Ɛfɛsɔ 1:14 - Ku̍o̍ Delee 1999

¹⁴ Sùù laa̍ bo ɛ̀ nu̍ ɔ̍ wlu̍-a gbǎ ka à mu̍-a dɛ̍ᵻ ɔ̍ tè-a i̍ dǒ à we̍-ɛ jě-ɛ. Kǎ ɛ̍ mu̍ nɛ te̍e̍ wɛ̀ Nyɔsoa iě ɔ̍ nyɔ̍ sèìe. Ɛ̍ tìh-ɛ, mɔ̀ à bɛ̌-ɛ ɔ̍ nynɛ̌ i̍.

Ɛfɛsɔ 1:14 Iomraidhean Croise

Pɔ̀n Chɛ̀ Luu To-a La 21:28

Pò dɛ̍ᵻ la i̍h ja la̍ nɛ-ɛ, nɛ̀ mɔ̀ nyna i̍ mɔ̀ iě ku̍ dbǎ la̍ sǔh. Dɛ̍nu̍ɛ, nɛ̀ ti̍ Nyɔsoa-a mu̍-a mɔ̀ sèìe-ɛ kɔǎn we̍ wɛ̀.”

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Nu̍-dɛ̍ᵻ 20:32

“Nɛ̀ kaka la̍, ǐn po̍ mɔ̀ dě Nyɔsoa ke ɔ̍ blɛ tu̍owli kwa̍a̍. Ɛ̍-ɛ bo ɛ̀ bɛ̌ɛ mɔ̀ dǒ ta̍i̍ po̍-ɛ. Wɛ̀ ɛ̍ iě mɔ̀ pɔ̀ìě ɛ̀ ɔ̍ tè-a i̍ dǒ ɔ̍ i̍ slɛ̌-nyɔ̍ we̍-ɛ nyǐ.

Wloma 8:23

Jɛ ɛ̍ se̍ kmɔ̌ kli̍hgbɛ̍ ɛ̀ nui-aɛ nɛ due, dě à di̍i̍-a si̍n i̍ ke. Àɔ̀ juh jě-a Nyɔsoa-a Sùù ɛ̀ nu̍-a nyǐ-dɛ̍ᵻá sàǐtòò naɛ-ɛ, à chlì Nyɔsoa we̍ i̍ ɔ̍ iě àɔ̀ ɔ̍ kui nynuu̍ we̍i̍ nu̍, wɛ̀ à ku̍ kli̍hgbɛ̍ iě sèìe-ɛ.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

2 Kɔwlɛntiɔn 1:22

Ɔ̍ tù ɔ̍ juola dǒ à pùn wɛ̀, iě ɔ̍ po̍ ɔ̍ Sùù dě à wlùh di̍i̍, ɛ̍ iě ɛ̍ to dǒ dɛ̍ᵻ ɔ̍ mu̍-a à nyǐ-ɛ we̍.

2 Kɔwlɛntiɔn 5:5

Nyɔsoa bo ɔ̍ po̍ à gba̍a̍ dǒ ɛ̀ la we̍. Iě ɔ̍ nyǐ à ɔ̍ Sùù ɛ̍ iě ɛ̍ to ka ɔ̍ mu̍-a ɛ̍ nu̍-ɛ.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Ɛfɛsɔ 1:11

Dɛ̍ᵻ kli̍hgbɛ̍ ìh kɔn di̍i̍chì Nyɔsoa chɛ̍n-aɛ, i̍h bo ìh-a nɛ. À ke Klai ke à nɛ due, ɛ̍ kɔn ɔ̍ tba̍ àɔ̀ chèɛ̀ à iě ɔ̍ nyɔ̍ nu̍. Ɛ̍ bo ɔ̍ po̍ gbɔ̀ se̍e̍, iě ɛ̍ tè-e ɔ̍ wlùh i̍.

Ɛfɛsɔ 1:12

Àɔ̀ nu̍-a sàǐtòò nyɔ̍ à kɔ̍-a Klai wlùh i̍-ɛ, dě à ja̍a̍ bo Nyɔsoa-a tìh-a i̍ bɛ̌-ɛa tìhwe̍ po̍-ɛ iě-e sɔ.

Ɛfɛsɔ 4:30

Mɔ̀ bɔ̌ Nyɔsoa-a Sùù-a wlùh seɔn po̍-ɛ. Dɛ̍nu̍ɛ, ɛ̍ bo ɛ̀ nu̍ mɔ̀ naɛ juola dǒ weɛ̍ mɔ̀-a mu̍-a sèìe-ɛ di̍i̍.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.