Ɛfɛsɔ 1:19 - Ku̍o̍ Delee 1999

¹⁹ Wɛ̀ mɔ̀ iě ɛ̍ juo ke ka ɔ̍ gbǐh ku̍-a wɔ̍n dě àɔ̀ ùh gbaɛ-a ɔ̍ wlùh-ɛ ja̍a̍ kaa̍-ɛ. Gbǐh laa̍ bo ìh nu̍ klà dě à ja̍a̍ ìh kmu-a.

Ɛfɛsɔ 1:19 Iomraidhean Croise

Chɔɔn 3:6

Wlɔ̀ nyi̍ɔ̍-a wlǔh-i wlɔ̀ nyi̍ɔ̍. Jɛ Nyɔsoa-a Sùù bo ɛ̀ nɛ-ɛ ɔ̍ kmɔ̌.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 1:16

Ǐn se̍ Nyɔsoa-a pɔ̀n chɛ̀-a tɛ̀n ple̍, dɛ̍nu̍ɛ, ɛ̍ bo ɛ̀ nu̍ ɔ̍ gbǐh ɛ̀ iě wlùh gbaɛ blě nyɔ̍ kli̍hgbɛ̍ sèìe. Juu nyɔ̍ bo ɛ̍ mu̍ pùn nɛ sàǐtòò, wɛ̀ ɛ̍ iě juh se̍-a Juu nyɔ̍-ɛ jɛɛ-ɛ dǔ ke.

2 Kɔwlɛntiɔn 4:7

À wɔ̀ jawih ìh kɔn di̍i̍ pàn-dɛ̍ᵻ nɛ-aɛ. Ɛ̍ to ɛ̍ ka gbǐh ku̍-a wɔ̍n-ɛ i̍h kɔn-a dǒ Nyɔsoa we̍ i̍h se̍-a dǒ à we̍ kɔn-ɛ.

2 Kɔwlɛntiɔn 5:17

Pò nyɔ̍-o-nyɔ̍ ke Klai nɛ due-ɛ, nɛ̀ nyɔ̍ laa̍ ɔ̍ nu̍ nyɔ̍ delee wɛ̀. Ɔ̍ kmɔ̌ soa sì-i, wɛ̀ delee naɛ ji̍.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 3:20

Nyɔsoa ɔ̀ kɔn gbǐh-a nu̍-a dbo̍ dě à ja̍a̍-ɛ, ɔ̍ bɛ̌ɛ dɛ̍ᵻ dɔu nu̍-ɛɛ ɛ̍ iě à jbǎ-a dɛ̍ᵻ ke wlùh i̍ naɛ dɛ̍ᵻ kli̍hgbɛ̍ sìì.

Ɛfɛsɔ 3:7

Nyɔsoa-a gbǐh-a nu̍ dbo̍, ɛ̍ kɔn ɔ̍ blɛ nɛ-ɛ nui ǐn pòi̍ju dǒ pɔ̀n chɛ̀ la we̍.

Ɛfɛsɔ 6:10

Ɛ̍ bɔ̌ɛ-aoɛ, mɔ̀ po̍-e gbǐh dě mɔ̀ ke Joi-a due nɛ-ɛ di̍i̍ dǒ ɔ̍ kmu-u gbǐh we̍.

Felepai 2:13

Dɛ̍nu̍ɛ, Nyɔsoa bo ɔ̀ nu̍ dbo̍ dě mɔ̀ ja̍a̍ wɛ̀ dɛ̍ ɛ̀ pɛ̌n-ɛa ɔ̍ wlùh i̍-ɛ, iě mɔ̀-a pɔ̀n ɛ̍ nu̍-ɛ i̍.

Felepai 3:21

Ɔ̍ blě gbǐh dǒ dɛ̍ᵻ kli̍hgbɛ̍ wlu̍ i̍ kɔn-ɛ we̍. I̍h bo ɔ̍ mu̍ nu̍ wɛ̀ à ku̍ ìh-a mu̍-a mɛ̌-ɛ i̍h iě ɔ̍ chɛ̀-a ku̍ ɛ̀ kɔn tìh bɛ̌-ɛa i̍-ɛ wɔ̀.

Kalase 1:29

Ɛ̍ kɔn ǐn nu̍ dbo̍, iě ǐn po̍ gbɔ̍igbɔ̍ dǒ ǎn kmu-gbǐh ìh Klai po̍-a dě ǐn ku̍u̍-ɛ we̍.

Kalase 2:12

Ti̍ mɔ̀ po̍-a nǐ dlǔ-ɛ, ka u̍h nu̍-a Klai i̍ tè-ɛ bo u̍h nu̍ mɔ̀. Iě ka ɔ̍ nu̍-ae wlǔh-ɛɛ, wɛ̀ mɔ̀ nu̍ la̍a̍n dě-e wlǔh-ɛ ke dě mɔ̀-a wlùh gbaɛ di̍i̍, dǒ Nyɔsoa-a gbǐh ɛ̀ sà-e Klai-ɛ we̍.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

2 Tɛsoloniɔn 1:11

Ɛ̍ kɔn tìh à ba̍le dǒ mɔ̀-a tàà ti̍ kli̍hgbɛ̍ we̍. À ba̍le-e à Nyɔsoa-a mɔ̀ dǎ-a la mɔ̀ iě ɛ̍ ka̍ nɛ. Wɛ̀ ɔ̍ iě dɛ̍ᵻ chɛ̀ kli̍hgbɛ̍ mɔ̀-a pɔ̀n-a nu̍-ɛ i̍-ɛ ke mɔ̀-a dbo̍ mɔ̀ nu̍-a dě wlùh gbaɛ di̍i̍-ɛ i̍ wɔ̀ dě ɔ̍ gbǐh di̍i̍.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 4:11

Nyɔ̍-o-nyɔ̍ ɔ̀ mu̍-a tìh bla̍-ɛ, Nyɔsoa-a wlu̍ bo ɔ̍ iě bla̍. Nyɔ̍-o-nyɔ̍ ɔ̀ mu̍-a nyɔ̍ jǔ dbee ke-ɛ, ɔ̍ dbee u̍h jǔ dǒ gbǐh Nyɔsoa nyǐ-a ɔ̍ ɛ̍ we̍. Wɛ̀ Nyɔsoa iě tìhwe̍ po̍-eɛ dǒ Jusu Klai-a nynɛ̌ kɛ̍n dǒ dɛ̍ᵻ kli̍hgbɛ̍ we̍. Tìh-a i̍ bɛ̌-ɛ ke gbǐh kɔn dǒ ɔ̍ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.