Ɛfɛsɔ 1:13 - Ku̍o̍ Delee 1999

¹³ Nɛ̀ɛ̍, kǎ mɔ̀ nɛ ke. Ti̍ mɔ̀ wɔ̌n-a tìh-a taǐn tu̍owli ɛ̀ nu̍-a pɔ̀n chɛ̀ iě ɛ̍ pǔh-ia mɔ̀-ɛ, mɔ̀ gbaɛ Klai wlùh iě Nyɔsoa nyǐ mɔ̀ ɔ̍ Sùù ɛ̀ kɔn wlu̍ ɔ̍ po̍-a tɔ̀ma̍a̍. Wɛ̀ ɛ̍ nu̍ juola ka mɔ̀ kɔn-a dǒ ɔ̍ we̍-ɛ.

Ɛfɛsɔ 1:13 Iomraidhean Croise

Pɔ̀n Chɛ̀ Luu To-a La 11:13

Mɔ̀ɔ̍ juh kɔn gblɛ̍n nyni-a jii̍-ɛ, pò mɔ̀ juo mɔ̀-a nynuu̍ dɛ̍ᵻ chɛ̀ nyǐ-ɛɛ, jɛ nɛ̀ mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ bo ɔ̀ se̍ nyɔ̍ jbǎ-ɛa ɔ̍ Sùù-ɛ nyǐ mu̍ ae?”

Pɔ̀n Chɛ̀ Luu To-a La 24:49

Nɛ̀ɛ̍, ǎn mu̍ ɛ̀ kɔn wlu̍ ǐn Baa po̍-a tɔ̀ma̍a̍-ɛ mɔ̀ we̍ dbo̍. Jɛ mɔ̀ nɛ da̍a wlɔ̀ te̍e̍ wɛ̀ gbǐh sɔ-a dě ja̍i̍wlɔ̀-ɛ, ɛ̍ iě mɔ̀-ɔ gbǎ.”

Chɔɔn 1:17

Nyɔsoa-a telě jii dě Mose ja̍a̍, jɛ ɔ̍ blɛ ke tìh-a taǐn kli̍hgbɛ̍ ìh kɔ̍-a dǒ ɔ̍ pùn i̍-ɛ, i̍h jii dě Jusu Klai ja̍a̍ iě à jě i̍h.

Chɔɔn 14:26

Jɛ Nyɔsoa-a Sùù ɛ̀ naɛ-a nyɔ̍ sɔ̍nᵻ we̍ i̍-ɛ, Baa-a mu̍ ɛ̍ dbo̍ dǒ ǎn nynɛ̌ kɛ̍n, nɛ̀ ɛ̍ mu̍ mɔ̀ dɛ̍ᵻ kli̍hgbɛ̍ nǎ poe. Wɛ̀ ɛ̍ iě dɛ̍ᵻ kli̍hgbɛ̍ ǎn bla̍-a ka dě mɔ̀ we̍-ɛ dǒ mɔ̀ wlì i̍ sǐ-i.

Chɔɔn 15:26

“Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ, ɛ̀ naɛ-a nyɔ̍ sɔ̍nᵻ we̍ i̍-ɛ, ǎn mu̍ ɛ̍ nu̍ wɛ̀ ɛ̍ iě dě Baa we̍ sɔ ɛ̍ iě nɔ̌ mɔ̀ we̍ ji̍. Pò ɛ̍ sɔ dě ɔ̍ we̍-ɛ, nɛ̀ ɛ̍-ɛ bo ɛ̀ mu̍ ǎn sàànsi̍i̍h nu̍.

Chɔɔn 3:33

Nyɔ̍ jɔ gbɛ̍n-a ɔ̍ wlu̍ i̍-ɛ, nɛ̀ ɔ̍ juo ɛ̍ i̍ ka Nyɔsoa nu̍-a tìh-a taǐn nyɔ̍-ɛ.

Chɔɔn 6:27

Di̍-dɛ̍ᵻ jih-a mu̍-a sɔ̀n-ɛ, mɔ̀ bɔ̌ i̍h-a dbo̍ nu̍-ɛ. Jɛ di̍-dɛ̍ jɛ mu̍-a mɔ̀ i̍ kui wɛ̀ mɔ̀ iě-a kmɔ̌ sie feɛ blě-ɛ, ɛ̍ kɔn dbo̍ bo mɔ̀ iě nu̍. Di̍-dɛ̍ ǎn dǎ-aɛ, ɛ̍ bo ɔ̀ nu̍-a Nyi̍ɔ̍-a Jǔ-ɛ ɔ̍ mu̍-a mɔ̀ nyǐ. Dɛ̍nu̍ɛ, ɔ̍ bo Baa Nyɔsoa wɔ̌ɛn we̍.”

