Ɛfɛsɔ 2:1 - Ku̍o̍ Delee 1999

¹ Ti̍ mɔ̀-a nu̍-a gblɛ̍n sɔ̀ɛ̀n mɔ̀-a wa̍-a Nyɔsoa-a telě-ɛ, nɛ̀ mɔ̀ mɛ̌ wlɔ̀ i̍ de.

Ɛfɛsɔ 2:1 Iomraidhean Croise

Matio 8:22

Wɛ̀ Jusu la̍a̍ dě ɔ̍ we̍, “Mɔ̀ɔ̍, gbǎ dǒ ǐn de̍e̍. Bɔ̌ mɛ̌-nyɔ̍ iě u̍h-a chɛ̀-a mɛ̌-nyɔ̍ i̍ tè.”

Pɔ̀n Chɛ̀ Luu To-a La 15:24

Dɛ̍nu̍ɛ, ǎn jǔ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ Wɛ̀ u̍h tè mɔna̍ nu̍-ɛ gbɔ̀.

Pɔ̀n Chɛ̀ Luu To-a La 15:32

À kɔn à iě mɔna̍ nu̍ à iě de̍le. Dɛ̍nu̍ɛ, ìn deǐ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ ”

Chɔɔn 10:10

Jlǐ-nyɔ̍ nɔ̀ɔ̍, ɔ̍ ji̍-i ɔ̍ iě nyɔ̍ dbǎ, ɔ̍ iě jlǐ, ɔ̍ iě dɛ̍-ɛ gbɔ̀lɔ. Jɛ mɔ̍ɔ, ǐn ji̍-i wɛ̀ nyɔ̍-a feɛ-a tùlɛ̀ iě wɛ̀n i̍ tba̍-ɛ.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 5:21

Ka Baa-a sà-e mɛ̌-nyɔ̍ iě ɔ̍ nyǐ-a u̍h feɛ-ɛ, kǎ Jǔ-a nu̍ nyɔ̍ ɔ̍ pɔ̀n-a feɛ nyǐ-ɛ i̍-ɛ ke.

Chɔɔn 5:25

Bɔ̌ ǐn sèàɛ̍ mɔ̀ tìh-a taǐn wlùh, ɛ̍ mu̍ ti̍ kɔn, ti̍-a chɛ̀ nyni̍ wɛ̀, wɛ̀ mɛ̌-nyɔ̍ iě Nyɔsoa-a Jǔ-a wlu̍ wɔ̌n. Nɛ̀ nyɔ̍ ùh-a mu̍-a ɔ̍ wlu̍ wɔ̌n-ɛ, u̍h-a mu̍ kmɔ̌ nɛ.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

1 Kɔwlɛntiɔn 15:45

Nyɔsoa-a wlu̍ la̍a̍, “Sàǐtòò jɔ̍gbau Nyɔsoa nu̍-aa ɔ̍ nynɛ̌ bo Adaun.” Jɛ Adaun jɔ bɔ̌ɛ-aoɛ bo ɔ̀ nu̍ nyɔ̍ feɛ nyǐ nyɔ̍.

2 Kɔwlɛntiɔn 5:14

Klai-a àɔ̀ jbɛɛ bo ɛ̀ kɔn à wlu̍ i̍. Dɛ̍nu̍ɛ, à wɔ̌ɛn ɛ̍ kleǐn ka nyɔ̍ due mɛ̌-a dǒ nyɔ̍ kli̍hgbɛ̍ we̍-ɛ. Ɛ̍ tìh-ɛ, nyɔ̍ kli̍hgbɛ̍ mɛ̌-ɛ.

Ɛfɛsɔ 4:18

U̍h-a wlùh gbe kɛ̍n i̍ dǒ dɛ̍ɛ̍ i̍ wɔ̌n la̍-a, sɔ u̍h nɛ-ɛ fɔ̌ i̍ dǒ kmɔ̌ Nyɔsoa nyǐ-a àɔ̀-ɛ we̍. Dɛ̍nu̍ɛ, u̍h-a se̍ dɛ̍ jlǐh juo ke u̍h-a dlǔ ku̍-ɛ bo ɛ̀ nu̍ ɛ̍.

Ɛfɛsɔ 5:14

Dɛ̍nu̍ɛ, dɛ̍ ɛ̀ sà-a dɛ̍ tà te̍gbe̍i̍n-ɛ, nɛ̀ sɔ̀npli bo. Ɛ̍ kɔn wlu̍ la ɛ̍ la̍a̍, “Mɛ̌-nyɔ̍, wlǔh-e ìè bloɔ̍ sɔ, wɛ̀ Klai-a sɔ̀npli iě ìn kɛ̍n i̍ fa̍n-ɛ.”

Kalase 2:13

Mɔ̀ mɛ̌ wlɔ̀ i̍ de, dɛ̍nu̍ɛ, mɔ̀ɔ̍ gblɛ̍n sɔ̀ɛ̀n nyɔ̍ iě mɔ̀-a wlùh se̍ Nyɔsoa juo. Jɛ ka Nyɔsoa nu̍-ae Klai sà-aɛ, kǎ ɔ̍ nu̍ mɔ̀ wɛ̀ ke, iě ɔ̍ tǎli à gblɛ̍n sɔ̀ɛ̀n kli̍hgbɛ̍-a tìh i̍.

1 Timote 5:6

Jɛ tèwànynɔ̌ jɔ po̍-a ɔ̍ chɛ̀ gbale̍e̍-ɛ, ɔ̍ nɛ kmɔ̌ nɔ̀ɔ̍-o, jɛ nɛ̀ ɔ̍ mɛ̌ wɛ̀.

1 Chɔɔn 3:14

À juo ɛ̍-ɛ à sì dě mɛ̌ɛ di̍i̍ wɛ̀ iě à jɛɛ feɛ, dɛ̍nu̍ɛ, à jbɛɛ à de̍di̍i̍ᵻ. Jɛ nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ, nɛ̀ ɔ̍ nɛ dě mɛ̌ɛ di̍i̍ ke̍.

Wlɛfeleseɔn 3:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Sade wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a sùù mɛ̀sɔɔ̌n ìh-a dbee-a Nyɔsoa jǔ-ɛ ke chǔhtlɛ̀n mɛ̀sɔɔ̌n-ɛ we̍. Ǐn juo mɔ̀-a nu̍-dɛ̍ᵻ. Mɔ̀ wɔ̀ kmɔ̌ nɛ nyɔ̍, jɛ mɔ̀ mɛ̌-ɛ.