2 Tɛsoloniɔn 3:15 - Ku̍o̍ Delee 1999

¹⁵ Bɔ̌ ɔ̍ ja̍ gbɛ̀n-ɛ ka àn nyɛ̌-nyɔ̍-ɛ, jɛ tù ɔ̍ slɛ̌n ka àn mu̍-a de̍di̍i̍ᵻ duuh-a tìh nu̍-ɛ.

2 Tɛsoloniɔn 3:15 Iomraidhean Croise

Matio 18:15

Jusu la̍a̍, “Pò ìn ba̍ nu̍ ìn dɛ̍ sɔ̀n jii̍-ɛ, nɛ̀ ìn nɛ due mu̍ dě ɔ̍ we̍ ìè ɔ̍ wlùh sèàɛ̍ ka ɔ̍ nu̍-a ìn dɛ̍ sɔ̀n jii̍-ɛ. Nɛ̀ pò ɔ̍ wɔ̌n àn wlu̍ i̍ wɛ̀ ɔ̍ iě kɛ̀n chɛ̍n-ɛ, nɛ̀ mɔ̀-a wlu̍ wɔɛ̌ɛn i̍ wɛ̀ dode̍.

1 Kɔwlɛntiɔn 4:14

Ǐn se̍ ɛ̀ la chlǐh dě mɔ̀ we̍ iě mɔ̀ ja̍a̍i̍ po̍, jɛ ǎn chlǐh ɛ̍ iě mɔ̀ dɛ̍ toe ka mɔ̀ nu̍-a ǎn chɛ̀-a tìh kma nynuu̍-ɛ.

1 Kɔwlɛntiɔn 5:5

Nɛ̀ mɔ̀ sà jɔ̍gbau laa̍ kwlǎ dě Setɔn we̍ ɔ̍ nyi̍ɔ̍ku iě-e gbɔ̀lɔ-ɛ, wɛ̀ ɔ̍ sùù iě pǔh dǒ weɛ̍ Joi Jusu-a mu̍-a ja-ɛ di̍i̍.

2 Kɔwlɛntiɔn 10:8

Jɛ pò ǎn wɔ̍i̍n po̍-ɛ sì-o i̍ wɛ-ɛ dǒ tùn Joi nyǐ-a àɔ̀ à iě-a mɔ̀ gbǐh ku̍u̍ po̍-eɛ we̍-ɛ, ìh se̍-a mɔ̀ɔ̍ gbɔ̀lɔ dɛ-ɛ, ǐn se̍ ɛ̍ tɛ̀n ple̍ mu̍.

2 Kɔwlɛntiɔn 13:10

Ǐn chlǐh chlǐh-dɛ̍ la ti̍ ǐn se̍-a dě mɔ̀ we̍ nɛ-ɛ, ɛ̍ iě ɛ̍ nu̍ pò ǐn ji̍-ɛ wɛ̀ nɛ̌ je̍e wɔ̍n kma dǒ tùn Joi nyǐ-a m-ɛ we̍. Ɔ̍ nyǐ ǐn tùn iě mɔ̀ gbǐh ku̍u̍ po̍, ɛ̍ se̍ mɔ̀ɔ̍ gbɔ̀lɔ tìh.

Kelesea 6:1

Ǐn de̍di̍i̍ᵻ, pò nyɔ̍ gba̍ wìè sɔ̀n-ɛ, nɛ̀ mɔ̀ɔ̍ juh nɛ-a dě Nyɔsoa-a Sùù-ɛ, nɛ̀ mɔ̀ɔ̍ bo ùh iě ɔ̍ wìè-e po̍ dě gba̍n gbɛ̍n-ɛ di̍i̍. Jɛ nɛ̀ mɔ̀ nu̍ nɛnɛ̌ wɛ̀ mɔ̀-a chɛ̀ je̍e blu̍ja̍a̍ gbǎ ke.

1 Tɛsoloniɔn 5:14

À de̍di̍i̍ᵻ, à ba̍le mɔ̀-ɛ, mɔ̀ gbòɛ̀ɛ̀ flàn-nyɔ̍, mɔ̀ iě faɛn nyɔ̍ wlì i̍ bɛ̌ɛ. Nɛ̀ mɔ̀ gbǎ gbǐh-a mɛ̌-nyɔ̍ we̍. Mɔ̀ gbɛ̍n wlùh i̍ dǒ u̍h kli̍hgbɛ̍ we̍.

2 Tɛsoloniɔn 3:13

À de̍di̍i̍ᵻ, mɔ̀ bɔ̌ se̍a̍ dǒ dɛ̍ chɛ̀ nu̍-ɛ we̍.

2 Tɛsoloniɔn 3:6

À de̍di̍i̍ᵻ, à po̍ mɔ̀ telě i̍ dǒ à Joi Jusu Klai-a nynɛ̌ kɛ̍n. De̍di̍i̍ jɔ nɛ-a dě flàn-dɛ̍ di̍i̍-ɛ, nɛ̀ mɔ̀ ti̍ɛ̍ɛn ɔ̍ we̍ i̍, ɛ̍ ke nyɔ̍ ùh-u nu̍-a dɛ̍ à poe-a mɔ̀ nǎ-ɛ ke.

Taitɔ 3:10

Nyɔ̍ ɔ̀ gblè-ae dɛ̍-ɛ i̍-ɛ, tù ɔ̍ slɛ̌n ìè gbɔ̍ᵻ sɔɔ̌n nu̍. Pò ɔ̍ se̍ àn wlu̍ i̍ wɔ̌n-ɛ, nɛ̀ mɔ̀ sà ɔ̍ sɔ̍nᵻ i̍.