2 Tɛsoloniɔn 3:6 - Ku̍o̍ Delee 1999

⁶ À de̍di̍i̍ᵻ, à po̍ mɔ̀ telě i̍ dǒ à Joi Jusu Klai-a nynɛ̌ kɛ̍n. De̍di̍i̍ jɔ nɛ-a dě flàn-dɛ̍ di̍i̍-ɛ, nɛ̀ mɔ̀ ti̍ɛ̍ɛn ɔ̍ we̍ i̍, ɛ̍ ke nyɔ̍ ùh-u nu̍-a dɛ̍ à poe-a mɔ̀ nǎ-ɛ ke.

2 Tɛsoloniɔn 3:6 Iomraidhean Croise

Matio 18:17

Nɛ̀ pò ɔ̍ se̍ u̍h-a wlu̍ i̍ wɔ̌n ke-ɛ, nɛ̀ ìn gba̍ ɔ̍ kunǎ dě chɔchi̍h-i. Nɛ̀ pò ɔ̍ se̍ chɔchi̍h-a wlu̍ i̍ wɔ̌n ke-ɛ, nɛ̀ ka mɔ̀-a nu̍-a se̍ Nyɔsoa juo nyɔ̍ ke taa̍sìh sà nyɔ̍ jě-ɛɛ, kǎ mɔ̀ iě ɔ̍ jě-ɛ nu̍ ke.

Wloma 16:17

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, nyɔ̍ ùh-a nui-a nyɔ̍ gblɛ̍n sɔ̀ɛ̀n wɛ̀ u̍h-a che̍ɛ̍ɛn-a nyɔ̍ i̍-ɛ, mɔ̀ nu̍ u̍h-a nɛnɛ̌ o. Ùh faɛn-a dɛ̍ ɛ̀ mɔ̀-a nǎ poe nyɔ̍ poe-a mɔ̀ nǎ-a, nɛ̀ mɔ̀ sà u̍h sɔ̍n-ɔ i̍.

1 Kɔwlɛntiɔn 11:2

Ǎn po̍ mɔ̀ tìhwe̍, dɛ̍nu̍ɛ, mɔ̀-a blě-e ǎn tìh dǒ wlùh kɛ̍n te̍e̍, iě mɔ̀-a jě nǎ po̍ wlu̍ ǐn ja-a dě mɔ̀ we̍-ɛ dɛ̍ɛ̍.

1 Kɔwlɛntiɔn 5:9

Chlǐh-dɛ̍ ǐn chlǐh-a mɔ̀ we̍-ɛ, ǐn sèàɛ̍ mɔ̀ wlùh dě ɛ̍ di̍i̍, na̍a̍, mɔ̀ ke gbǎn nu̍ nyɔ̍ bɔ̌ we̍ nɛ̍aɛ-ɛ.

2 Kɔwlɛntiɔn 2:10

Nyɔ̍-o-nyɔ̍ kɔn dɛ̍ sɔ̀n-a tìh mɔ̀ tǎli-a i̍-ɛ, nɛ̀ ǐn tǎli ɔ̍ dɛ̍ sɔ̀n-a tìh i̍ ke. Pò ǐn kɔn iě nyɔ̍-a dɛ̍-o-dɛ̍-a tìh i̍ tǎli-ɛ, nɛ̀ ǐn nu̍ ɛ̍ mɔ̀-a tìh. Klai bo ɔ̀ nu̍ ǎn sàànsi̍i̍h.

Ɛfɛsɔ 4:17

Nɛ̀ɛ̍, ǐn gbɛ̍n mɔ̀-a bu̍hᵻ i̍ dǒ Joi-a nynɛ̌ kɛ̍n, mɔ̀ bɔ̌ kmɔ̌ nɛ-ɛ dɛ ka se̍ Nyɔsoa juo nyɔ̍-ɛ. Dɛ̍nu̍ɛ, u̍h nɔ̀ɔ̍, pɔ̀ɔ̍pìe̍ dɛ̍ᵻ bo u̍h-a slè-e wlùh i̍.

Kalase 3:17

Dǒ wlu-ɛ ke nu̍-dɛ̍ᵻ we̍ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Joi Jusu-a nynɛ̌ kɛ̍n. Nɛ̀ mɔ̀ jii ɔ̍-ɔ mɔ̀ iě Baa Nyɔsoa tlɔ̌ po̍.

