2 Tɛsoloniɔn 3:8 - Ku̍o̍ Delee 1999

⁸ À-a di̍ nyɔ̍-o-nyɔ̍-a di̍-dɛ̍ wɛ̀ à-a se̍ ɛ̍ tàà pɛ̌ɛ. Jɛ à nu̍ kmu dbo̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ.

2 Tɛsoloniɔn 3:8 Iomraidhean Croise

Matio 6:11

Nyǐ àɔ̀ sèàn weɛ̍-a di̍-dɛ̍.

Nu̍-dɛ̍ᵻ 18:3

Wɛ̀ ɔ̍ tè dǒ u̍h we̍ i̍, iě ɔ̍ ke u̍h-a tba̍ wɛ̀ɛ̀ sɔ̍n wlù-a jlii̍, dɛ̍nu̍ɛ, dbo̍ tu̍ laa̍ bo ɔ̍ jěe dɛ̍ i̍ ke se̍e̍.

Nu̍-dɛ̍ᵻ 20:34

Mɔ̀-a chɛ̀-a gbǎ juo ɛ̍-ɛ, pò ǐn ke ǎn na-a nyɔ̍ ja dɛ̍ i̍ pɔ̀n-ɛ, ǎn chɛ̀-a sɔ̍n-a gbǎ bo ǎn nu̍ wɛ̀ à jě ɛ̍.

1 Kɔwlɛntiɔn 4:12

À nu̍ kmu-u dbo̍ dǒ à chɛ̀-a sɔ̍n gbǎ we̍. Pò nyɔ̍ chlèe àɔ̀-ɛ, nɛ̀ à sà-ɛ u̍h nǐ wɔ̍n. Pò u̍h jě-e àɔ̀ klě-ɛ, nɛ̀ à ku̍-e klì i̍ kleǐn.

1 Kɔwlɛntiɔn 9:4

Nɛ̀ na̍ à se̍ i̍ blaɛ à iě niɛ̍ nǎ dě dbo̍ la di̍i̍ ae?

2 Kɔwlɛntiɔn 11:27

Ǐn nu̍ dbo̍ iě ǐn sàɛ̀ jua̍i̍ dɛ̍ dɔu. Ǐn se̍ mɔ̌-ɔ nyinɔ̍ kɔn dǒ wlù wǐh dɔu di̍i̍. Mɔ̌ ke nǐ na̍ tɔ̌n-a nu̍ m. Ǐn se̍ di̍-dɛ̍ ke pɛ̌na̍ ke pa̍-dɛ̍ blě sɔ̀ngbɛ̀jɛ̀.

2 Kɔwlɛntiɔn 11:9

Ti̍ ǐn nɛ-a dě mɔ̀ we̍ ǎn pɔ̀n-a wlǐ-ɛ, ǐn se̍ mɔ̀ wɔ̍ɔ̍n i̍ bɛ̌ɛ ǎn we̍ gbǎ tìh. À de̍di̍i̍ᵻ ùh sɔ-a nɔ̌ Mɛsedonia bloa̍ kɛ̍n-ɛ, u̍h ja ǐn dɛ̍ᵻ kli̍hgbɛ̍ ǐn nɛ-a blě ka̍-ɛ. Ka à nu̍-a sàǐtòò-ɛ, kǎ à mu̍ nu̍ dě nya̍. Ǐn se̍ mɔ̀ dɛ̍ i̍ pɔ̀n-ɛ mu̍.

Ɛfɛsɔ 4:28

Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

1 Tɛsoloniɔn 2:9

À de̍di̍i̍ᵻ, mɔ̀ bɛ̌ɛ mɔ̀ iě wlùh nu̍, ti̍ à nɛ-a dě mɔ̀ we̍-ɛ, nɛ̀ à nu̍ kmu-u dbo̍ iě à sàɛ̀ jua̍i̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ dǒ à Nyɔsoa-a pɔ̀n chɛ̀ bla̍-a we̍.

1 Tɛsoloniɔn 4:11

Mɔ̀ fɔ̀n dɛ̍ we̍ mɔ̀ iě dě gba̍n gbɛ̍n kmɔ̌ di̍i̍ nɛ. Mɔ̀ sà dǒ nyɔ̍ dɔɔ-a tìh we̍ wlu̍. Mɔ̀ nu̍ mɔ̀-a chɛ̀-a dbo̍. Kǎ ǐn dǎ mɔ̀ wlùh sèàɛ̍-ɛ se̍e̍.

2 Tɛsoloniɔn 3:12

Nyɔ̍tu laa̍ à tè u̍h telě i̍, à gbɛ̍n u̍h-a bu̍hᵻ dǒ Joi Jusu Klai-a nynɛ̌ kɛ̍n u̍h iě gbain nɛ u̍h iě dbo̍ nu̍, u̍h iě u̍h-a chɛ̀-a dɛ̍ i̍ pɔ̀n.