Ɛfɛsɔ 2:10 - Ku̍o̍ Delee 1999

¹⁰ Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 2:10 Iomraidhean Croise

Matio 5:16

Ɛ̍ tìh-ɛ, mɔ̀-a sɔ̀npli bo ɛ̀ iě fa̍n dǒ nyɔ̍gbei we̍, nɛ̀ mɔ̀-a nu̍-dɛ̍ᵻ chɛ̀ bo u̍h-a mu̍ jě sasǎ, wɛ̀ u̍h iě mɔ̀ Baa Nyɔsoa nɛ-a dě ja̍i̍wlɔ̀-ɛ tìhwe̍ po̍.”

Chɔɔn 3:21

Jɛ nyɔ̍ ɔ̀ nu̍-a dɛ̍ᵻ ìh Nyɔsoa la̍ ìh slɛ̌-a i̍-ɛ, nɛ̀ ɔ̍-ɔ bo ɔ̀ ji̍ dǒ sɔ̀npli we̍, wɛ̀ dɛ̍ ɔ̍ nu̍-aɛ ɛ̍ iě jě-eɛ te̍gbe̍i̍n ka ɔ̍ jě-a Nyɔsoa dɛ̍ɛ̍-ɛ.

Nu̍-dɛ̍ᵻ 9:31

Sɔ chɔchi̍h nyɔ̍ kli̍hgbɛ̍ nɛ-a dě Judia ke, Kaladii ke Sɛmewlea bloa̍ kɛ̍n i̍-ɛ, u̍h-a wlùh tè i̍, wɛ̀ u̍h-a gbǐh-a gbǎ-e. Nɛ̀ ka u̍h-a ple̍-a Joi-a faɔn-ɛ, nɛ̀ kǎ Nyɔsoa-a Sùù-a gbǎ u̍h we̍. Iě u̍h ku̍ dɛ̍blɔ.

Nu̍-dɛ̍ᵻ 9:36

Nɛ̀ nynɔ̌ due nɛ dǒ Jɔɔpa wlɔ̀ di̍i̍ ɔ̍ nynɛ̌ bo Tabita (ɛ̍ Klii wlu̍ nu̍ Dɔɔka. Ɛ̍ gbɔ̀ nu̍ kwɛ̍). Ɔ̍ blě wlùh gbaɛ-ɛ. Ɔ̍ nu̍ dɛ̍ᵻ chɛ̀ ti̍ kli̍hgbɛ̍ we̍ iě ɔ̍ gbǎ nyɔ̍gbà nyɔ̍ we̍.

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

Wloma 8:29

Nyɔ̍ ùh Nyɔsoa tba̍-a chèɛ̀ se̍e̍-ɛ, ɔ̍ tè u̍h pɔ̌ wɛ̀ u̍h iě ɔ̍ Jǔ wɔ̀, wɛ̀ ɔ̍ iě sàì Jǔ nu̍ dě de̍di̍i̍ᵻ dɔu nynɛ̌.

1 Kɔwlɛntiɔn 3:9

Àɔ̀ Nyɔsoa-a pàn, iě mɔ̀ nu̍ Nyɔsoa-a klè. Iě mɔ̀ nu̍ ɔ̍ gbò dɛ ke.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

2 Kɔwlɛntiɔn 5:5

Nyɔsoa bo ɔ̍ po̍ à gba̍a̍ dǒ ɛ̀ la we̍. Iě ɔ̍ nyǐ à ɔ̍ Sùù ɛ̍ iě ɛ̍ to ka ɔ̍ mu̍-a ɛ̍ nu̍-ɛ.

2 Kɔwlɛntiɔn 9:8

Nɛ̀ Nyɔsoa bɛ̌ɛ ɔ̍ iě mɔ̀ pɔ̀ìě kli̍hgbɛ̍ nyǐ. Wɛ̀ mɔ̀ iě ìh kli̍hgbɛ̍ mɔ̀ nɛ-a blě ka̍-ɛ blě ti̍ kli̍hgbɛ̍ we̍ dǒ mɔ̀-a chɛ̀ we̍. Nɛ̀ mɔ̀-a mu̍ dɛ̍ᵻ tlùgbei̍ blě dǒ nu̍-dɛ̍ᵻ chɛ̀ kli̍hgbɛ̍ nu̍-ɛ we̍.

Kelesea 6:15

Nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ tìh se̍ kma. Jɛ nyɔ̍ delee nu̍ tìh bo ɛ̀ kma.

Ɛfɛsɔ 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ Nyɔsoa nyɔ̍ nɛ-a dǒ Ɛfɛsɔ wlɔ̀ di̍i̍-ɛ we̍, ùh gbaɛ-a Jusu Klai wlùh-ɛ.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Ɛfɛsɔ 2:13

Jɛ mɔ̀ɔ̍ ùh ti̍ɛ̍ɛn-a Nyɔsoa we̍ i̍ de-ɛ, mɔ̀ ke Jusu Klai-a due nɛ-ɛ bo ɛ̀ ja ka mɔ̀ de̍ kɛklɛɛ dě ɔ̍ nymɔ̍-a i̍ wlǎ-a di̍i̍.

