Ɛfɛsɔ 1:7 - Ku̍o̍ Delee 1999

⁷ Klai-a nymɔ̍ bo ɛ̀ pùhbɔ à kɛ̍ɛ̍n, iě à gblɛ̍n sɔ̀ɛ̀n-a tìh tǎli-ɛ i̍ Nyɔsoa-a blɛ-a nya̍ pàn-ɛ tìh.

Ɛfɛsɔ 1:7 Iomraidhean Croise

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Matio 26:28

Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu-a gblɛ̍n sɔ̀ɛ̀n-a tìh i̍ tǎli-ɛ we̍.

Matio 6:12

Tǎli à gblɛ̍n sɔ̀ɛ̀n-a tìh i̍, ka à nu̍-a gblɛ̍n sɔ̀ɛ̀n nyɔ̍ duuh nu̍-a à pùn-ɛ i̍ tǎli-ɛ.

Pɔ̀n Chɛ̀ Maɛ To-a La 14:24

Jusu la̍a̍ dě u̍h we̍, “Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu we̍.

Pɔ̀n Chɛ̀ Luu To-a La 1:77

Wɛ̀ ìè ɔ̍ nyɔ̍ wlùh sèàɛ̍ ka u̍h-a mu̍-a pǔh-ɛ, pò u̍h-a gblɛ̍n sɔ̀ɛ̀n-a tìh tǎli-ɛ i̍-ɛ.

Pɔ̀n Chɛ̀ Luu To-a La 24:47

Wɛ̀ gblɛ̍n sɔ̀ɛ̀n-a tìh i̍ tǎli-ɛ ke i̍ bǐi-ɛa tìh iě bla̍-ɛ bloa̍ kli̍hgbɛ̍ kɛ̍n i̍ dǒ ɔ̍ nynɛ̌ kɛ̍n. Dǒ Juluslɛn bo ɛ̍ mu̍ gbɔ̀ tè-ɛ.

Chɔɔn 20:23

Pò mɔ̀ tǎli nyɔ̍-o-nyɔ̍-a gblɛ̍n sɔ̀ɛ̀n-a tìh i̍-ɛ, nɛ̀ i̍h tǎli-ɛ i̍. Jɛ pò mɔ̀ se̍ i̍h i̍ tǎli-ɛ, nɛ̀ i̍h se̍ i̍ tǎli-ɛ.”

Nu̍-dɛ̍ᵻ 10:43

Nyɔsoa-a tu̍owli po̍ nyɔ̍ kli̍hgbɛ̍ sà ɔ̍ we̍ tìh i̍. U̍h la̍ nyɔ̍ jɔ mu̍-a ɔ̍ wlùh gbaɛ-ɛ, nɛ̀ ɔ̍ gblɛ̍n sɔ̀ɛ̀n-a tìh-a mu̍ i̍ tǎli-ɛ dǒ ɔ̍ nynɛ̌ kɛ̍n.”

Nu̍-dɛ̍ᵻ 2:38

Wɛ̀ Pitɛ la̍a̍ dě u̍h we̍, “Mɔ̀ bǐi i̍, wɛ̀ mɔ̀ iě nǐ dlǔ po̍ kli̍hgbɛ̍ dǒ Jusu Klai-a nynɛ̌ kɛ̍n. Nɛ̀ mɔ̀-a gblɛ̍n sɔ̀ɛ̀n-a tìh-a mu̍ i̍ tǎli-ɛ. Nɛ̀ mɔ̀-a mu̍ Nyɔsoa-a Sùù jě.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Nu̍-dɛ̍ᵻ 3:19

Ɛ̍ tìh-ɛ, mɔ̀ bǐi i̍, nɛ̀ mɔ̀ fèàɛ̀ dě Nyɔsoa we̍, nɛ̀ ɔ̍ mu̍-o mɔ̀-a gblɛ̍n sɔ̀ɛ̀n i̍ slǎn.

Wloma 2:4

Mɔ̀-a chɛ̀ la lee̍, ka Nyɔsoa nmɔ-a gblɛ̍n kaa̍ wɛ̀ ɔ̍ gbɛ̍n-a wlùh i̍ iě ɔ̍ po̍-a mɔ̀ blɛ we̍ i̍-ɛ, mɔ̀ mǎle-e ae? Mɔ̀ juo ɛ̍-ɛ te̍kle̍e̍, Nyɔsoa-a pɔ̀n mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, ɛ̍ kɔn ɔ̍ nmɔ gblɛ̍n-ɛ dǒ mɔ̀ we̍.

Wloma 3:24

Nyɔsoa-a bu̍ɛ̍i̍ blɛ ɔ̍ nu̍-a u̍h pùn-ɛ bo ɛ̀ slɛ̌-ɛ u̍h i̍ dě ɔ̍ jlǐh. Jusu Klai ɔ̀ sà-a u̍h dě kàn kwa̍a̍-a dě ɔ̍ ja̍a̍ bo ɛ̍ jii.

