Ɛfɛsɔ 1:20 - Ku̍o̍ Delee 1999

²⁰ I̍h bo ɔ̍ nu̍ iě ɔ̍ sà-e Klai, iě ɔ̍ tè-e ɔ̍ i̍ dǒ ɔ̍ di̍na̍ we̍ dě ja̍i̍wlɔ̀.

Ɛfɛsɔ 1:20 Iomraidhean Croise

Matio 26:64

Wɛ̀ Jusu la̍a̍, “Ka ìn dǎ-ɛ, nɛ̀ kǎ ɛ̍ nɛ. Jɛ bɔ̌ ǐn sèàɛ̍ mɔ̀ kli̍hgbɛ̍ wlùh, dě nya̍-ɛ, mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Pɔ̀n Chɛ̀ Maɛ To-a La 14:62

Jusu la̍a̍, “I̍i̍n, mɔ̍ bo, nɛ̀ mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Pɔ̀n Chɛ̀ Maɛ To-a La 16:19

Ti̍ Joi Jusu wɔ̀-a ɔ̍ kòà we̍ wlu-ɛɛ, wɛ̀ ɔ̍ gba̍-ɛ dě ja̍i̍wlɔ̀. Iě ɔ̍ tè i̍ dǒ Nyɔsoa-a di̍na̍ we̍.

Chɔɔn 10:18

Nyɔ̍-ɔ sà ɛ̍ ǐn kwa̍a̍, ǎn wlùh-a pɛ̌n i̍ iě ǎn sà ɛ̍ kwlǎ. Nɛ̀ ǐn blě gbǐh iě ɛ̍ kwlǎ sà, iě ǐn blě gbǐh iě ɛ̍-ɛ dǔ dode̍. Ɛ̍ bo ǐn Baa poe ǐn slǔh iě nu̍.”

Chɔɔn 10:30

Ǐn ke ǐn Baa ke à nɛ due.”

Nu̍-dɛ̍ᵻ 10:40

Jɛ wǐh ta̍a̍n sì-aɛ wɛ̀ Nyɔsoa sà ɔ̍-e, iě ɔ̍ nu̍ ɛ̍ wɛ̀ nyɔ̍ gba̍ ɔ̍ jlǐhɛ̍ pùn.

Nu̍-dɛ̍ᵻ 26:8

Mɔ̀ɔ̍ Juu nyɔ̍, ka Nyɔsoa-a sà-e mɛ̌-nyɔ̍-ɛ, dɛ̍nu̍ mɔ̀-ɔ gbaɛ ɛ̍ wlùh ɛ?

Nu̍-dɛ̍ᵻ 4:10

nɛ̀ mɔ̀ juo ɛ̍, nɛ̀ Eslɔɛ nyɔ̍ kli̍hgbɛ̍ juo ɛ̍ ke, ka Jusu Klai ɔ̀ sɔ-a dǒ Naaslɔɛ-ɛ, ɔ̀ mɔ̀ kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍-ɔ bo Nyɔsoa sà-e. Dǒ ɔ̍ nynɛ̌ kɛ̍n bo jɔ̍gbau nyna-a i̍ da̍a mɔ̀ jǔ-ɛ ɔ̍ pǔh-i.

Nu̍-dɛ̍ᵻ 5:31

Iě Nyɔsoa dǔ ɔ̍ ja̍i̍ dǒ ɔ̍ di̍na̍ we̍, ɔ̍ iě Dlǔtu ke nyɔ̍ Sèìe Nyɔ̍ nu̍. Wɛ̀ ɔ̍ iě Eslɔɛ nyɔ̍ flɔna̍ nyǐ u̍h iě i̍ bǐi wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ.

Wloma 1:4

Ti̍ Klai mɛ̌-aɛ, Nyɔsoa-a Sùù flɔn-ɛ ɛ̍ we̍i̍ ka ɔ̍ wlǔh-ae wɛ̀ ɔ̍ nu̍-a Nyɔsoa-a Jǔ ɔ̍ blě-a gbǐh-ɛ.

Wloma 8:34

Nyɔ̍we̍ bo ɔ̀ bɛ̌ɛ àɔ̀ kɛ̀n sà-a ɛ? Jusu Klai ae? Iěe, ɔ̍ jɔ mɛ̌-a wɛ̀ ɔ̍ wlǔh-ae dode̍ iě ɔ̍ tè-a ka i̍ dǒ Nyɔsoa-a di̍na̍ sɔ̍n we̍ wɛ̀ ɔ̍ bla̍-ɛ ɔ̍ gbòɛ̀ i̍ à tìh-ɛ, ɔ̍ bo ɔ̀ mu̍ à kɛ̀n sà ae?

