Ɛfɛsɔ 1:1 - Ku̍o̍ Delee 1999

¹ Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ Nyɔsoa nyɔ̍ nɛ-a dǒ Ɛfɛsɔ wlɔ̀ di̍i̍-ɛ we̍, ùh gbaɛ-a Jusu Klai wlùh-ɛ.

Ɛfɛsɔ 1:1 Iomraidhean Croise

Pɔ̀n Chɛ̀ Luu To-a La 16:10

Nyɔ̍ jɔ gbɛ̍n-a gba̍n dǒ dɛ̍ juwɛ we̍-ɛ, nɛ̀ ɔ̍ mu̍ gba̍n gbɛ̍n ke dǒ dɛ̍ᵻ dɔu we̍. Nyɔ̍ jɔ se̍-a gba̍n gbɛ̍n dǒ dɛ̍ juwɛ we̍-ɛ, nɛ̀ ɔ̍ se̍ gba̍n gbɛ̍n mu̍ ke dǒ dɛ̍ᵻ dɔu we̍.

Nu̍-dɛ̍ᵻ 16:15

Wɛ̀ ɔ̍ ke ɔ̍ blǐ gbò nyɔ̍ kli̍hgbɛ̍ po̍ nǐ dlǔ, iě ɔ̍ dǎ àɔ̀, ɔ̍ la̍a̍, “Pò mɔ̀ juo ɛ̍ dǒ mɔ̀ pɔluh kɛ̍n ǐn gbaɛ Joi wlùh wɛ̀-ɛ, nɛ̀ mɔ̀ à mu̍ dě ǐn blǐ gbò mɔ̀ iě-e i̍ tè.” Iě ɔ̍ nɛ̌ à kɛ̍ɛ̍n à iě-e mu̍.

Nu̍-dɛ̍ᵻ 18:19

U̍h nyni̍-a Ɛfɛsɔ-ɛ, dǒ Pɔɔ si̍e̍ Plisela ke Akwela. Wɛ̀ ɔ̍ mu̍ dě Juu nyɔ̍-a wɛɛ sà gbò sɔ̀n, iě ɔ̍ ke u̍h-a sà wɔ̍ɔ̍n i̍.

Nu̍-dɛ̍ᵻ 18:21

Ɛ̍ kɔn ɔ̍ po̍ wlu̍ tɔ̀ma̍a̍ iě ɔ̍ dǔ mu̍-ɛ, ɔ̍ la̍a̍, “Pò Nyɔsoa wɔ̌n-ɛ, nɛ̀ ǎn mu̍ de̍ka ji̍.” Wɛ̀ ɔ̍ gbǎ blǎgbè di̍i̍ ɔ̍ sɔ Ɛfɛsɔ.

Nu̍-dɛ̍ᵻ 9:13

Iě Ɛlenaea la̍a̍, “Joi, jɔ̍gbau la ǐn dǔ ɔ̍ pɔ̀n wɔ̌n-ɛ se̍e̍ dě nyɔ̍ dɔu wɔ̍ɔ̍n. U̍h la̍ ɔ̍ nu̍ dɛ̍ᵻ gbàìn gbàìn dǒ àn nyɔ̍ nɛ-a dě Juluslɛn-ɛ pùn.

Wloma 1:1

Mɔ̍ Pɔɔ ɔ̀ nu̍-a Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa dǎ m iě gba̍tòà nu̍, wɛ̀ ɔ̍ tè-e ǐn pɔ̌ iě pɔ̀n chɛ̀ sɔ-a dě ɔ̍ we̍-ɛ bla̍.

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

1 Kɔwlɛntiɔn 4:12

À nu̍ kmu-u dbo̍ dǒ à chɛ̀-a sɔ̍n gbǎ we̍. Pò nyɔ̍ chlèe àɔ̀-ɛ, nɛ̀ à sà-ɛ u̍h nǐ wɔ̍n. Pò u̍h jě-e àɔ̀ klě-ɛ, nɛ̀ à ku̍-e klì i̍ kleǐn.

1 Kɔwlɛntiɔn 4:17

Nɛ̀ɛ̍, Timote ɔ̀ nu̍-a ǎn jǔ dě Joi-a dbo̍ nu̍-ɛ di̍i̍ iě ǐn kma-a ɔ̍ tìh wɛ̀ ǐn tè-a ɔ̍ wlì-ɛ, ɔ̍-ɔ bo ǐn dbo̍ dě mɔ̀ we̍. Ǐn dbo̍ ɔ̍ ɔ̍ iě mɔ̀ tìh wlì i̍ sǐi ka ǎn kmɔ̌ nɛ-a dě Klai ja̍a̍, iě ǎn poe-a ɛ̍ nyɔ̍ nǎ dě chɔchi̍h nyɔ̍ kli̍hgbɛ̍ nynɛ̌-ɛ.

