Ɛfɛsɔ 1:9 - Ku̍o̍ Delee 1999

⁹ Ɔ̍ tba̍ɛ ɔ̍ iě à dɛ̍ ɛ̀ sìle-a i̍ to. Ɔ̍ nu̍ ɛ̍-ɛ dǒ ɔ̍ chɛ̀-a wlùh-a i̍ tè-ɛ ɛ̀ jii-a dě Klai ja̍a̍-ɛ we̍.

Ɛfɛsɔ 1:9 Iomraidhean Croise

Matio 13:11

Wɛ̀ Jusu la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ u̍h nɔ̀ɔ̍, u̍h se̍ i̍h-a dɛ̍ i̍ juo.

Pɔ̀n Chɛ̀ Luu To-a La 12:32

“Mɔ̀ɔ̍ wei la, mɔ̀ bɔ̌ faɔn ple̍-ɛ. Dɛ̍nu̍ɛ, ɛ̍ nu̍ mɔ̀ Baa-a wlùh dɛ̍ mɔ̀ ke ɔ̍ iě ɔ̍ kmɔ̌ wlu̍ i̍ kɔn.

Pɔ̀n Chɛ̀ Luu To-a La 2:14

“Mɔ̀ à bɛ̌-ɛ Nyɔsoa-a nynɛ̌ i̍, ɔ̀ tǐn-a dě ja̍i̍wlɔ̀-ɛ, nɛ̀ nyɔ̍ ùh-a pɛ̌n-ɛa ɔ̍ wlùh i̍ nɔ̌ bloɔ̍-ɛ, pɔ̀ìě dǒ u̍h we̍.”

Nu̍-dɛ̍ᵻ 13:48

Ti̍ ùh se̍-a Juu nyɔ̍-ɛ wɔ̌n-a wlu̍ la-a, iě u̍h gbǎ mɔna̍-a. Wɛ̀ u̍h-a po̍ Nyɔsoa-a wlu̍ tìhwe̍. Iě nyɔ̍ ùh tba̍-ɛa chèɛ̀ dǒ kmɔ̌ sie feɛ we̍-ɛ, wɛ̀ u̍h blě wlùh gbaɛ-ɛ.

Nu̍-dɛ̍ᵻ 2:23

Jusu la ɔ̍ iě-a kwlǎ sà-ɛ dě mɔ̀ we̍-ɛ, dǒ Nyɔsoa-a di̍i̍chì ke ɔ̍ tɔɔ kɛ̍n bo ɛ̍ kɔ̍ i̍. Iě mɔ̀ nu̍ ɛ̍ wɛ̀ gblɛ̍n sɔ̀ɛ̀n nyɔ̍ kɔ̍ ɔ̍ dǒ gbàɛ̍ kɛ̍n i̍ tu̍ wlì iě u̍h dbǎ ɔ̍.

Nu̍-dɛ̍ᵻ 4:28

Dɛ̍ ìn po̍-a gbɔ̀ se̍e̍ dǒ àn gbǐh we̍ ɛ̀ iě-a nɛ-ɛ, ɛ̍ bo u̍h gbòe i̍ u̍h iě nu̍.

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

1 Kɔwlɛntiɔn 1:21

Nyɔsoa nu̍ ɛ̍ dě ɔ̍ flɔ̍nwlùh di̍i̍ wɛ̀ kmɔ̌ nyɔ̍ se̍ ɔ̍ juo-ɛ bɛ̌ɛ dě u̍h naɛ flɔ̍nwlùh di̍i̍. Dɛ̍ à bla̍-a iě kmɔ̌ nyɔ̍-a dǎɛ ɛ̍ se̍o̍nɛ. Nyɔ̍ ùh gbaɛ-a ɛ̍ wlùh-ɛ, u̍h-u bo Nyɔsoa pǔh-i.

Kelesea 1:12

Nyɔ̍-o-nyɔ̍ se̍ ɛ̍ ǐn nyǐ, iě nyɔ̍ se̍ ɛ̍ ǐn nǎ poe ke. Jusu Klai-a chɛ̀-a gbǎ bo ɔ̀ toe ɛ̍ m.

Kelesea 1:15

Jɛ iě-a wlǔh-ɛ, nɛ̀ Nyɔsoa tè-e ǐn pɔ̌ wɛ̀, nɛ̀ ɔ̍ dǎ la̍ m dě ɔ̍ blɛ nɛ-ɛ di̍i̍. Ɔ̍ pɔluh pɛ̌n i̍

Kelesea 1:16

ɔ̍ iě ɔ̍ jǔ tà sà dě ǐn we̍, wɛ̀ iě ɔ̍ tìh we̍i̍ bla̍ dě ùh se̍-a Juu nyɔ̍-ɛ nynɛ̌. Ǐn se̍ nyɔ̍-o-nyɔ̍ dlǔ i̍ te.

Ɛfɛsɔ 1:11

Dɛ̍ᵻ kli̍hgbɛ̍ ìh kɔn di̍i̍chì Nyɔsoa chɛ̍n-aɛ, i̍h bo ìh-a nɛ. À ke Klai ke à nɛ due, ɛ̍ kɔn ɔ̍ tba̍ àɔ̀ chèɛ̀ à iě ɔ̍ nyɔ̍ nu̍. Ɛ̍ bo ɔ̍ po̍ gbɔ̀ se̍e̍, iě ɛ̍ tè-e ɔ̍ wlùh i̍.

Ɛfɛsɔ 1:8

Blɛ-a chɛ̀ bo ɔ̍ nɛ-a dǒ à we̍ ɛ̀ jǐi-a kwlǐh i̍, iě ɔ̍ nyǐ à flɔ̍nwlùh ke jlǐh flɔn-ɛ.

Ɛfɛsɔ 3:11

Nɛ̀ Nyɔsoa-a di̍i̍chì la ɔ̍ chɛ̍n-a wɛ̀ kmɔ̌ iě-a nui-ɛ dǔ-ɛ, ka ɔ̍ nu̍-a ɛ̍ dɛ plǐn-ɛɛ, kǎ ɔ̍ nu̍ ɛ̍ nu̍-ɛ dě à Joi Jusu Klai ja̍a̍.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.