Ɛfɛsɔ 1:11 - Ku̍o̍ Delee 1999

¹¹ Dɛ̍ᵻ kli̍hgbɛ̍ ìh kɔn di̍i̍chì Nyɔsoa chɛ̍n-aɛ, i̍h bo ìh-a nɛ. À ke Klai ke à nɛ due, ɛ̍ kɔn ɔ̍ tba̍ àɔ̀ chèɛ̀ à iě ɔ̍ nyɔ̍ nu̍. Ɛ̍ bo ɔ̍ po̍ gbɔ̀ se̍e̍, iě ɛ̍ tè-e ɔ̍ wlùh i̍.

Ɛfɛsɔ 1:11 Iomraidhean Croise

Nu̍-dɛ̍ᵻ 13:48

Ti̍ ùh se̍-a Juu nyɔ̍-ɛ wɔ̌n-a wlu̍ la-a, iě u̍h gbǎ mɔna̍-a. Wɛ̀ u̍h-a po̍ Nyɔsoa-a wlu̍ tìhwe̍. Iě nyɔ̍ ùh tba̍-ɛa chèɛ̀ dǒ kmɔ̌ sie feɛ we̍-ɛ, wɛ̀ u̍h blě wlùh gbaɛ-ɛ.

Nu̍-dɛ̍ᵻ 2:23

Jusu la ɔ̍ iě-a kwlǎ sà-ɛ dě mɔ̀ we̍-ɛ, dǒ Nyɔsoa-a di̍i̍chì ke ɔ̍ tɔɔ kɛ̍n bo ɛ̍ kɔ̍ i̍. Iě mɔ̀ nu̍ ɛ̍ wɛ̀ gblɛ̍n sɔ̀ɛ̀n nyɔ̍ kɔ̍ ɔ̍ dǒ gbàɛ̍ kɛ̍n i̍ tu̍ wlì iě u̍h dbǎ ɔ̍.

Nu̍-dɛ̍ᵻ 20:27

Dɛ̍nu̍ɛ, ti̍ ǎn toe-a mɔ̀ Nyɔsoa-a di̍i̍chì-ɛ, ǐn se̍ bu̍h de̍e̍ gbà.

Nu̍-dɛ̍ᵻ 20:32

“Nɛ̀ kaka la̍, ǐn po̍ mɔ̀ dě Nyɔsoa ke ɔ̍ blɛ tu̍owli kwa̍a̍. Ɛ̍-ɛ bo ɛ̀ bɛ̌ɛ mɔ̀ dǒ ta̍i̍ po̍-ɛ. Wɛ̀ ɛ̍ iě mɔ̀ pɔ̀ìě ɛ̀ ɔ̍ tè-a i̍ dǒ ɔ̍ i̍ slɛ̌-nyɔ̍ we̍-ɛ nyǐ.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Nu̍-dɛ̍ᵻ 4:28

Dɛ̍ ìn po̍-a gbɔ̀ se̍e̍ dǒ àn gbǐh we̍ ɛ̀ iě-a nɛ-ɛ, ɛ̍ bo u̍h gbòe i̍ u̍h iě nu̍.

Wloma 11:34

Ɛ̍ kɔn Nyɔsoa-a wlu̍ la̍a̍, “Nyɔ̍ bo ɔ̀ juo Joi-a wlùh ɛ? Nyɔ̍ bo ɔ̀ bɛ̌ɛ ɔ̍ slɛ̌n tù nyɔ̍ nu̍-ɛ ɛ?

Wloma 8:17

Ka à nu̍-a Nyɔsoa-a nynuu̍-ɛ, nɛ̀ à nu̍ dǒ Nyɔsoa-a gbaa kɛ̍n sie nynuu̍. À ke Klai nu̍ gbaa kɛ̍n sie nynuu̍ pò à sàɛ̀ jua̍i̍ ka ɔ̍ nu̍-a jua̍i̍ sàɛ̀-ɛ, wɛ̀ à nynɛ̌ iě i̍ bɛ̌ ka ɔ̍ nynɛ̌ nu̍-a i̍ bɛ̌-ɛ.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

Wloma 8:29

Nyɔ̍ ùh Nyɔsoa tba̍-a chèɛ̀ se̍e̍-ɛ, ɔ̍ tè u̍h pɔ̌ wɛ̀ u̍h iě ɔ̍ Jǔ wɔ̀, wɛ̀ ɔ̍ iě sàì Jǔ nu̍ dě de̍di̍i̍ᵻ dɔu nynɛ̌.

