Ɛfɛsɔ 1:5 - Ku̍o̍ Delee 1999

⁵ ɛ̀ nu̍ ɛ̍ iě ɔ̍ po̍ ɛ̍ gbɔ̀ se̍e̍ ɔ̍ iě à ɔ̍ nynuu̍ we̍i̍ nu̍ dě Klai ja̍a̍. Ɛ̍ bo ɛ̀ nu̍ ɔ̍ wlùh-a kɛ̍n i̍ wɔ̌ɛn dɛ̍.

Ɛfɛsɔ 1:5 Iomraidhean Croise

Matio 1:25

Jɛ ɔ̍ ke ɔ̍ se̍ dlǔ tàdùè i̍ po̍ te̍e̍ wɛ̀ ɔ̍ sà jǔ laa̍ ɔ̍ gbàɔ̀n. Iě Josɛ tùi ɔ̍ Jusu nynɛ̌.

Matio 11:26

I̍i̍n, Baa, àn gbǐh po̍ dɛ̍ bo.”

Pɔ̀n Chɛ̀ Luu To-a La 10:21

Dǒ ti̍ laa̍ di̍i̍-ɛ, nɛ̀ Jusu nmɔ-ɛ dě Nyɔsoa-a Sùù di̍i̍. Wɛ̀ ɔ̍ la̍a̍, “Baa, mɔ̀ ɔ̀ nu̍-a bloa̍ ke ja̍u̍n-a Joi-ɛ, ǐn po̍ ìn tlɔ̌. Dɛ̍nu̍ɛ, dɛ̍ᵻ ìn sìle-a flɔ̍nwlùh kɔn nyɔ̍ ke dɛ̍ juo nyɔ̍ jii̍-ɛ, i̍h bo ìn toe ka plǒai nyɔ̍. I̍i̍n, Baa, àn gbǐh po̍ dɛ̍ bo.

Pɔ̀n Chɛ̀ Luu To-a La 11:32

Ti̍ ɛ̍ mu̍-a sàwi̍h sì ti̍ nu̍-ɛ, nɛ̀ Ninifa nyɔ̍-a mu̍ i̍ nyna u̍h iě ti̍laa nyɔ̍ la tìh dlǔ po̍. Dɛ̍nu̍ɛ, u̍h nɔ̀ɔ̍, ti̍ Jona bla̍-a tìh dě u̍h we̍-ɛ, wɛ̀ u̍h bǐi i̍. Jɛ kaka la̍, dɛ̍ ɛ̀ ku̍-a wɔ̍n ɛ̀ sìì-a Jona-a, ɛ̍ nɛ da̍a wɛ̀.

Pɔ̀n Chɛ̀ Luu To-a La 12:32

“Mɔ̀ɔ̍ wei la, mɔ̀ bɔ̌ faɔn ple̍-ɛ. Dɛ̍nu̍ɛ, ɛ̍ nu̍ mɔ̀ Baa-a wlùh dɛ̍ mɔ̀ ke ɔ̍ iě ɔ̍ kmɔ̌ wlu̍ i̍ kɔn.

Chɔɔn 1:12

Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Chɔɔn 11:52

Jɛ ɛ̍ se̍ Juu bloa̍ nɛ due-a tìh ɔ̍ se̍ mɛ̌ mu̍. Jɛ ɔ̍ mɛ̌ɛ-a mu̍ Nyɔsoa-a nynuu̍ ùh gbà-a ja̍i̍-ɛ i̍ gbòe. Wɛ̀ u̍h iě nyɔ̍ due nu̍.

Chɔɔn 20:17

Wɛ̀ Jusu la̍a̍ dě ɔ̍ we̍, “Bɔ̌ ǐn i̍ gbɛ̍n-ɛ, dɛ̍nu̍ɛ, nɛ̌ se̍a dě ǐn Baa we̍ ja̍i̍ mu̍ ke̍. Jɛ mu̍ dě ǐn de̍di̍i̍ᵻ we̍ ìè u̍h wlùh sèàɛ̍ ka ǎn mu̍-a la̍ dě u̍h ke ǐn ke à Baa we̍ ja̍i̍-ɛ, ɔ̀ nu̍-a u̍h ke ǐn ke à Nyɔsoa-a.”

Nu̍-dɛ̍ᵻ 13:48

Ti̍ ùh se̍-a Juu nyɔ̍-ɛ wɔ̌n-a wlu̍ la-a, iě u̍h gbǎ mɔna̍-a. Wɛ̀ u̍h-a po̍ Nyɔsoa-a wlu̍ tìhwe̍. Iě nyɔ̍ ùh tba̍-ɛa chèɛ̀ dǒ kmɔ̌ sie feɛ we̍-ɛ, wɛ̀ u̍h blě wlùh gbaɛ-ɛ.

Wloma 8:23

Jɛ ɛ̍ se̍ kmɔ̌ kli̍hgbɛ̍ ɛ̀ nui-aɛ nɛ due, dě à di̍i̍-a si̍n i̍ ke. Àɔ̀ juh jě-a Nyɔsoa-a Sùù ɛ̀ nu̍-a nyǐ-dɛ̍ᵻá sàǐtòò naɛ-ɛ, à chlì Nyɔsoa we̍ i̍ ɔ̍ iě àɔ̀ ɔ̍ kui nynuu̍ we̍i̍ nu̍, wɛ̀ à ku̍ kli̍hgbɛ̍ iě sèìe-ɛ.