Ɛfɛsɔ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à po̍ ɔ̍ tlɔ̌. À ke Klai-a due nɛ-ɛ bo ɛ̀ nu̍ ɛ̍ wɛ̀ ɔ̍ nyǐ à pɔ̀ìě kli̍hgbɛ̍ nɛ-a dě ja̍i̍wlɔ̀ ìh-a kui-a à wlùh gbaɛ i̍-ɛ.

Felepai 3:10

Dɛ̍ ǎn pɔ̀n-a i̍ kleǐn-ɛ, ɛ̍ nu̍ iě Klai juo, ɛ̍ ke gbǐh ìh sà-a ɔ̍-eɛ ke. Iě ɔ̍ we̍ dɛ jua̍i̍ sàɛ̀, wɛ̀ iě ɔ̍ we̍ dɛ mɛ̌

Kalase 1:16

Dɛ̍nu̍ɛ, dɛ̍ᵻ kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ kmɔ̌-ɛ, dě ɔ̍ ja̍a̍ bo i̍h nui-ɛ. Jih nyɔ̍-a jě-aɛ ke jih nyɔ̍-ɔ jě-aɛ, ɛ̍ bo ɛ̀ nu̍-a gbǐh ke, nyɔ̍-a wlu̍ kwa̍ blě nyɔ̍ ke, joi kli̍hgbɛ̍ nɛ-a dě dlǔwèàì-ɛ ke tùn blě nyɔ̍ ke, dɛ̍ᵻ kli̍hgbɛ̍ nui-ɛ dě ɔ̍ ja̍a̍, iě ɔ̍ kɔn i̍h.

Kalase 3:1

Ka Nyɔsoa nu̍-a ɛ̍ iě mɔ̀ wlǔh-ae wɛ̀ dǒ Klai we̍-ɛ, dɛ̍ᵻ ìh nɛ-a dě ja̍i̍wlɔ̀ tà Klai tè-a i̍ dǒ Nyɔsoa-a di̍na̍ we̍-ɛ, dě i̍h we̍ bo mɔ̀-a pɔluh iě nɛ.

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 10:12

Jɛ Klai nɔ̀ɔ̍, slaǎ due ɔ̍ sà-a ka-ɛ, ɔ̍ sà-ɛ ɔ̍ chɛ̀ slaǎ wɛ̀ sǔh kleǐn dǒ gblɛ̍n sɔ̀ɛ̀n-a tìh-a i̍ tǎli-ɛ we̍. Wɛ̀ ɔ̍ tè ka i̍ dǒ Nyɔsoa-a di̍na̍ we̍.

Iblu 13:20

Ǎn sà nǐ wɔ̍n kmɔ̌ i̍ gbe̍ɛ̍ɛn Nyɔsoa iě mɔ̀ dɛ̍ᵻ chɛ̀ kli̍hgbɛ̍ nyǐ, wɛ̀ mɔ̀ iě ɔ̍ wlùh nu̍. Ɔ̍ sà-e à Joi Jusu ɔ̀ nu̍-a Blawɛ̌ᵻ We̍ I̍ Gbɛ̀n Nyɔ̍-a wɔ̍n ku̍ naɛ ɔ̀ kɔn nymɔ̍ to-a ɛ̍ ka Nyɔsoa po̍-a ku̍o̍ kleǐnklein-ɛ. Ǎn sà nǐ wɔ̍n ke Nyɔsoa iě ɛ̍ nu̍ à iě ɔ̍ wlùh i̍ tè-e dě Jusu Klai ja̍a̍. Nɛ̀ dǒ Klai we̍ bo tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

Iblu 2:9

Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

Wlɛfeleseɔn 1:17

Ǐn jě-a ɔ̍-ɛ, wɛ̀ ǐn kà i̍ dǒ ɔ̍ jǔ ka nyɔ̍ mɛ̌-ɛ. Jɛ ɔ̍ tè ɔ̍ di̍na̍ sɔ̍n dǒ ǐn dlǔ i̍, iě ɔ̍ la̍a̍, “Bɔ̌ faɔn ple̍-ɛ. Mɔ̍ bo ɔ̀ nu̍ sàǐtòò nyɔ̍ ke bɔ̌ɛ-o nyɔ̍.