Wloma 8:30

Ùh ɔ̍ tè-ea pɔ̌-ɛ, u̍h bo ɔ̍ dǎ. Ùh ɔ̍ dǎ-aɛ, u̍h bo ɔ̍ slɛ̌-ɛ i̍ dě ɔ̍ chɛ̀ jlǐh. Ùh ɔ̍ slɛ̌-a i̍-ɛ, u̍h-a nynɛ̌ bo ɔ̍ bɛ̌-ɛ i̍.

Wloma 9:11

Ti̍ ɔ̍ nynuu̍ laa̍ u̍h se̍-a wlǔh ke̍-ɛ, nɛ̀ u̍h-u se̍a dɛ̍ sɔ̀n ke dɛ̍ chɛ̀ nu̍, dǒ Nyɔsoa tba̍-ɛ u̍h-a due chèɛ̀. Ɛ̍ to ɛ̍ ka Nyɔsoa-a nyɔ̍ chèɛ̀ tba̍-a se̍-a dǒ dɛ̍-o-dɛ̍ nyɔ̍ nu̍-a kɛ̍n i̍ tba̍-a. Ɛ̍ tba̍ dǒ Nyɔsoa ɔ̀ dǎ-a nyɔ̍-ɛ ɔ̍ wlùh kɛ̍n i̍.

Kelesea 3:18

Pò dɛ̍ᵻ Nyɔsoa tè-a i̍ dǒ ɔ̍ nyɔ̍ we̍-ɛ, i̍h tba̍ dǒ telě kɛ̍n i̍-ɛ, nɛ̀ ɛ̍ se̍ dǒ ɔ̍ tɔ̀ma̍a̍ wlu̍ kɛ̍n i̍ tba̍ dɛ. Jɛ ɛ̍ tba̍ dǒ ɔ̍ tɔ̀ma̍a̍ wlu̍ kɛ̍n i̍ ɛ̍ kɔn ɔ̍ nyǐ ɛ̍ Eblaɛɛn.

Ɛfɛsɔ 1:14

Sùù laa̍ bo ɛ̀ nu̍ ɔ̍ wlu̍-a gbǎ ka à mu̍-a dɛ̍ᵻ ɔ̍ tè-a i̍ dǒ à we̍-ɛ jě-ɛ. Kǎ ɛ̍ mu̍ nɛ te̍e̍ wɛ̀ Nyɔsoa iě ɔ̍ nyɔ̍ sèìe. Ɛ̍ tìh-ɛ, mɔ̀ à bɛ̌-ɛ ɔ̍ nynɛ̌ i̍.

Ɛfɛsɔ 1:18

Ǎn wlu dě ɔ̍ we̍ ɔ̍ iě mɔ̀-a wlùh kɛ̍n i̍ flɔn-ɛ, mɔ̀ iě ɔ̍ sɔ̀npli jě. Wɛ̀ mɔ̀ iě dɛ̍ ɛ̀ nu̍-a wlùh i̍ kɔ̍ dɛ̍ kɔn tìh ɔ̍ dǎ-a mɔ̀-ɛ ke nyɔ̍ wɔ̍n flɔn-ɛ pɔ̀ìě klaa ɔ̍ tè-a i̍ dǒ ɔ̍ nyɔ̍ we̍-ɛ juo.

Ɛfɛsɔ 1:5

ɛ̀ nu̍ ɛ̍ iě ɔ̍ po̍ ɛ̍ gbɔ̀ se̍e̍ ɔ̍ iě à ɔ̍ nynuu̍ we̍i̍ nu̍ dě Klai ja̍a̍. Ɛ̍ bo ɛ̀ nu̍ ɔ̍ wlùh-a kɛ̍n i̍ wɔ̌ɛn dɛ̍.

Ɛfɛsɔ 1:8

Blɛ-a chɛ̀ bo ɔ̍ nɛ-a dǒ à we̍ ɛ̀ jǐi-a kwlǐh i̍, iě ɔ̍ nyǐ à flɔ̍nwlùh ke jlǐh flɔn-ɛ.