Nu̍-dɛ̍ᵻ 1:4

Ti̍ ɔ̍ ke u̍h gbǎ-a tàdùè-ɛ, wɛ̀ ɔ̍ sèàɛ̍ u̍h wlùh, ɔ̍ la̍a̍, “Mɔ̀ bɔ̌ dǒ Juluslɛn sɔ-ɛ, jɛ mɔ̀ fuo nyǐ-dɛ̍ kɔn wlu̍ ǐn Baa po̍-a tɔ̀ma̍a̍-ɛ, ɛ̀ kɔn tìh ǐn sèàɛ̍-a mɔ̀ wlùh-ɛ.

Nu̍-dɛ̍ᵻ 13:26

“Ǐn de̍di̍i̍ᵻ, mɔ̀ɔ̍ nu̍-a Eblaɛɛn-a tloemlai-ɛ, ɛ̍ ke mɔ̀ɔ̍ ùh se̍-a Juu nyɔ̍ ùh-a ple̍-a Nyɔsoa-a faɔn-ɛ ke, nɔ̌ àɔ̀ we̍ bo nyɔ̍ pǔh-i tu̍owli la ɛ̍ ji̍.

Nu̍-dɛ̍ᵻ 2:33

Ɔ̍-ɔ bo Nyɔsoa dǔ-a ka ja̍i̍ wɛ̀ dǒ ɔ̍ di̍na̍ we̍, iě ɔ̍ jě Sùù kɔn wlu̍ Baa Nyɔsoa po̍-a tɔ̀ma̍a̍-ɛ. Sùù ɔ̍ po̍-a àɔ̀ kɛ̍n-ɛ, ɛ̍ kɔn nu̍-dɛ̍ᵻ bo mɔ̀-a wɔ̌n-a, iě mɔ̀-a jě-a sèàn.

Wloma 1:16

Ǐn se̍ Nyɔsoa-a pɔ̀n chɛ̀-a tɛ̀n ple̍, dɛ̍nu̍ɛ, ɛ̍ bo ɛ̀ nu̍ ɔ̍ gbǐh ɛ̀ iě wlùh gbaɛ blě nyɔ̍ kli̍hgbɛ̍ sèìe. Juu nyɔ̍ bo ɛ̍ mu̍ pùn nɛ sàǐtòò, wɛ̀ ɛ̍ iě juh se̍-a Juu nyɔ̍-ɛ jɛɛ-ɛ dǔ ke.

Wloma 4:11

Eblaɛɛn slè-ɛ i̍ slɛ̌-nyɔ̍ ti̍ ɔ̍ se̍-a plɔ̀n gbǎ-ɛ. Dɛ̍nu̍ɛ, ɔ̍ blě wlùh gbaɛ. Ɔ̍ plɔ̀n gbǎ-a bo ɛ̀ nu̍ ɛ̍ juola ka ɔ̍ slɛ̌-a i̍-ɛ. Ɛ̍ nɛ-ɛ, wɛ̀ nyɔ̍ kli̍hgbɛ̍ ùh se̍-a plɔ̀n gbǎ iě u̍h gbaɛ-a Klai wlùh-ɛ, ɔ̍ iě u̍h baa nu̍. U̍h bo Nyɔsoa slè-e i̍ slɛ̌-nyɔ̍.

Wloma 6:17

Mɔ̀ɔ̍ gblɛ̍n sɔ̀ɛ̀n-a kèi̍ᵻ de, jɛ à po̍ Nyɔsoa tlɔ̌ wɛ̀ mɔ̀-a nu̍ la̍ dɛ̍ à poe-a mɔ̀ nǎ-a dǒ mɔ̀-a wlùh kli̍hgbɛ̍ we̍.

2 Kɔwlɛntiɔn 1:22

Ɔ̍ tù ɔ̍ juola dǒ à pùn wɛ̀, iě ɔ̍ po̍ ɔ̍ Sùù dě à wlùh di̍i̍, ɛ̍ iě ɛ̍ to dǒ dɛ̍ᵻ ɔ̍ mu̍-a à nyǐ-ɛ we̍.

2 Kɔwlɛntiɔn 6:7

À tu̍owli nu̍ tìh-a taǐn, iě Nyɔsoa-a gbǐh nɛ à we̍. À i̍ slɛ̌-ɛ bo ɛ̀ nu̍ à fɔ̀n-dɛ̍ᵻ dǒ à fɔ̀n-ɛ kli̍hgbɛ̍ we̍.

Kelesea 3:14

Ɔ̍ pùhbɔ à kɛ̍ɛ̍n iě pɔ̀ìě Nyɔsoa-a mu̍-a Eblaɛɛn nyǐ-ɛ, wɛ̀ ɛ̍ iě ùh se̍-a Juu nyɔ̍-ɛ we̍ ji̍ ke dě ɔ̍ ja̍a̍. Wɛ̀ à iě Sùù kɔn wlu̍ Nyɔsoa po̍-a tɔ̀ma̍a̍-a jě dě wlùh gbaɛ di̍i̍.

Ɛfɛsɔ 4:21

Ǐn juo ɛ̍-ɛ mɔ̀ wɔ̌n ɔ̍ dɛ-a pɔ̀n wɛ̀, iě mɔ̀ poe-ɛ nǎ wɛ̀ ke dǒ tìh-a taǐn ɛ̀ nɛ-a dě ɔ̍ ja̍a̍-ɛ we̍.

