Ɛfɛsɔ 1:23 - Ku̍o̍ Delee 1999

²³ Chɔchi̍h bo ɛ̀ wɔ̀ Klai-a ku̍ iě ɔ̍ wɔ̀ ɛ̍ dlǔ, wɛ̀ ɔ̍ jǐi chɔchi̍h i̍. Ɔ̍ nɛ tà kli̍hgbɛ̍, iě ɔ̍ jǐi kmɔ̌ kli̍hgbɛ̍-ɛ i̍.

Ɛfɛsɔ 1:23 Iomraidhean Croise

Chɔɔn 1:16

Blɛ ɛ̀ jǐ-a dě ɔ̍ ja̍a̍-ɛ, ɛ̍ bo ɛ̀ jě-e à kli̍hgbɛ̍ pɔ̀ìě dɔu dɔu.

Wloma 13:5

Ɛ̍ tìh-ɛ, mɔ̀ kɔn mɔ̀ iě tùn blě nyɔ̍ dɛ̍ɛ̍ jě. Ɛ̍ se̍ Nyɔsoa-a je̍e mɔ̀ kàn gbɛ̍n nɛ due tìh, jɛ nu̍ ɛ̍ wɛ̀ mɔ̀-a wlùh iě waa nɛ.

1 Kɔwlɛntiɔn 12:6

Nyɔ̍ kli̍hgbɛ̍ blě dbo̍ kaɛn kaɛn u̍h iě nu̍, jɛ Nyɔsoa nɛ-a due-ɛ bo ɔ̀ nyǐ i̍h u̍h.

1 Kɔwlɛntiɔn 15:28

Jɛ pò dɛ̍ᵻ kli̍hgbɛ̍ nɛ dǒ Klai ɔ̀ nu̍-a Jǔ-ɛ sɔ̀n wɛ̀-ɛ, wɛ̀ Nyɔsoa jɔ po̍-a dɛ̍ᵻ kli̍hgbɛ̍-a chɛ̀ dǒ ɔ̍ Jǔ sɔ̀n-ɛ, wɛ̀ Jǔ-a chɛ̀ iě dǒ ɔ̍ sɔ̀n nɛ-ɛ dǔ ke. Wɛ̀ Nyɔsoa iě dɛ̍ᵻ kli̍hgbɛ̍ wlu̍ i̍ kɔn-ɛ dǔ slèěslè.

Ɛfɛsɔ 2:16

Ɔ̍ nu̍ àɔ̀ nyɔ̍ due we̍i̍, wɛ̀ ɔ̍ dǒ gbàɛ̍ kɛ̍n i̍ tu̍ wlì mɛ̌ɛ nu̍ ɛ̍ iě àɔ̀ ke Nyɔsoa gbe̍ɛ̍ɛn kɛ̍n i̍. Wɛ̀ ɛ̍ chlà nyeɛ̍ɛn-a tu̍h nɛ-a dǒ à nynɛ̌ we̍ de-ɛ.

Ɛfɛsɔ 3:10

Nyɔsoa nu̍ ìh la iě chɔchi̍h iě ɛ̍ nu̍ wɛ̀ nyɔ̍-a wlu̍ kwa̍ blě nyɔ̍ ke, gbǐh nɛ-a dě ja̍i̍wlɔ̀-ɛ i̍h iě Nyɔsoa-a flɔ̍nwlùh kli̍hgbɛ̍ la juo kaka.

Ɛfɛsɔ 3:19

Wɛ̀ mɔ̀ iě ɛ̍ juo ka Klai jbɛɛ-a mɔ̀ɔ̍-ɛ. Nyɔ̍ se̍ ɔ̍ mɔ̀ɔ̍ jbɛɛ we̍ i̍ ju̍o̍e-ɛ bɛ̌ɛ kleǐnklein. Nɛ̀ ɔ̍ jbɛɛ-a mu̍ ɛ̍ nu̍ Nyɔsoa-a nɛ ka̍ iě mɔ̀ɔ̍ i̍ jǐi.

Ɛfɛsɔ 4:10

Ɔ̍-ɔ due ji̍-a nɔ̌ bloɔ̍-ɛ, ɔ̍-ɔ due laa̍ bo ɔ̀ mu̍ ja̍i̍ dě ja̍u̍n dlǔwèàì-a dlǔwèàì. Ɔ̍ nu̍ ɛ̍-ɛ wɛ̀ ɔ̍ iě kmɔ̌ kli̍hgbɛ̍-ɛ i̍ jǐi.

Ɛfɛsɔ 4:12

Ɔ̍ nu̍ ɛ̍-ɛ wɛ̀ ɔ̍ iě Nyɔsoa-a nyɔ̍ gba̍a̍ po̍ dǒ Nyɔsoa-a dbo̍ u̍h-a mu̍-a nu̍-ɛ we̍. Wɛ̀ u̍h iě ɔ̍ nyɔ̍ ùh nu̍-a ɔ̍ ku̍-ɛ dǒ ta̍i̍ po̍.

Ɛfɛsɔ 4:13

U̍h-a mu̍ ɛ̍ nu̍ te̍e̍ wɛ̀ à kli̍hgbɛ̍ à wlùh gbaɛ blě-ɛ ke à Nyɔsoa-a Jǔ juo-ɛ iě ɛ̍ nu̍ wɛ̀ à iě nyɔ̍ due nu̍. Nɛ̀ à mu̍ ku̍ dě Nyɔsoa dɛ di̍i̍ wɛ̀ à iě gblɛ̍ja̍i̍ wɛ̀ slèěslè ka Klai nɛ-aɛ.

Ɛfɛsɔ 4:4

Mɔ̀ɔ̍ ku̍ due ɛ̀ kɔn-a dǒ Klai we̍-ɛ, iě mɔ̀ blě Nyɔsoa-a Sùù ɛ̀ nɛ-a due-ɛ ke. Wɛ̀ Nyɔsoa dǎ mɔ̀ mɔ̀ iě wlùh kɛ̍n i̍ kɔ̍ dɛ̍ due blě.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

Kalase 2:19

Dɛ̍nu̍ɛ, nɛ̀ Klai jɔ nu̍-a chɔchi̍h-a dlǔ, ɔ̍ jɔ gbɛ̀n-a dǒ ku̍ kli̍hgbɛ̍ we̍ i̍ wɛ̀ ɛ̍ di̍-a dɛ̍, iě ɛ̍ tùi-a i̍, wɛ̀ ɛ̍ ku̍-a Nyɔsoa-a wlùh dɛ̍-ɛ, nɛ̀ ɔ̍ bo u̍h tǎli i̍ wɛ̀.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.

Kalase 3:15

Nɛ̀ wlùh-a i̍ tè-ɛ ɛ̀ sɔ-a dě Klai we̍-ɛ bo ɛ̀ iě mɔ̀-a pɔluh wlu̍ i̍ kɔn. Ɛ̍ kɔn Nyɔsoa dǎ mɔ̀ iě mɔ̀ nu̍ ku̍ due-a nyɔ̍. Mɔ̀ po̍ Nyɔsoa tlɔ̌.