Ɛfɛsɔ 1:9

Ɔ̍ tba̍ɛ ɔ̍ iě à dɛ̍ ɛ̀ sìle-a i̍ to. Ɔ̍ nu̍ ɛ̍-ɛ dǒ ɔ̍ chɛ̀-a wlùh-a i̍ tè-ɛ ɛ̀ jii-a dě Klai ja̍a̍-ɛ we̍.

Ɛfɛsɔ 3:11

Nɛ̀ Nyɔsoa-a di̍i̍chì la ɔ̍ chɛ̍n-a wɛ̀ kmɔ̌ iě-a nui-ɛ dǔ-ɛ, ka ɔ̍ nu̍-a ɛ̍ dɛ plǐn-ɛɛ, kǎ ɔ̍ nu̍ ɛ̍ nu̍-ɛ dě à Joi Jusu Klai ja̍a̍.

Kalase 1:12

Wɛ̀ mɔ̀ iě Baa Nyɔsoa tlɔ̌ po̍, ɔ̀ jɔ nɛ-a kmɔ̌ wɛ̀ mɔ̀ iě-a ɔ̍ nyɔ̍ nynɛ̌ gbǎ, iě dɛ̍ ɔ̍ tè-a i̍ dě sɔ̀npli di̍i̍-ɛ mɔ̀ kɔn-a ɛ̍ fɔ̌ wɛ̀-ɛ.

Kalase 3:24

Mɔ̀ juo ɛ̍ ka dɛ̍ Joi tè-a i̍ dǒ mɔ̀ we̍-ɛ, ɔ̍ mu̍-a ɛ̍ mɔ̀ nyǐ-ɛ, dɛ̍nu̍ɛ, Klai bo ɔ̀ nu̍ Joi mɔ̀-a dbee jǔ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Taitɔ 3:7

Ɔ̍ nɛ blɛ dǒ àɔ̀ we̍ ɛ̍ iě à i̍ slɛ̌-nyɔ̍ we̍i̍ nu̍, wɛ̀ kmɔ̌ sie feɛ à kɔ̍-a wlùh i̍-ɛ, à iě ɛ̍ kɔn.

Iblu 6:17

Nyɔ̍ ùh kɔn tìh Nyɔsoa po̍-a wlu̍ tɔ̀ma̍a̍-ɛ, ka ɔ̍ se̍-a ɔ̍ wlùh i̍ bǐi mu̍-ɛ, ɔ̍ pɔ̀n ɛ̍ iě we̍i̍ flɔn kaa̍ ɛ̍ kɔn ɔ̍ slɛ̀ɛ̀n dɛ dǒ ɛ̍ de̍e̍.

Chiin 2:5

Ǎn tìh kma de̍di̍i̍ᵻ, mɔ̀ tba̍ dounᵻ i̍. Da̍a kmɔ̌ la we̍-ɛ, nyɔ̍gbà nyɔ̍ bo Nyɔsoa tba̍ chèɛ̀ ùh iě pàn dě wlùh gbaɛ di̍i̍. Ɔ̍ kmɔ̌ wlu̍ i̍ kɔn-ɛ kɔn wlu̍ ɔ̍ po̍-a tɔ̀ma̍a̍ dǒ nyɔ̍ ùh kma-a ɔ̍ tìh-ɛ we̍-ɛ, u̍h-a mu̍ ɛ̍ fɔ̌ kɔn ke.

1 Pitɛ 1:4

Wɛ̀ à gbɛ̀n dě wìè-i à iě dɛ̍ᵻ Nyɔsoa tè-a i̍ dǒ ɔ̍ nyɔ̍ we̍-ɛ jě. I̍h se̍-e gbɔ̀lɔ la̍ kɔn, i̍h se̍ jii̍ nyni la̍ kɔn, iě i̍h se̍ wɔ̍n wɛ̀ la̍ kɔn ke. Ɔ̍ tè i̍h i̍ dě ja̍i̍wlɔ̀ dǒ mɔ̀ we̍.

1 Pitɛ 3:9

Bɔ̌ dɛ̍ sɔ̀n-a gba̍ sà-a, bɔ̌ wlu̍ sɔ̀n-a gba̍ sà-a ke, jɛ mɔ̀ sà-ɛ u̍h nǐ wɔ̍n. Dɛ̍nu̍ɛ, ti̍ Nyɔsoa dǎ-a mɔ̀-ɛ, ɔ̍ po̍ wlu̍ tɔ̀ma̍a̍ ɔ̍ iě mɔ̀ nǐ wɔ̍n sà-ɛ.