Ɛfɛsɔ 1:6 - Ku̍o̍ Delee 1999

⁶ Mɔ̀ à po̍ ɔ̍ tìhwe̍ dǒ ɔ̍ tìh-a i̍ bɛ̌-ɛ blɛ ɔ̍ nyǐ-a àɔ̀ bu̍ɛ̍i̍ dě ɔ̍ tìh kma Jǔ ja̍a̍-ɛ we̍.

Ɛfɛsɔ 1:6 Iomraidhean Croise

Matio 17:5

Ɔ̍ nɛ dǒ wlu la̍ sǔh wɛ̀ nǐgban ji̍ iě ɛ̍ kaɛn dǒ u̍h dlǔwèàì. Dǒ wlu̍ sɔ-ɛ dě ɛ̍ di̍i̍, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍. Mɔ̀ tù ɔ̍ wlu̍ dounᵻ.”

Matio 20:9

Nyɔ̍ ùh bɔ̌ɛ-a ji̍-ɛ dǒ jlǔh-a tu̍ᵻ pɛ̌n la̍-ɛ, jɔ-ɛ, nɛ̀ ɔ̍ jě weɛ̍ gbàǐ-a wliɛ̍.

Matio 3:17

Dǒ wlu̍ sɔ-ɛ dě ja̍i̍wlɔ̀. Ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍.”

Pɔ̀n Chɛ̀ Luu To-a La 2:14

“Mɔ̀ à bɛ̌-ɛ Nyɔsoa-a nynɛ̌ i̍, ɔ̀ tǐn-a dě ja̍i̍wlɔ̀-ɛ, nɛ̀ nyɔ̍ ùh-a pɛ̌n-ɛa ɔ̍ wlùh i̍ nɔ̌ bloɔ̍-ɛ, pɔ̀ìě dǒ u̍h we̍.”

Chɔɔn 10:17

“Ɛ̀ kɔn tìh ǐn Baa jbɛɛ-a m-ɛ, ɛ̍ nu̍, ǎn sà ǎn feɛ kwlǎ wɛ̀ ǎn dǔ ɛ̍-ɛ dode̍.

Chɔɔn 3:35

Baa Nyɔsoa jbɛɛ ɔ̍ Jǔ-u, iě ɔ̍ tèè ɔ̍ dɛ̍ᵻ kli̍hgbɛ̍ kwa̍.

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

2 Kɔwlɛntiɔn 4:15

Mɔ̀-a tìh bo ìh kli̍hgbɛ̍ la i̍h nɛ. Nɛ̀ ka nyɔ̍ dɔu-a pǔh-a dǒ Nyɔsoa-a blɛ nɛ-ɛ we̍-ɛ, u̍h-a mu̍ tìh-a i̍ bɛ̌-ɛ Nyɔsoa-a tlɔ̌ po̍-ɛ i̍ bɛ̌-ɛ.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Ɛfɛsɔ 1:12

Àɔ̀ nu̍-a sàǐtòò nyɔ̍ à kɔ̍-a Klai wlùh i̍-ɛ, dě à ja̍a̍ bo Nyɔsoa-a tìh-a i̍ bɛ̌-ɛa tìhwe̍ po̍-ɛ iě-e sɔ.

Ɛfɛsɔ 1:14

Sùù laa̍ bo ɛ̀ nu̍ ɔ̍ wlu̍-a gbǎ ka à mu̍-a dɛ̍ᵻ ɔ̍ tè-a i̍ dǒ à we̍-ɛ jě-ɛ. Kǎ ɛ̍ mu̍ nɛ te̍e̍ wɛ̀ Nyɔsoa iě ɔ̍ nyɔ̍ sèìe. Ɛ̍ tìh-ɛ, mɔ̀ à bɛ̌-ɛ ɔ̍ nynɛ̌ i̍.