2 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À chlǐh-ɛ dě Nyɔsoa-a chɔchi̍h ɛ̀ nɛ-a dě Kɔwlɛn wlɔ̀ di̍i̍-ɛ we̍, ɛ̍ ke Nyɔsoa nyɔ̍ kli̍hgbɛ̍ ùh nɛ-a dě Akaia bloa̍ kɛ̍n-ɛ ke.

Kelesea 1:1

Mɔ̍ Pɔɔ, mɔ̍ Klai-a gba̍tòà. Jɛ nyi̍ɔ̍ se̍ ɛ̍ ǐn we̍i̍ nu̍, iě ɛ̍ wɔ̍ se̍ dě nyi̍ɔ̍ we̍ sɔ-ɛ ke. Jɛ ɛ̍ sɔ-ɛ dě Jusu Klai we̍, ɛ̍ ke Baa Nyɔsoa jɔ sà ɔ̍-eɛ ke.

Kelesea 3:26

Wlùh gbaɛ bo ɛ̀ nu̍ mɔ̀ kli̍hgbɛ̍ Nyɔsoa-a chɛǐ nynuu̍ we̍i̍ wɛ̀ dě Jusu Klai ja̍a̍.

Kelesea 3:28

Juu nyɔ̍ se̍-o dɔɔ̌ nɛ, wɛ̀ ùh se̍-a Juu nyɔ̍-ɛ se̍-o dɔɔ̌ nɛ. Kèi̍ se̍-o dɔɔ̌ nɛ, wɛ̀ i̍ flɔn nyɔ̍ se̍-o dɔɔ̌ nɛ. Jɔ̍gbau se̍-o dɔɔ̌ nɛ, wɛ̀ nynɔ̌gbaɔ se̍-o dɔɔ̌ nɛ. Jɛ mɔ̀ kli̍hgbɛ̍ mɔ̀ nɛ due wɛ̀ dě Jusu Klai ja̍a̍.

Kelesea 3:9

Eblaɛɛn blě wlùh gbaɛ. Ɛ̍ bo ɛ̀ nu̍ ɛ̍ iě ɔ̍ jě pɔ̀ìě. Nɛ̀ nyɔ̍ ɔ̀ mu̍-a wlùh gbaɛ blě ke-ɛ, nɛ̀ ɔ̍ mu̍ Eblaɛɛn we̍ pɔ̀ìě jě ke.

Ɛfɛsɔ 1:15

Ka Nyɔsoa nyǐ-a à pɔ̀ìě la-ɛ, ti̍ ǐn wɔ̌n-a mɔ̀-a nynɛ̌ ka mɔ̀ gbaɛ-a Joi Jusu wlùh iě mɔ̀ jbɛɛ-a Nyɔsoa nyɔ̍ kli̍hgbɛ̍-ɛ,

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 2:13

Jɛ mɔ̀ɔ̍ ùh ti̍ɛ̍ɛn-a Nyɔsoa we̍ i̍ de-ɛ, mɔ̀ ke Jusu Klai-a due nɛ-ɛ bo ɛ̀ ja ka mɔ̀ de̍ kɛklɛɛ dě ɔ̍ nymɔ̍-a i̍ wlǎ-a di̍i̍.

Ɛfɛsɔ 2:6

À ke Jusu Klai-a due nɛ-ɛ bo ɛ̀ nu̍ ɛ̍ iě ɔ̍ sà-ae à ke Klai, wɛ̀ à ke ɔ̍ iě dě ja̍i̍wlɔ̀ wlu̍ i̍ kɔn.

Ɛfɛsɔ 6:21

Tekikɔ ɔ̀ nu̍-a tìh kma de̍di̍i̍ à tè-a wlì dě Joi-a dbo̍ nu̍-ɛ di̍i̍-ɛ, ɔ̍ mu̍ ǎn pɔ̀n dě mɔ̀ we̍ ja wɛ̀ ka ǐn pɛ̌n-a ǐn tè-aɛ, iě mɔ̀ iě ɛ̍ we̍ i̍ ju̍o̍e.

Kalase 1:2

Ɛ̍ mu̍ dě Nyɔsoa nyɔ̍ ùh nu̍-a à de̍di̍i̍ᵻ ùh gbaɛ-a Klai wlùh dǒ Kalase wlɔ̀ di̍i̍-ɛ we̍. Ǎn sà nǐ wɔ̍n, à Baa Nyɔsoa-a blɛ ke ɔ̍ wlùh-a i̍ tè-ɛ iě dǒ mɔ̀ we̍ nɛ.

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.