Ɛfɛsɔ 4:30

Mɔ̀ bɔ̌ Nyɔsoa-a Sùù-a wlùh seɔn po̍-ɛ. Dɛ̍nu̍ɛ, ɛ̍ bo ɛ̀ nu̍ mɔ̀ naɛ juola dǒ weɛ̍ mɔ̀-a mu̍-a sèìe-ɛ di̍i̍.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

2 Timote 2:15

Fɔ̀n dɛ̍ we̍ wɛ̀ Nyɔsoa iě àn chèɛ̀ ja̍i̍ po̍, ìè dbo̍ nu̍ nyɔ̍ ɔ̀ se̍-a ɔ̍ dbo̍ nu̍-ɛa tɛ̀n ple̍-ɛ wɔ̀. Ɔ̍-ɔ laa̍ bo ɔ̀ sèàɛ̍ tìh-a taǐn wlu̍ we̍ i̍ chɛ̀ gbɛɛ.

2 Timote 2:19

Jɛ Nyɔsoa-a gbo̍tu ɔ̍ po̍-a wlù-ɛ, ɛ̍ nyna i̍ gba̍i̍ngba̍i̍n. Iě wlu̍ la i̍h chlǐh-ɛ dǒ ɛ̍ kɛ̍n. I̍h la̍a̍, “Joi juo ùh nu̍-a ɔ̍ nyɔ̍-ɛ.” Nɛ̀ɛ̍, “Nyɔ̍-o-nyɔ̍ ɔ̀ po̍-a ɔ̍ chɛ̀ dǒ Joi-a nynɛ̌ kɛ̍n-ɛ, nɛ̀ ɔ̍ poe dɛ̍ sɔ̀n nu̍-ɛ kɛ̍n i̍.”

2 Timote 3:15

Nu̍ wlùh, sɔ dě àn jǔwɛ blǐ-ɛ, ìn juo Nyɔsoa-a wlu̍. Ɛ̍ bo ɛ̀ bɛ̌ɛ ìn nǎ po̍-ɛ, ìè Jusu Klai wlùh gbaɛ wɛ̀ ìè pǔh.

Taitɔ 2:11

Dɛ̍nu̍ɛ, Nyɔsoa-a blɛ ɛ̀ pǔh-ia nyɔ̍-ɛ, ɛ̍ wlǔh tà wɛ̀ dǒ nyɔ̍ kli̍hgbɛ̍ we̍.

Iblu 2:3

Nɛ̀ɛ̍, Nyɔsoa-a nyɔ̍ pǔh-iɛ ɛ̀ ku̍-a wɔ̍n-ɛ, pò à sà ɛ̍ dounᵻɛ́, nɛ̀ ka à mu̍-o tàn-a nu̍ ɛ? Joi-a chɛ̀ bo ɔ̀ nu̍ sàǐtòò nyɔ̍ ɔ̀ po̍ pǔh-ɛa tu̍owli la. Wɛ̀ nyɔ̍ ùh wɔ̌n-a ɔ̍ wlu̍-ɛ, iě u̍h to ɛ̍ àɔ̀ i̍ ka ɛ̍ nu̍-a gblangbai̍-ɛ.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

Chiin 1:21

Ɛ̍ tìh-ɛ, mɔ̀ sà sììjii̍ nu̍-ɛ sɔ̍n di̍i̍, ɛ̍ ke kà kɔn-ɛ ke. Nɛ̀ mɔ̀ ji̍ ja̍ mɔ̀ iě wlu̍ Nyɔsoa tù-a dǒ mɔ̀ wlùh kɛ̍n-ɛ i̍ gbɛ̍n. Ɛ̍-ɛ bo ɛ̀ bɛ̌ɛ mɔ̀ pǔh-iɛ.

1 Pitɛ 2:10

Sàǐtòò-ɛ, nɛ̀ mɔ̀ se̍ Nyɔsoa-a nyɔ̍, jɛ kaka la̍, mɔ̀ɔ̍ ɔ̍ nyɔ̍ wɛ̀. Sàǐtòò-ɛ, nɛ̀ mɔ̀ɔ̍ jě Nyɔsoa-a wɔɛ kɔn-ɛ de, jɛ kaka la̍ mɔ̀-a jě ɛ̍ la̍-ɛ.

Wlɛfeleseɔn 7:2

Wɛ̀ ǐn jě ǐnchɔ̀ dɛɛ ɛ̍ sɔ dě tà jlǔh-a wlǔh-ia kwlǎ-a. Nɛ̀ ɛ̍ blě dɛ̍ ɛ̀ tù-a nyɔ̍ kmɔ̌ nɛ Nyɔsoa-a juola pùn-ɛ kwa̍. Iě ɛ̍ wǐ ɛ̍ dǎ ǐnchɔ̀ nyìɛ̍ ìh Nyɔsoa nyǐ-a gbǐh ìh iě-a bloa̍ ke jbǒ kɔ̌ɛ-ɛ.