Ɛfɛsɔ 1:18

Ǎn wlu dě ɔ̍ we̍ ɔ̍ iě mɔ̀-a wlùh kɛ̍n i̍ flɔn-ɛ, mɔ̀ iě ɔ̍ sɔ̀npli jě. Wɛ̀ mɔ̀ iě dɛ̍ ɛ̀ nu̍-a wlùh i̍ kɔ̍ dɛ̍ kɔn tìh ɔ̍ dǎ-a mɔ̀-ɛ ke nyɔ̍ wɔ̍n flɔn-ɛ pɔ̀ìě klaa ɔ̍ tè-a i̍ dǒ ɔ̍ nyɔ̍ we̍-ɛ juo.

Ɛfɛsɔ 2:7

Ɔ̍ nu̍ ɛ̀ la wɛ̀ ɔ̍ iě ɔ̍ blɛ to dě nyɔ̍ɔ we̍ dǒ ti̍ ɛ̀ se̍a sie la̍ kɔn-ɛ we̍. Ɔ̍ blɛ nɛ-ɛ la ɛ̍ ku̍ wɔ̍n kaa̍ ɛ̍ sìì-o dɛ̍ i̍. Ɛ̍ jii dě ɔ̍ gblɛ̍n-ɛ nmɔ-ɛ di̍i̍. Ɛ̍-ɛ bo ɛ̀ nu̍ ɛ̍ iě ɔ̍ dbo̍ Jusu Klai nɔ̌ à we̍.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Felepai 3:9

Wɛ̀ ɔ̍ ke ǐn ke à iě due nɛ. Nɛ̀ ǐn se̍ naɛ̍ i̍ slɛ̌-ɛ jɛ tba̍-a telě dɛɛ jě-ɛ gbɔ̀ i̍-ɛ blě dɛ, jɛ nɛ̀ jɛ tba̍-a Klai wlùh gbaɛ gbɔ̀ i̍-ɛ bo ǐn blě wɛ̀. I̍ slɛ̌-ɛ sɔ-a dě Nyɔsoa we̍ ɛ̀ tba̍-a wlùh gbaɛ blě-ɛ gbɔ̀ i̍-ɛ bo ǎn dǎ.

Felepai 4:19

Nɛ̀ ǎn Nyɔsoa-a mu̍ mɔ̀ dɛ̍ᵻ kli̍hgbɛ̍ mɔ̀ nɛ-a blě ka̍-ɛ nyǐ dě ɔ̍ pàn-dɛ̍ᵻ dɔu ɔ̍ jaɛ-a dě Jusu Klai ja̍a̍-ɛ di̍i̍.

Kalase 1:13

Ɔ̍ sèìe àɔ̀ dě kwile-a gbǐh sɔ̀n, wɛ̀ ɔ̍ blě à te̍ete̍ iě ɔ̍ gba̍ à dě ɔ̍ tìh kma Jǔ-a kmɔ̌ wlu̍ i̍ kɔn-ɛ di̍i̍.

1 Pitɛ 2:5

Mɔ̀ wɔ̀ kmɔ̌ nɛ sɔɔ̌ ke. Mɔ̀ɔ̍ bo Nyɔsoa dǔ-u, iě ɔ̍ poe mɔ̀ ɔ̍ Sùù-a gbò, wɛ̀ mɔ̀ iě nɛi̍ wɛ̀ slaǎ sà nyɔ̍ nu̍. Nɛ̀ mɔ̀ sà slaǎ Sùù ka, ɛ̀ Nyɔsoa-a mu̍-a i̍ gbɛ̍n dě Jusu Klai ja̍a̍-ɛ.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.

1 Pitɛ 4:11

Nyɔ̍-o-nyɔ̍ ɔ̀ mu̍-a tìh bla̍-ɛ, Nyɔsoa-a wlu̍ bo ɔ̍ iě bla̍. Nyɔ̍-o-nyɔ̍ ɔ̀ mu̍-a nyɔ̍ jǔ dbee ke-ɛ, ɔ̍ dbee u̍h jǔ dǒ gbǐh Nyɔsoa nyǐ-a ɔ̍ ɛ̍ we̍. Wɛ̀ Nyɔsoa iě tìhwe̍ po̍-eɛ dǒ Jusu Klai-a nynɛ̌ kɛ̍n dǒ dɛ̍ᵻ kli̍hgbɛ̍ we̍. Tìh-a i̍ bɛ̌-ɛ ke gbǐh kɔn dǒ ɔ̍ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.