Wloma 3:25

Nyɔsoa to ɔ̍-ɛ ɔ̍ iě slaǎ sà-ɛɛ, wɛ̀ nyɔ̍ ɔ̀ mu̍-a Jusu wlùh gbaɛ-ɛ ɔ̍ gblɛ̍n sɔ̀ɛ̀n-a tìh iě i̍ tǎli-ɛ. Nyɔsoa to ɔ̍ ɛ̍ iě ɛ̍ to ka ɔ̍ slɛ̌-a i̍-ɛ. Dɛ̍nu̍ɛ, ɔ̍ gbɛ̍n wlùh i̍, ɛ̍ kɔn ɔ̍ se̍ nyɔ̍ɔ kàn gbɛ̍n tɛin dǒ gblɛ̍n sɔ̀ɛ̀n u̍h nu̍-a we̍.

Wloma 9:23

Ɔ̍ pɔ̀n nyɔ̍ ùh kɔn-a dǒ ɔ̍ wɔɛ we̍-ɛ, u̍h iě ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ juo. U̍hɔ̍ɔ̍ laa̍ bo ɔ̍ po̍ gba̍a̍ se̍e̍ u̍h iě ɔ̍ tìh-a i̍ bɛ̌-ɛ i̍ gbɛ̍n.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

Ɛfɛsɔ 1:14

Sùù laa̍ bo ɛ̀ nu̍ ɔ̍ wlu̍-a gbǎ ka à mu̍-a dɛ̍ᵻ ɔ̍ tè-a i̍ dǒ à we̍-ɛ jě-ɛ. Kǎ ɛ̍ mu̍ nɛ te̍e̍ wɛ̀ Nyɔsoa iě ɔ̍ nyɔ̍ sèìe. Ɛ̍ tìh-ɛ, mɔ̀ à bɛ̌-ɛ ɔ̍ nynɛ̌ i̍.

Ɛfɛsɔ 1:18

Ǎn wlu dě ɔ̍ we̍ ɔ̍ iě mɔ̀-a wlùh kɛ̍n i̍ flɔn-ɛ, mɔ̀ iě ɔ̍ sɔ̀npli jě. Wɛ̀ mɔ̀ iě dɛ̍ ɛ̀ nu̍-a wlùh i̍ kɔ̍ dɛ̍ kɔn tìh ɔ̍ dǎ-a mɔ̀-ɛ ke nyɔ̍ wɔ̍n flɔn-ɛ pɔ̀ìě klaa ɔ̍ tè-a i̍ dǒ ɔ̍ nyɔ̍ we̍-ɛ juo.

Ɛfɛsɔ 1:6

Mɔ̀ à po̍ ɔ̍ tìhwe̍ dǒ ɔ̍ tìh-a i̍ bɛ̌-ɛ blɛ ɔ̍ nyǐ-a àɔ̀ bu̍ɛ̍i̍ dě ɔ̍ tìh kma Jǔ ja̍a̍-ɛ we̍.

Ɛfɛsɔ 1:8

Blɛ-a chɛ̀ bo ɔ̍ nɛ-a dǒ à we̍ ɛ̀ jǐi-a kwlǐh i̍, iě ɔ̍ nyǐ à flɔ̍nwlùh ke jlǐh flɔn-ɛ.

Ɛfɛsɔ 2:4

Jɛ Nyɔsoa-a wɔɛ bo ɛ̀ tìè i̍, iě ɔ̍ àɔ̀ jbɛɛ ku̍ wɔ̍n.

Ɛfɛsɔ 2:7

Ɔ̍ nu̍ ɛ̀ la wɛ̀ ɔ̍ iě ɔ̍ blɛ to dě nyɔ̍ɔ we̍ dǒ ti̍ ɛ̀ se̍a sie la̍ kɔn-ɛ we̍. Ɔ̍ blɛ nɛ-ɛ la ɛ̍ ku̍ wɔ̍n kaa̍ ɛ̍ sìì-o dɛ̍ i̍. Ɛ̍ jii dě ɔ̍ gblɛ̍n-ɛ nmɔ-ɛ di̍i̍. Ɛ̍-ɛ bo ɛ̀ nu̍ ɛ̍ iě ɔ̍ dbo̍ Jusu Klai nɔ̌ à we̍.

Ɛfɛsɔ 3:16

Ǎn ba̍le ɔ̍-ɛ, ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ, ɔ̍ iě ɛ̍ mɔ̀-a wlùh fùka-ɛ dě ɔ̍ Sùù di̍i̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Felepai 4:19

Nɛ̀ ǎn Nyɔsoa-a mu̍ mɔ̀ dɛ̍ᵻ kli̍hgbɛ̍ mɔ̀ nɛ-a blě ka̍-ɛ nyǐ dě ɔ̍ pàn-dɛ̍ᵻ dɔu ɔ̍ jaɛ-a dě Jusu Klai ja̍a̍-ɛ di̍i̍.