1 Tɛsoloniɔn 4:1

À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

1 Tɛsoloniɔn 4:11

Mɔ̀ fɔ̀n dɛ̍ we̍ mɔ̀ iě dě gba̍n gbɛ̍n kmɔ̌ di̍i̍ nɛ. Mɔ̀ sà dǒ nyɔ̍ dɔɔ-a tìh we̍ wlu̍. Mɔ̀ nu̍ mɔ̀-a chɛ̀-a dbo̍. Kǎ ǐn dǎ mɔ̀ wlùh sèàɛ̍-ɛ se̍e̍.

1 Tɛsoloniɔn 5:14

À de̍di̍i̍ᵻ, à ba̍le mɔ̀-ɛ, mɔ̀ gbòɛ̀ɛ̀ flàn-nyɔ̍, mɔ̀ iě faɛn nyɔ̍ wlì i̍ bɛ̌ɛ. Nɛ̀ mɔ̀ gbǎ gbǐh-a mɛ̌-nyɔ̍ we̍. Mɔ̀ gbɛ̍n wlùh i̍ dǒ u̍h kli̍hgbɛ̍ we̍.

2 Tɛsoloniɔn 2:15

Ɛ̍ tìh-ɛ, à de̍di̍i̍ᵻ, mɔ̀ ku̍-e klì i̍, mɔ̀ iě dɛ̍ᵻ à poe-a mɔ̀ nǎ dǒ à wɔ̍i̍n wlu̍ ke chlǐh-dɛ̍ we̍-ɛ i̍ gbɛ̍n.

2 Tɛsoloniɔn 3:7

Mɔ̀-a chɛ̀ juo ɛ̍ mɔ̀ kɔn mɔ̀ iě-e à wɔ̀ɔ̀ i̍ sà. Ti̍ à nɛ-a dě mɔ̀ we̍-ɛ, mɔ̀ jě àɔ̀, à se̍ flàn.

1 Timote 5:21

Da̍a Jusu Klai ke, Nyɔsoa ke ɔ̍ ǐnchɔ̀ jlǐhwai bo ǎn chlì-i àn dounᵻ. Nu̍ slɛ̌ ǎn po̍-a ìn chèɛ̀-ɛ i̍-ɛ. Bɔ̌-e nyɔ̍ i̍ chlɛ̌-ɛ, bɔ̌ wìè fɔ̌ due sà-a.

1 Timote 6:5

Nyɔ̍ duuh nɛ-o u̍h-a wlu-ɛ i̍ pɔ̀n-ɛ se̍ siee la̍ kɔn, iě u̍h-a nu̍ sàwlùh-ɛ. U̍h nɔ̀ɔ̍, tìh-a taǐn se̍ dě u̍h ja̍a̍ nɛ. Sɔ u̍h jajeɛ̍ Nyɔsoa wɛɛ sà-a bo ɛ̀ pàn-ɛ nyɔ̍ de.

2 Timote 3:5

U̍h-a mu̍ Nyɔsoa wɛɛ sà nyɔ̍ nu̍ fli̍h kɛ̍n i̍, wɛ̀ u̍h iě ɔ̍ gbǐh nɔ̀ɔ̍ chla tba̍. Bɔ̌ dǒ nyɔ̍ kaɛn laa̍ de̍e̍ gbǎ-a.

2 Timote 4:1

Dǒ Nyɔsoa ke Jusu Klai jɔ mu̍-a mɛ̌-nyɔ̍ ke kmɔ̌ nɛ nyɔ̍-a sàwi̍h sì-ɛ jǔ bo ǎn poe ka ìn slǔh. Dɛ̍nu̍ɛ, ɔ̍ mu̍ ji̍ ɔ̍ iě kmɔ̌ wlu̍ i̍ kɔn.

2 Chɔɔn 1:10

Pò nyɔ̍-o-nyɔ̍ ji̍ dǒ mɔ̀ we̍ wɛ̀ ɔ̍ se̍ nǎ po̍ wlu̍ la ja-ɛ, nɛ̀ mɔ̀ bɔ̌ ɔ̍ gbò we̍ gba̍-a. Mɔ̀ bɔ̌ ɔ̍ tàlo̍-a chɛ̀ po̍-ɛ.