1 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě ɔ̍ dǎ m iě Jusu Klai-a gba̍tòà nu̍. Nɔ̌ ǐn ke à de̍di̍i̍ Sɔtɛni we̍ bo chlǐh-dɛ̍ la ɛ̍ sɔ-ɔ.

1 Kɔwlɛntiɔn 1:21

Nyɔsoa nu̍ ɛ̍ dě ɔ̍ flɔ̍nwlùh di̍i̍ wɛ̀ kmɔ̌ nyɔ̍ se̍ ɔ̍ juo-ɛ bɛ̌ɛ dě u̍h naɛ flɔ̍nwlùh di̍i̍. Dɛ̍ à bla̍-a iě kmɔ̌ nyɔ̍-a dǎɛ ɛ̍ se̍o̍nɛ. Nyɔ̍ ùh gbaɛ-a ɛ̍ wlùh-ɛ, u̍h-u bo Nyɔsoa pǔh-i.

2 Kɔwlɛntiɔn 6:18

Ǎn mu̍ mɔ̀ baa nu̍, wɛ̀ mɔ̀ iě ǎn jɔ̍gbauᵻ nynuu̍ ke nynɔ̌gbaɔᵻ nynuu̍ nu̍. Kǎ mɔ̍ Joi Ɔ̀ Blě-a Gbǐh Kli̍hgbɛ̍-ɛ dǎ.”

Kelesea 3:26

Wlùh gbaɛ bo ɛ̀ nu̍ mɔ̀ kli̍hgbɛ̍ Nyɔsoa-a chɛǐ nynuu̍ we̍i̍ wɛ̀ dě Jusu Klai ja̍a̍.

Ɛfɛsɔ 1:11

Dɛ̍ᵻ kli̍hgbɛ̍ ìh kɔn di̍i̍chì Nyɔsoa chɛ̍n-aɛ, i̍h bo ìh-a nɛ. À ke Klai ke à nɛ due, ɛ̍ kɔn ɔ̍ tba̍ àɔ̀ chèɛ̀ à iě ɔ̍ nyɔ̍ nu̍. Ɛ̍ bo ɔ̍ po̍ gbɔ̀ se̍e̍, iě ɛ̍ tè-e ɔ̍ wlùh i̍.

Ɛfɛsɔ 1:9

Ɔ̍ tba̍ɛ ɔ̍ iě à dɛ̍ ɛ̀ sìle-a i̍ to. Ɔ̍ nu̍ ɛ̍-ɛ dǒ ɔ̍ chɛ̀-a wlùh-a i̍ tè-ɛ ɛ̀ jii-a dě Klai ja̍a̍-ɛ we̍.

Felepai 2:13

Dɛ̍nu̍ɛ, Nyɔsoa bo ɔ̀ nu̍ dbo̍ dě mɔ̀ ja̍a̍ wɛ̀ dɛ̍ ɛ̀ pɛ̌n-ɛa ɔ̍ wlùh i̍-ɛ, iě mɔ̀-a pɔ̀n ɛ̍ nu̍-ɛ i̍.

Kalase 1:19

Dɛ̍nu̍ɛ, Nyɔsoa-a wlùh tè i̍ ɔ̍ nɛka kli̍hgbɛ̍ iě dě ɔ̍ Jǔ la ja̍a̍ nɛ.

2 Tɛsoloniɔn 1:11

Ɛ̍ kɔn tìh à ba̍le dǒ mɔ̀-a tàà ti̍ kli̍hgbɛ̍ we̍. À ba̍le-e à Nyɔsoa-a mɔ̀ dǎ-a la mɔ̀ iě ɛ̍ ka̍ nɛ. Wɛ̀ ɔ̍ iě dɛ̍ᵻ chɛ̀ kli̍hgbɛ̍ mɔ̀-a pɔ̀n-a nu̍-ɛ i̍-ɛ ke mɔ̀-a dbo̍ mɔ̀ nu̍-a dě wlùh gbaɛ di̍i̍-ɛ i̍ wɔ̀ dě ɔ̍ gbǐh di̍i̍.

Iblu 2:4

Wɛ̀ nyɔ̍ wɔ̍n flɔn-ɛ dɛ̍ᵻ ke jbaɛdih kaɛn Nyɔsoa po̍-a, i̍h nu̍ ɛ̍ sàànsi̍i̍h. Iě ɔ̍ nyǐ nyɔ̍ɔ ɔ̍ Sùù ke ka ɔ̍ wlùh-a pɔ̀n-a ɔ̍ iě-a nu̍-ɛ.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

Wlɛfeleseɔn 21:7

Nyɔ̍ ɔ̀ sà-a dɛ̍ sɔ̀n klà-a, nɛ̀ ɔ̍ mu̍ dɛ̍ kɔn wlu̍ ǐn po̍-a tɔ̀ma̍a̍-ɛ nyǐ-ɛ. Ǎn mu̍ ɔ̍ Nyɔsoa nu̍, wɛ̀ ɔ̍ iě ǎn jǔ nu̍.