Chiin 1:3 - Ku̍o̍ Delee 1999

³ Dɛ̍nu̍ɛ, mɔ̀-a chɛ̀ juo ɛ̍-ɛ, mɔ̀-a wlùh gbaɛ-ɛ tɛ̀n-ɛ bo ɛ̀ mu̍ kmɔ̌ nɛ wɛ̀ mɔ̀ iě-e klì i̍ ku̍.

Chiin 1:3 Iomraidhean Croise

Pɔ̀n Chɛ̀ Luu To-a La 21:19

Mɔ̀-a dě klì i̍ ku̍-ɛ bo ɛ̀ mu̍ mɔ̀-a chɛ̀ sèìe.

Wloma 15:4

Dɛ̍ᵻ kli̍hgbɛ̍ ìh chlǐh-a tɛin dě Nyɔsoa-a wlu̍ di̍i̍-ɛ, i̍h chlǐh i̍-ɛ i̍h iě à nǎ po̍, wɛ̀ à iě wlùh i̍ kɔ̍ dɛ̍ blě. Dɛ̍nu̍ɛ, Nyɔsoa-a wlu̍ fùka à wlùh iě ɛ̍ ku̍ i̍ àɔ̀ dě klì i̍.

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

Wloma 8:25

Jɛ pò dɛ̍ à se̍-a jlǐhɛ̍ tba̍-ɛ wɛ̀ à iě ɛ̍ wlùh i̍ kɔ̍-ɛ, nɛ̀ à gbɛ̍n wlùh i̍ iě à chlì ɛ̍ we̍ i̍.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

2 Kɔwlɛntiɔn 4:17

Jua̍i̍ sàɛ̀ juwɛ la ɛ̀ se̍-a i̍ wlè mu̍-ɛ, ɛ̍ po̍ à gba̍a̍ dǒ kmɔ̌ sie tìh-a i̍ bɛ̌-ɛ ɛ̀ se̍-a i̍ blaɛ dɛ̍ kɔn-ɛ we̍.

Kalase 1:11

Ǎn sà nǐ wɔ̍n Joi-a tìh-a i̍ bɛ̌-ɛ gbǐh iě ɛ̍ nu̍ mɔ̀-a kmu-ɛ iě gbǐh kɛ̍n nɛ. Wɛ̀ mɔ̀ iě-e klì i̍ ku̍ dǒ dɛ̍ᵻ kli̍hgbɛ̍ we̍ dě wlùh i̍ gbɛ̍n-ɛ di̍i̍, mɔ̀ iě nmɔ.

2 Tɛsoloniɔn 1:4

Ɛ̍ tìh-ɛ, à chɛ̀-a po̍ mɔ̀-a bu̍hᵻ wlù i̍ dě Nyɔsoa-a chɔchi̍h nyɔ̍ nynɛ̌. Dɛ̍nu̍ɛ, klě jě-ɛ ke jua̍i̍ sàɛ̀-ɛ ji̍ mɔ̀ we̍, wɛ̀ dě ɛ̍ di̍i̍-ɛ mɔ̀-a ku̍-e klì i̍ iě mɔ̀-a blě wlùh gbaɛ.

2 Tɛsoloniɔn 3:5

Ǎn sà nǐ wɔ̍n Joi iě mɔ̀-a pɔluh wìè-e po̍ dǒ ka Nyɔsoa nu̍-a mɔ̀ɔ̍ jbɛɛ we̍, ɛ̍ ke dě klì i̍ ku̍-ɛ Klai nyǐ-a mɔ̀-ɛ ke.

Iblu 10:36

Mɔ̀ kɔn mɔ̀ iě-e klì i̍ ku̍ wɛ̀ mɔ̀ iě Nyɔsoa-a wlùh nu̍, nɛ̀ mɔ̀-a mu̍ ɔ̍ tɔ̀ma̍a̍ wlu̍ jě.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.

Iblu 6:12

À se̍ pɔ̀n mɔ̀ iě plǔh nu̍. Jɛ nyɔ̍ ùh blě-a wlùh gbaɛ iě ùh gbɛ̍n-a wlùh i̍ ùh jě-a dɛ̍ kɔn wlu̍ Nyɔsoa po̍-a tɔ̀ma̍a̍-ɛ, u̍h kɔn wɔ̀ɔ̀ mɔ̀ iě-e i̍ sà.

1 Pitɛ 1:7

Ìh la i̍h-a nɛ-ɛ wɛ̀ ɛ̍ iě ɛ̍ to ka mɔ̀ blě-a wlùh gbaɛ chɛ̀ɛ̌chɛ̀-ɛ. Kòo̍ jih-a gbɔ̀lɔ-aɛ, i̍h bo u̍h-a tɛ̀n dǒ nɛ̍ we̍. Jɛ mɔ̀-a wlùh gbaɛ-ɛ jɛ gbǎ-a dɛ̍kɛ̍n ɛ̀ sìì-a kòo̍-ɛ, ɛ̍ bo ɛ̀ se̍-e tɛ̀n-ɛ mu̍ ae? Ɛ̍ mu̍-u tɛ̀n-ɛ wɛ̀ ɛ̍ iě i̍ ku̍, nɛ̀ ti̍ Jusu Klai-a mu̍-a nyɔ̍ kli̍hgbɛ̍ kɛ̍n wlǔh-iɛ, wɛ̀ mɔ̀ iě tìhwe̍ po̍-ɛ ke, tìh-a i̍ bɛ̌-ɛ ke ja̍ tè-ɛ jě.

2 Pitɛ 1:6

wɛ̀ dǒ tɔɔ de̍e̍ laa̍ mɔ̀ iě-o chɛ̀ i̍ gbɛ̍n-ɛ po̍. Dǒ chɛ̀ i̍ gbɛ̍n-ɛ de̍e̍ laa̍ mɔ̀ iě-o klì i̍ ku̍-ɛ po̍. Dǒ klì i̍ ku̍-ɛ de̍e̍ laa̍ mɔ̀ iě-o Nyɔsoa dɛ-ɛ nɛ-ɛ po̍.