Ɛfɛsɔ 1:10 - Ku̍o̍ Delee 1999

¹⁰ Di̍i̍chì Nyɔsoa chɛ̍n-aɛ, ɛ̍ nu̍ pò ti̍ blaɛ i̍-ɛ, nɛ̀ dɛ̍ᵻ nɛ-a dě ja̍i̍-ɛ ke jih nɛ-a nɔ̌ bloɔ̍-ɛ, nɛ̀ ɔ̍ mu̍ i̍h kli̍hgbɛ̍ tàdùè po̍, wɛ̀ Klai iě i̍h-a wlu̍ kwa̍ blě.

Ɛfɛsɔ 1:10 Iomraidhean Croise

Matio 25:32

Nɛ̀ kmɔ̌ nyɔ̍ kli̍hgbɛ̍-a mu̍ i̍ gbòe-ɛ dǒ ɔ̍ jǔ. Nɛ̀ ɔ̍ mu̍ u̍h-e i̍ gblè ka blawɛ̌ᵻ we̍ i̍ gbɛ̀n nyɔ̍-a sèàɛ̍ blawɛ̌ᵻ ke gbàdɔ̍ᵻ we̍-ɛ.

Pɔ̀n Chɛ̀ Maɛ To-a La 1:15

Ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ ti̍ kɔǎn we̍ wɛ̀. Mɔ̀ bǐi i̍, mɔ̀ iě pɔ̀n chɛ̀ la tìh chɛ̀ po̍.”

1 Kɔwlɛntiɔn 10:11

Ìh kli̍hgbɛ̍ la i̍h nɛ u̍h jii̍ wɛ̀ nyɔ̍ iě i̍h dɛ̍ i̍ blaɛ. I̍h chlǐh-ɛ wɛ̀ i̍h iě à gbòɛ̀ɛ̀ dǒ àɔ̀ ùh nɛ-a kmɔ̌ dǒ ti̍ la ɛ̍ dlǔ i̍ chlà la̍-ɛ.

1 Kɔwlɛntiɔn 11:3

Jɛ ǎn pɔ̀n mɔ̀ iě ɛ̍ i̍ juo ka Klai nu̍-a jɔ̍gbauᵻ kli̍hgbɛ̍-a dlǔtu-ɛ. Jɔ̍gbauᵻ nu̍ u̍h-a nynɔ̌gbaɔᵻá dlǔtu, iě Nyɔsoa nu̍ Klai-a dlǔtu.

Kelesea 4:4

Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,

Ɛfɛsɔ 1:22

Wɛ̀ Nyɔsoa po̍ dɛ̍ᵻ kli̍hgbɛ̍ dě Klai bu̍h sɔ̀n. Iě Nyɔsoa nu̍ ɛ̍ ɔ̍ iě dǒ dɛ̍ᵻ kli̍hgbɛ̍ dlǔwèàì nɛ dǒ chɔchi̍h we̍.

Ɛfɛsɔ 2:15

Ɔ̍ sà telě Nyɔsoa nyǐ-a Mose-ɛ ke telě diih Juu nyɔ̍ blě-a dǒ wìè-i. Ɔ̍ nu̍ ɛ̍-ɛ wɛ̀ u̍h-a gbɔ̍ᵻ nɛ-a sɔɔ̌n-ɛ, ɔ̍ iě u̍h nyɔ̍ delee we̍i̍ nu̍ u̍h iě due nɛ dě ɔ̍ chɛ̀ ja̍a̍. Wɛ̀ ɔ̍ nu̍ ɛ̍ iě u̍h-a wɔ̌ɛn ka wlu̍ i̍.

Ɛfɛsɔ 3:15

Ɔ̍-ɔ bo ɔ̀ nyǐ nyɔ̍ kli̍hgbɛ̍ nɛ-a dě ja̍i̍wlɔ̀-ɛ ke nɔ̌ bloɔ̍-ɛ feɛ.

Ɛfɛsɔ 3:2

Ǐn juo ɛ̍-ɛ mɔ̀ wɔ̌n i̍h wɛ̀, Nyɔsoa-a blɛ nɛ-ɛ bo ɛ̀ nu̍ ɛ̍ wɛ̀ ɔ̍ nyǐ ǐn dbo̍ la iě ɛ̍ nu̍ dǒ mɔ̀ we̍.

Kalase 1:16

Dɛ̍nu̍ɛ, dɛ̍ᵻ kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ kmɔ̌-ɛ, dě ɔ̍ ja̍a̍ bo i̍h nui-ɛ. Jih nyɔ̍-a jě-aɛ ke jih nyɔ̍-ɔ jě-aɛ, ɛ̍ bo ɛ̀ nu̍-a gbǐh ke, nyɔ̍-a wlu̍ kwa̍ blě nyɔ̍ ke, joi kli̍hgbɛ̍ nɛ-a dě dlǔwèàì-ɛ ke tùn blě nyɔ̍ ke, dɛ̍ᵻ kli̍hgbɛ̍ nui-ɛ dě ɔ̍ ja̍a̍, iě ɔ̍ kɔn i̍h.

Kalase 1:20

Dě ɔ̍ ja̍a̍ bo Nyɔsoa ke dɛ̍ᵻ kli̍hgbɛ̍ gbǎ-ɛ tàdùè. Jih nɛ-a nɔ̌ kmɔ̌-ɛ ke, jih nɛ-a dě ja̍i̍wlɔ̀-ɛ, ɔ̍ dǒ gbàɛ̍ kɛ̍n i̍ tu̍ wlì mɛ̌ɛ bo ɛ̀ gbe̍ɛ̍ɛn i̍h ke Nyɔsoa-a wlu̍ kɛ̍n i̍ dode̍.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

Iblu 11:40

Dɛ̍nu̍ɛ, Nyɔsoa chɛ̍n dɛ̍ chɛ̀-a di̍i̍chì chɛ̀ dǒ à we̍. Dɛ̍ ɔ̍ pɔ̀n-aɛ, ɛ̍ nu̍ nyɔ̍ la u̍h ke à nɛi̍ wɛ̀-ɛ iě kwlǎ wɛ̀ tàdùè.

Iblu 9:10

Dɛ̍nu̍ɛ, i̍h nɔ̀ɔ̍, i̍h tba̍ dǒ di̍-dɛ̍ ke, nǎ-dɛ̍ ke, i̍ dle-ɛ bei pùn i̍. Ìh la nu̍-dɛ̍ᵻ naɛ telě bo. I̍h nɛ-ɛ te̍e̍ wɛ̀ Nyɔsoa po̍ dɛ̍ᵻ kli̍hgbɛ̍ delee i̍.

1 Pitɛ 1:20

Nyɔsoa tba̍ ɔ̍ chèɛ̀ sasǎ iě ɔ̍ dǔ kmɔ̌ la nu̍-ɛ, iě Klai tù mɔ̀-a tìh iě ɔ̍ ji̍ dǒ bɔ̌ɛ-o wǐh la di̍i̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.