Kalase 1:14

Ɔ̍ Jǔ sà à dě kàn kwa̍a̍. Ɛ̍-ɛ bo ɛ̀ nu̍-a à gblɛ̍n sɔ̀ɛ̀n-a tìh i̍ tǎli-ɛ.

Kalase 1:27

Nyɔsoa nu̍ ɛ̀ la, dɛ̍nu̍ɛ, ɔ̍ pɔ̀n u̍h iě ɛ̍ juo ka dɛ̍ ɛ̀ sìle-a dě ùh se̍-a Juu nyɔ̍-ɛ nynɛ̌-ɛ ɛ̍ tìh bɛ̌-a i̍ kaa̍ka-ɛ. Dɛ̍ ɛ̀ sìle-a bo ɛ̀ nu̍-a Klai ɔ̀ nɛ-a dě mɔ̀ ja̍a̍-ɛ. Ɔ̍-ɔ bo ɔ̀ nu̍ wlì tè nyɔ̍ dǒ tìh-a i̍ bɛ̌-ɛ jě-ɛ we̍.

Kalase 2:13

Mɔ̀ mɛ̌ wlɔ̀ i̍ de, dɛ̍nu̍ɛ, mɔ̀ɔ̍ gblɛ̍n sɔ̀ɛ̀n nyɔ̍ iě mɔ̀-a wlùh se̍ Nyɔsoa juo. Jɛ ka Nyɔsoa nu̍-ae Klai sà-aɛ, kǎ ɔ̍ nu̍ mɔ̀ wɛ̀ ke, iě ɔ̍ tǎli à gblɛ̍n sɔ̀ɛ̀n kli̍hgbɛ̍-a tìh i̍.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

1 Timote 2:6

Ɔ̍ sà ɔ̍ chɛ̀ kwlǎ ɔ̍ iě kmɔ̌ nyɔ̍ kli̍hgbɛ̍ kɛ̍ɛ̍n pùhbɔ. Ka Nyɔsoa-a pɔ̀n-a nyɔ̍ kli̍hgbɛ̍ iě-a pǔh-ɛ, ɛ̍ bo ɛ̀ flɔn-ɛ ɛ̍ we̍i̍ dǒ ti̍ ɔ̍ tba̍-a di̍i̍.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Taitɔ 3:6

Sùù laa̍ bo ɔ̍ jaɛ dě à Sèìe Nyɔ̍ Jusu Klai ja̍a̍, iě ɔ̍ chɛ̌li ɛ̍ dɔu dǒ àɔ̀ kɛ̍n.

Iblu 9:22

Mose-a telě la̍ dɛ̍ᵻ kli̍hgbɛ̍ bo slaǎ sà nmi̍ɛ̍-a nymɔ̍-a nɛ kmɔ̌ wɛ̀ i̍h-a nɛ wlaǎwla. Nɛ̀ nymɔ̍-ɔ se̍ i̍ wlǎ wɛ̀ Nyɔsoa-a tǎli gblɛ̍n sɔ̀ɛ̀n-a tìh i̍.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 2:12

Ǎn nynuu̍, ǎn chlǐh mɔ̀ we̍, dɛ̍nu̍ɛ, mɔ̀-a gblɛ̍n sɔ̀ɛ̀n-a tìh tǎli-ɛ i̍ Klai-a tìh.

1 Chɔɔn 2:2

Dě Klai-a chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍. Ɛ̍ se̍ à nɛ due-a gblɛ̍n sɔ̀ɛ̀n-a tìh, jɛ kmɔ̌ kli̍hgbɛ̍-a gblɛ̍n sɔ̀ɛ̀n-a tìh bo ìh tǎli-ɛ i̍.

1 Chɔɔn 4:10

Ɛ̀ la bo ɛ̀ nu̍ jbɛɛ. Ɛ̍ se̍ àɔ̀ mɔ à se̍ Nyɔsoa-a jbɛɛ, jɛ ɔ̍-ɔ bo ɔ̀ jbɛɛ àɔ̀ wɛ̀ ɔ̍ dbo̍ ɔ̍ Jǔ. Dě ɔ̍ Jǔ-a ɔ̍ chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍.

Wlɛfeleseɔn 14:4

Nyɔ̍ ùh se̍-a nynɔ̌ àe̍e̍ jɔ̍gbau dɛ̍ i̍ juo iě u̍h nmɔ-a dě Nyɔsoa jlǐh i̍-ɛ, u̍hɔ̍ɔ̍ bo ùh wɔ̀ dǒ Blawɛ̌ Jǔ de̍e̍ tà-o-tà ɔ̍ mu̍-aɛ. U̍h pùhbɔ-ɛ kɛ̍ɛ̍n wɛ̀ dě nyɔ̍ɔ nynɛ̌, iě u̍h tè-ɛ pɔ̌ dǒ Nyɔsoa ke Blawɛ̌ Jǔ we̍ sàǐtòò.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.