Ɛfɛsɔ 1:22 - Ku̍o̍ Delee 1999

²² Wɛ̀ Nyɔsoa po̍ dɛ̍ᵻ kli̍hgbɛ̍ dě Klai bu̍h sɔ̀n. Iě Nyɔsoa nu̍ ɛ̍ ɔ̍ iě dǒ dɛ̍ᵻ kli̍hgbɛ̍ dlǔwèàì nɛ dǒ chɔchi̍h we̍.

Ɛfɛsɔ 1:22 Iomraidhean Croise

Matio 16:18

Jɛ Pitɛ, ǎn sèàɛ̍ ìn wlùh, mɔ̀ bo ɔ̀ nu̍ sɔɔ̌, dǒ sɔɔ̌ la kɛ̍n bo ǎn mu̍ ǎn chɔchi̍h poe. Nɛ̀ mɛ̌ɛ se̍ ɛ̍ klà sà mu̍.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

1 Kɔwlɛntiɔn 11:3

Jɛ ǎn pɔ̀n mɔ̀ iě ɛ̍ i̍ juo ka Klai nu̍-a jɔ̍gbauᵻ kli̍hgbɛ̍-a dlǔtu-ɛ. Jɔ̍gbauᵻ nu̍ u̍h-a nynɔ̌gbaɔᵻá dlǔtu, iě Nyɔsoa nu̍ Klai-a dlǔtu.

Ɛfɛsɔ 3:21

Nɛ̀ɛ̍, ɔ̍ nynɛ̌ bo ɛ̀ iě i̍ bɛ̌-ɛ dě chɔchi̍h ke dě Jusu Klai ja̍a̍ ti̍ kli̍hgbɛ̍ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

Ɛfɛsɔ 5:23

Dɛ̍nu̍ɛ, chɔchi̍h nu̍ Klai-a ku̍, iě ɔ̍ nu̍ ka ɛ̍ Sèìe Nyɔ̍ ke ɛ̍ dlǔ. Kǎ kɔan nu̍ ɔ̍ nynɔ̌-a dlǔtu nu̍-ɛ ke.

Kalase 1:18

Chɔchi̍h nu̍ ɔ̍ ku̍ iě ɔ̍ nu̍ ɛ̍ dlǔ. Ɔ̍-ɔ bo ɔ̀ nu̍ tɔ̀blɔ̍ɔ̍, iě ɔ̍ nu̍ sàǐtòò Jǔ ɔ̀ wlǔh-e, wɛ̀ ɔ̍ iě dɛ̍ᵻ kli̍hgbɛ̍-a chìnɔ̀ɔ̀n nu̍.

Kalase 1:8

Ka Nyɔsoa-a Sùù nyǐ-a mɔ̀ jbɛɛ-ɛ, ɔ̍ bo ɔ̀ sèàɛ̍ à wlùh.

Kalase 2:10

Klai ɔ̀ nu̍-a dɛ̍ᵻ wlu̍ i̍ kɔn-ɛ ke gbǐh kli̍hgbɛ̍-a dlǔ-ɛ, dě ɔ̍ ja̍a̍ bo mɔ̀ jě-e feɛ-a gblangbai̍.

Kalase 2:19

Dɛ̍nu̍ɛ, nɛ̀ Klai jɔ nu̍-a chɔchi̍h-a dlǔ, ɔ̍ jɔ gbɛ̀n-a dǒ ku̍ kli̍hgbɛ̍ we̍ i̍ wɛ̀ ɛ̍ di̍-a dɛ̍, iě ɛ̍ tùi-a i̍, wɛ̀ ɛ̍ ku̍-a Nyɔsoa-a wlùh dɛ̍-ɛ, nɛ̀ ɔ̍ bo u̍h tǎli i̍ wɛ̀.

1 Timote 3:15

Jɛ pò ǎn ji̍-ɛ ja gba̍n-ɛ, nɛ̀ chlǐh-dɛ̍ la bo ɛ̀ mu̍ ɛ̍ nu̍ wɛ̀ ka nyɔ̍ kɔn u̍h iě-a na-a nu̍ dě Nyɔsoa-a chɛ̌ nynɛ̌-ɛ, wɛ̀ mɔ̀ iě ɛ̍ juo. Ɛ̍-ɛ bo ɛ̀ nu̍-a kmɔ̌ nɛ Nyɔsoa-a chɔchi̍h, iě ɛ̍ nu̍ sìtù ke tìh-a taǐn-a gbɔ̀lùh.

Iblu 2:8

wɛ̀ ìn nu̍ ɛ̍ iě ɔ̍ kɔn dɛ̍ᵻ kli̍hgbɛ̍ wlu̍ i̍.” Nyɔsoa nyǐ ɔ̍ dɛ̍ᵻ kli̍hgbɛ̍ ɔ̍ iě wlu̍ i̍ kɔn. Dɛ̍ dɛɛ se̍ nɛ ɛ̀ ɔ̍ se̍-a wlu̍ i̍ kɔn-ɛ. Jɛ kaka la̍, à-a se̍a ɔ̍ dɛ̍ᵻ kli̍hgbɛ̍ wlu̍ i̍ kɔn-ɛ jě ke̍.