀. Kǎ ɛ̍ nu̍ mɔ̀ɔ̍ ùh se̍-a Juu nyɔ̍-ɛ dɛ̍kɛ̍n po̍-ɛ ke dě Juu nyɔ̍ ja̍a̍.

Wloma 2:26

Nyɔ̍ ɔ̀ nu̍-a Juu jǔ ɔ̀ gbǎ-a plɔ̀n-ɛ, wɛ̀ ɔ̍ iě dɛ̍ telě dǎ-a nu̍-ɛ, nɛ̀ Nyɔsoa se̍ ɔ̍ se̍ plɔ̀n gbǎ nyɔ̍ slè-e mu̍.

Wloma 2:27

Ɛ̍ tìh-ɛ, nyɔ̍ ɔ̀ kɔn plɔ̀n gbǎ-a se̍-a dǒ ɔ̍ ku̍ pùn nɛ iě ɔ̍ tè-ao telě i̍-ɛ, ɔ̍ mu̍ mɔ̀ ɔ̀ gbǎ-a plɔ̀n-ɛ kɛ̀n sà. Dɛ̍nu̍ɛ, ìn juo telě ìh chlǐh-iaɛ, iě ìn gbǎ plɔ̀n, jɛ ìn nu̍ telě-a chɛ̀ wa̍ nyɔ̍.

1 Kɔwlɛntiɔn 12:2

Mɔ̀ juo ɛ̍-ɛ, ti̍ mɔ̀ se̍-a Nyɔsoa juo-ɛ, nɛ̀ kwɛ̍i̍n gbo̍ᵻ ìh se̍-a feɛ blě-ɛ i̍h mɔ̀-a sà wɛɛ. Nɛ̀ ka mɔ̀ jě-ɛ mɔ̀-a nu̍.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Kelesea 2:15

Àɔ̀ la àɔ̀ Juu nynuu̍, à se̍ ùh se̍-a Juu nyɔ̍ u̍h-a dǎɛ-a gblɛ̍n sɔ̀ɛ̀n nyɔ̍-ɛ.

Kelesea 6:12

Nyɔ̍ ùh-a pɔ̀n-a u̍h-a chɛ̀ nyɔ̍ chɛ̀ we̍i̍ nu̍-ɛ i̍-ɛ, u̍h bo ùh-a nɛ̌ mɔ̀ kɛ̍ɛ̍n mɔ̀ iě plɔ̀n gbǎ. U̍h-a nu̍ laan wɛ̀ u̍h-u je̍e klě jě Klai ɔ̀ mɛ̌-a dǒ gbàɛ̍ kɛ̍n i̍ tu̍ wlì-ɛ ɔ̍ tìh.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 5:8

Mɔ̀ nɛ dě kwile-e de sàǐtòò, jɛ kaka la̍ mɔ̀ nɛ dě sɔ̀npli di̍i̍ wɛ̀ ka mɔ̀ kɔn-a dǒ Joi we̍-ɛ. Mɔ̀ na dě sɔ̀npli di̍i̍ nɛ nyɔ̍-a dɛ la̍ sǔh.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

Kalase 1:21

Mɔ̀ poe Nyɔsoa kɛ̍n i̍ tɛin, iě mɔ̀ nu̍ ɔ̍ nyɛ̌-nyɔ̍ dǒ dɛ̍ᵻ sɔ̀nᵻ mɔ̀ nu̍-aɛ we̍.

Kalase 2:11

Dě ɔ̍ ja̍a̍ bo mɔ̀ gbǎ-ɛ plɔ̀n, ɛ̍ se̍ nyi̍ɔ̍-a sɔ̍n ɛ̀ se̍ mɔ̀ plɔ̀n po̍. Jɛ Klai naɛ plɔ̀n gbǎ-a sà nyɔ̍ dě gblɛ̍n sɔ̀ɛ̀n ku̍ la di̍i̍.

Kalase 2:13

Mɔ̀ mɛ̌ wlɔ̀ i̍ de, dɛ̍nu̍ɛ, mɔ̀ɔ̍ gblɛ̍n sɔ̀ɛ̀n nyɔ̍ iě mɔ̀-a wlùh se̍ Nyɔsoa juo. Jɛ ka Nyɔsoa nu̍-ae Klai sà-aɛ, kǎ ɔ̍ nu̍ mɔ̀ wɛ̀ ke, iě ɔ̍ tǎli à gblɛ̍n sɔ̀ɛ̀n kli̍hgbɛ̍-a tìh i̍.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.