Ɛfɛsɔ 1:15 - Ku̍o̍ Delee 1999

¹⁵ Ka Nyɔsoa nyǐ-a à pɔ̀ìě la-ɛ, ti̍ ǐn wɔ̌n-a mɔ̀-a nynɛ̌ ka mɔ̀ gbaɛ-a Joi Jusu wlùh iě mɔ̀ jbɛɛ-a Nyɔsoa nyɔ̍ kli̍hgbɛ̍-ɛ,

Ɛfɛsɔ 1:15 Iomraidhean Croise

Nu̍-dɛ̍ᵻ 20:21

Nɛ̀ ǎn gbɛ̍n-ɛ Juu nyɔ̍ ke ùh se̍-a Juu nyɔ̍-ɛ wɔ̍i̍n u̍h iě dě Nyɔsoa we̍ i̍ bǐi, wɛ̀ u̍h iě à Joi Jusu wlùh gbaɛ.

Wloma 1:8

Sàǐtòò-ɛ, ǐn po̍ ǎn Nyɔsoa tlɔ̌ dě Jusu Klai ja̍a̍ dǒ mɔ̀ kli̍hgbɛ̍ we̍. Dɛ̍nu̍ɛ, mɔ̀-a wlùh gbaɛ blě pɔ̀n wɔ̀ kmɔ̌ kli̍hgbɛ̍ la dlǔ.

Kelesea 5:6

Dě Jusu Klai ja̍a̍ nɔ̀ɔ̍, nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ se̍ tìh-a chɛ̀. Jɛ wlùh gbaɛ bo ɛ̀ iě jě-ɛ dě jbɛɛ di̍i̍ tìh kma.

Ɛfɛsɔ 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ Nyɔsoa nyɔ̍ nɛ-a dǒ Ɛfɛsɔ wlɔ̀ di̍i̍-ɛ we̍, ùh gbaɛ-a Jusu Klai wlùh-ɛ.

Ɛfɛsɔ 3:18

Wɛ̀ mɔ̀ ke Nyɔsoa-a nyɔ̍ kli̍hgbɛ̍ iě gbǐh blě, mɔ̀ iě Klai-a mɔ̀ɔ̍ jbɛɛ ɛ̀ se̍-a sie-e la̍ kɔn-ɛ we̍ i̍ ju̍o̍e.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.

1 Timote 1:5

Jbɛɛ ɛ̀ sɔ-a dě pɔluh wlaǎwla we̍-ɛ ke wlùh ɛ̀ se̍-a kɛ̍ i̍ nɛ-ɛ ke wlùh gbaɛ ɛ̀ wɛ̀-a nɛi̍-ɛ, ɛ̍ kɔn tìh ǎn po̍ ìn slɛ̌ chèɛ̀ i̍.

Faɛlimɔ 1:5

Dɛ̍nu̍ɛ, àn Nyɔsoa nyɔ̍ kli̍hgbɛ̍-a tìh kma-a ke, Joi Jusu wlùh gbaɛ kɔn pɔ̀n bo ǎn wɔ̌n.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

1 Chɔɔn 3:17

Pò nyɔ̍ pàn da̍a kmɔ̌ la we̍, wɛ̀ ɔ̍ iě ɔ̍ de̍di̍i̍ jě ɔ̍ iě dɛ̍ ɔ̍ nɛ-a blě ka̍-a i̍ pɔ̀n, wɛ̀ ɔ̍ iě wlùh kàà po̍ dǒ ɔ̍ we̍-ɛ, nɛ̀ ka ɔ̍ nu̍ Nyɔsoa-a jbɛɛ dluwe̍ i̍ gba̍-a ɛ?

1 Chɔɔn 4:21

Telě la bo Nyɔsoa nyǐ àɔ̀. Ɔ̍ la̍ nyɔ̍ jɔ jbɛɛ-a ɔ̍-ɛ, nɛ̀ ɔ̍ kɔn ɔ̍ iě ɔ̍ de̍di̍i̍ jbɛɛ ke.