2 Tɛsoloniɔn 3:4 - Ku̍o̍ Delee 1999

⁴ À tè Joi wlì dǒ mɔ̀ we̍, ka mɔ̀-a nu̍-a dɛ̍ᵻ à sèàɛ̍-a mɔ̀ wlùh iě mɔ̀-a mu̍-a i̍h dluwe̍ i̍ gba̍-ɛ.

2 Tɛsoloniɔn 3:4 Iomraidhean Croise

Matio 28:20

Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Wloma 15:14

Ǐn de̍di̍i̍ᵻ, jɛwɛ̀ ǎn pɔluh pɛ̌n i̍ dǒ mɔ̀ we̍ ka mɔ̀ blě-a gblɛ̍n chɛ̀ ke tɔɔ kli̍hgbɛ̍-ɛ, iě mɔ̀ bɛ̌ɛ-a slɛ̌n we̍ tù i̍-ɛ wɛ̀-ɛ.

Wloma 15:18

Dɛ̍ ɛ̀ Klai nu̍-a dě ǐn ja̍a̍-ɛ, ɛ̍ nu̍ ùh se̍-a Juu nyɔ̍-ɛ u̍h iě Nyɔsoa-a wlu̍ nu̍. Ɛ̍ nɛ due bo ǎn mu̍ bla̍ gbài̍gbài̍. Ɔ̍ nu̍ ɛ̍-ɛ dǒ ǎn wlu̍ ke ǎn nu̍-dɛ̍ᵻ we̍.

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

1 Kɔwlɛntiɔn 14:37

Pò nyɔ̍-o-nyɔ̍ la̍ ɔ̍-ɔ Nyɔsoa-a tu̍owli po̍ nyɔ̍ àe̍e̍ ɔ̍ blě Nyɔsoa-a Sùù-a nyǐ-dɛ̍-ɛ, nɛ̀ ɔ̍ kɔn ɔ̍ iě ɛ̍ i̍ juo ka dɛ̍ ǎn chlǐh-a dě mɔ̀ we̍-ɛ, ɛ̍ nu̍-a Joi-a telě-ɛ.

1 Kɔwlɛntiɔn 7:19

Nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ tìh se̍ kma. Nyɔsoa-a telě i̍ tè tìh bo ɛ̀ kma.

2 Kɔwlɛntiɔn 2:3

Ɛ̍ kɔn ǐn chlǐh mɔ̀ chlǐh-dɛ̍ laa̍ we̍. Ǐn se̍ pɔ̀n iě-e mɔ̀ we̍ ji̍-ɛ, wɛ̀ mɔ̀ɔ̍ kɔn taǐn ùh kɔn ùh iě-a ǐn mɔna̍-a po̍-ɛ, wɛ̀ mɔ̀ iě ǎn wlùh seɔn po̍. Ǐn juo ɛ̍ kleǐn pò ǐn gbǎ mɔna̍-ɛ, nɛ̀ mɔ̀ kli̍hgbɛ̍ mɔ̀ gbǎ mɔna̍-a ke.

2 Kɔwlɛntiɔn 2:9

Ǐn chlǐh chlǐh-dɛ̍ laa̍ iě mɔ̀ɔ̍ tɛ̀n pò mɔ̀ ja ǎn wlu̍ nu̍ mu̍ dǒ dɛ̍ᵻ kli̍hgbɛ̍ we̍-ɛ.

2 Kɔwlɛntiɔn 8:22

À dbo̍ u̍h ke à de̍di̍i̍ dɔɔ. À tɛ̀n ɔ̍-ɔ wɛ̀ kaa̍, iě à juo-o dɛ̍ i̍ ka ɔ̍ wlùh-a nu̍-a jàjà ɔ̍ iě-a nyɔ̍ we̍ gbǎ-ɛ. Kaka la̍ ka ɔ̍ tè-a mɔ̀ wlì kaa̍-ɛ, ɛ̍ nu̍ ɔ̍ wlùh-a jàjà kaa̍ ɛ̍ sìì sàǐtòò naɛ ɔ̍ iě mɔ̀ we̍ gbǎ.

Kelesea 5:10

Ǐn tè Joi wlì dǒ mɔ̀ we̍, mɔ̀ se̍ flɔ̍nwlùh dɛɛ de̍e̍ gbǎ mu̍ wɛ̀ mɔ̀ iě-o naɛ̍ i̍ si̍e̍. Nɛ̀ nyɔ̍ jɔ bɛ̌ɛ-a mɔ̀ wɔ̍ɔ̍n i̍-ɛ, ka jɛ ɔ̍ nɛ-ɛ, ɔ̍ mu̍ kàn gbɛ̍n-ɛ.

Felepai 1:6

Nɛ̀ ǐn tè ɛ̍ wlì kleǐn Nyɔsoa ɔ̀ tè-a dbo̍ chɛ̀ la gbɔ̀ dě mɔ̀ ja̍a̍-ɛ, ɔ̍ mu̍ ɛ̍ nya̍ gba̍ te̍e̍ wɛ̀ ɛ̍ iě i̍ wɛ̀ gblaan dǒ Jusu Klai-a ji̍-i weɛ̍ di̍i̍.

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

1 Tɛsoloniɔn 4:10

Wɛ̀ kǎ ɛ̍ nɛ ke, mɔ̀ jbɛɛ de̍di̍i̍ᵻ kli̍hgbɛ̍ nɛ-a dě Mɛsedonia-a wɛ̀. Ɛ̍ tìh-ɛ, à de̍di̍i̍ᵻ, à ba̍le mɔ̀-ɛ, mɔ̀ iě ɛ̍ dluwe̍ i̍ gba̍ ma̍u̍.

2 Tɛsoloniɔn 3:12

Nyɔ̍tu laa̍ à tè u̍h telě i̍, à gbɛ̍n u̍h-a bu̍hᵻ dǒ Joi Jusu Klai-a nynɛ̌ kɛ̍n u̍h iě gbain nɛ u̍h iě dbo̍ nu̍, u̍h iě u̍h-a chɛ̀-a dɛ̍ i̍ pɔ̀n.

2 Tɛsoloniɔn 3:6

À de̍di̍i̍ᵻ, à po̍ mɔ̀ telě i̍ dǒ à Joi Jusu Klai-a nynɛ̌ kɛ̍n. De̍di̍i̍ jɔ nɛ-a dě flàn-dɛ̍ di̍i̍-ɛ, nɛ̀ mɔ̀ ti̍ɛ̍ɛn ɔ̍ we̍ i̍, ɛ̍ ke nyɔ̍ ùh-u nu̍-a dɛ̍ à poe-a mɔ̀ nǎ-ɛ ke.

Faɛlimɔ 1:21

Ǐn tè ɛ̍ wlì dɛ̍ kɔn tìh ǎn chlǐh-a ìn we̍-ɛ, àn mu̍ ɛ̍ nu̍. Ǐn juo ɛ̍-ɛ àn mu̍ ɛ̍ nu̍ ìè ɛ̍ kɛ̍n sì-a chɛ̀.