Ɛfɛsɔ 2:15

Ɔ̍ sà telě Nyɔsoa nyǐ-a Mose-ɛ ke telě diih Juu nyɔ̍ blě-a dǒ wìè-i. Ɔ̍ nu̍ ɛ̍-ɛ wɛ̀ u̍h-a gbɔ̍ᵻ nɛ-a sɔɔ̌n-ɛ, ɔ̍ iě u̍h nyɔ̍ delee we̍i̍ nu̍ u̍h iě due nɛ dě ɔ̍ chɛ̀ ja̍a̍. Wɛ̀ ɔ̍ nu̍ ɛ̍ iě u̍h-a wɔ̌ɛn ka wlu̍ i̍.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

Ɛfɛsɔ 2:6

À ke Jusu Klai-a due nɛ-ɛ bo ɛ̀ nu̍ ɛ̍ iě ɔ̍ sà-ae à ke Klai, wɛ̀ à ke ɔ̍ iě dě ja̍i̍wlɔ̀ wlu̍ i̍ kɔn.

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

Ɛfɛsɔ 4:24

mɔ̀ iě dě tu̍ delee ɛ̀ Nyɔsoa nu̍-a dě ɔ̍ chɛ̀-a tu̍ di̍i̍-ɛ gbǎ, ɛ̀ slɛ̌-a i̍ iě ɛ̀ wɛ̀-a nɛi̍ slèěslè-ɛ.

Felepai 1:6

Nɛ̀ ǐn tè ɛ̍ wlì kleǐn Nyɔsoa ɔ̀ tè-a dbo̍ chɛ̀ la gbɔ̀ dě mɔ̀ ja̍a̍-ɛ, ɔ̍ mu̍ ɛ̍ nya̍ gba̍ te̍e̍ wɛ̀ ɛ̍ iě i̍ wɛ̀ gblaan dǒ Jusu Klai-a ji̍-i weɛ̍ di̍i̍.

Felepai 2:13

Dɛ̍nu̍ɛ, Nyɔsoa bo ɔ̀ nu̍ dbo̍ dě mɔ̀ ja̍a̍ wɛ̀ dɛ̍ ɛ̀ pɛ̌n-ɛa ɔ̍ wlùh i̍-ɛ, iě mɔ̀-a pɔ̀n ɛ̍ nu̍-ɛ i̍.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

Kalase 3:10

Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.

2 Tɛsoloniɔn 2:17

ɔ̍ iě mɔ̀-a wlùh fùka, wɛ̀ ɔ̍ iě mɔ̀ gbǐh ku̍u̍ po̍ dě dbo̍ chɛ̀ kli̍hgbɛ̍ ke wlu̍-ɛ di̍i̍.

1 Timote 2:10

Jɛ nynɔ̌gbaɔᵻ ùh-a pɔ̀n-a Nyɔsoa nyɔ̍ nu̍-ɛ i̍-ɛ, nɛ̀ nu̍-dɛ̍ᵻ chɛ̀ bo ìh wɛɛn dǒ u̍h pùn i̍.

1 Timote 5:10

Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.

1 Timote 5:25

Kǎ ɛ̍ nɛ ke, nu̍-dɛ̍ᵻ chɛ̀-a tè gbaɛ̍we̍. Jɛ pò nyɔ̍-a jɛ se̍ i̍h i̍ juo-ɛ, i̍h se̍ dě kwile-e sie mu̍.

1 Timote 6:18

Chlì u̍h-a dounᵻ u̍h iě gblɛ̍n-ɛ nmɔ, u̍h-a dɛ̍ᵻ chɛ̀ i̍ nu̍-ɛ iě nya̍ pàn-ɛ, u̍h iě kwa̍ pɔ̀ni.

2 Timote 2:21

Pò nyɔ̍ nu̍ ɔ̍ chɛ̀-a wlaǎwla dǒ nǎ po̍-ɛ kaɛn la we̍-ɛ, nɛ̀ ɔ̍ bo ɔ̀ nu̍ seǐju blewe̍ɛ̍. Nɛ̀ ɔ̍ tè-ɛ tɛ̌n, wɛ̀ ɔ̍ Joi iě ɔ̍ sùo̍o̍ nu̍, iě ɔ̍ gbàɛ̀ ɔ̍ iě dbo̍ chɛ̀ kli̍hgbɛ̍ nu̍.

2 Timote 3:17

Wɛ̀ Nyɔsoa-a nyɔ̍ iě kɛ̍n chlìì, ɔ̍ iě dbo̍ chɛ̀ kli̍hgbɛ̍ nu̍-ɛ bɛ̌ɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

Taitɔ 3:1

Sǐ-i àn nyɔ̍ laa̍ tìh wlì i̍ u̍h iě u̍h-a chɛ̀ wlù ja dǒ u̍h-a wlu̍ kwa̍ blě nyɔ̍ ke tùn blě nyɔ̍ we̍, u̍h iě u̍h-a wlu̍ nu̍, u̍h iě dɛ̍ chɛ̀ nu̍ tìh gbàɛ̀ tà kli̍hgbɛ̍.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

Iblu 10:24

Mɔ̀ à fùka-ɛ wlùh we̍ dǒ jbɛɛ ke nu̍-dɛ̍ᵻ chɛ̀ we̍.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 2:6

Nyɔ̍ ɔ̀ la̍ ɔ̀ nɛ-a dě Nyɔsoa ja̍a̍-ɛ, nɛ̀ ɔ̍ kɔn ɔ̍ iě Jusu Klai-a dɛ̍ na.