2 Tɛsoloniɔn 3:14 - Ku̍o̍ Delee 1999

¹⁴ Pò nyɔ̍-o-nyɔ̍ se̍ dɛ̍ à bla̍-a nɔ̌ chlǐh-dɛ̍ la di̍i̍-ɛ nu̍-ɛ, nɛ̀ mɔ̀ tù ɔ̍ jlǐhɛ̍, mɔ̀ iě ɔ̍ sɔ̍nᵻ i̍ sà wɛ̀ tɛ̀n iě ɔ̍ nu̍.

2 Tɛsoloniɔn 3:14 Iomraidhean Croise

Matio 18:17

Nɛ̀ pò ɔ̍ se̍ u̍h-a wlu̍ i̍ wɔ̌n ke-ɛ, nɛ̀ ìn gba̍ ɔ̍ kunǎ dě chɔchi̍h-i. Nɛ̀ pò ɔ̍ se̍ chɔchi̍h-a wlu̍ i̍ wɔ̌n ke-ɛ, nɛ̀ ka mɔ̀-a nu̍-a se̍ Nyɔsoa juo nyɔ̍ ke taa̍sìh sà nyɔ̍ jě-ɛɛ, kǎ mɔ̀ iě ɔ̍ jě-ɛ nu̍ ke.

Wloma 16:17

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, nyɔ̍ ùh-a nui-a nyɔ̍ gblɛ̍n sɔ̀ɛ̀n wɛ̀ u̍h-a che̍ɛ̍ɛn-a nyɔ̍ i̍-ɛ, mɔ̀ nu̍ u̍h-a nɛnɛ̌ o. Ùh faɛn-a dɛ̍ ɛ̀ mɔ̀-a nǎ poe nyɔ̍ poe-a mɔ̀ nǎ-a, nɛ̀ mɔ̀ sà u̍h sɔ̍n-ɔ i̍.

1 Kɔwlɛntiɔn 4:14

Ǐn se̍ ɛ̀ la chlǐh dě mɔ̀ we̍ iě mɔ̀ ja̍a̍i̍ po̍, jɛ ǎn chlǐh ɛ̍ iě mɔ̀ dɛ̍ toe ka mɔ̀ nu̍-a ǎn chɛ̀-a tìh kma nynuu̍-ɛ.

1 Kɔwlɛntiɔn 5:11

Kaka la̍ ǎn chlǐh mɔ̀ we̍, nyɔ̍ ɔ̀ dǎɛ-a ɔ̍ chɛ̀ mɔ̀ de̍di̍i̍ wɛ̀ ɔ̍ nu̍-a gbǎn, iě ɔ̍ kɔn-a klǎn iě ɔ̍ sà-a kwɛ̍i̍n gbo̍ᵻ wɛɛ, iě ɔ̍ po̍-a nyɔ̍ wlu̍ sɔ̀nᵻ pùn i̍, iě ɔ̍ sìèè-a ɔ̍ chɛ̀ nmɔ̍ wlì, iě ɔ̍ jlǐ-aɛ, nyɔ̍ kaɛn laa̍ ɔ̀ nu̍-a ìh la i̍h-a dɛ̍-ɛ, nɛ̀ ɔ̍ ke mɔ̀ bɔ̌ we̍ nɛ̍aɛ. Nɛ̀ ɔ̍ ke mɔ̀ bɔ̌ sɔ̍n jǔ gbo̍a̍ɛ-a chɛ̀ ke.

1 Kɔwlɛntiɔn 5:9

Chlǐh-dɛ̍ ǐn chlǐh-a mɔ̀ we̍-ɛ, ǐn sèàɛ̍ mɔ̀ wlùh dě ɛ̍ di̍i̍, na̍a̍, mɔ̀ ke gbǎn nu̍ nyɔ̍ bɔ̌ we̍ nɛ̍aɛ-ɛ.

2 Kɔwlɛntiɔn 10:6

À jě ti̍ wɛ̀ à iě nyɔ̍ wɔ̍n blaɛ nyɔ̍ kli̍hgbɛ̍ kàn gbɛ̍n, pò mɔ̀-a à wlù nu̍-ɛ gbǎ gba̍a̍-ɛ.

2 Kɔwlɛntiɔn 2:9

Ǐn chlǐh chlǐh-dɛ̍ laa̍ iě mɔ̀ɔ̍ tɛ̀n pò mɔ̀ ja ǎn wlu̍ nu̍ mu̍ dǒ dɛ̍ᵻ kli̍hgbɛ̍ we̍-ɛ.

2 Kɔwlɛntiɔn 7:15

Ɛ̍ tìh-ɛ, ka mɔ̀ nu̍-a ɔ̍ wlu̍ nu̍-ɛ ke, ɔ̍ i̍ gbɛ̍n-ɛ dǒ faɔn ke ku̍-a tlɛ̍-ɛ we̍-ɛ, pò i̍h sǐ dǒ ɔ̍ wlì i̍-ɛ, nɛ̀ ɛ̍ kui ɔ̍ mɔ̀ɔ̍ jbɛɛ i̍.

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

Kalase 4:16

Pò chlǐh-dɛ̍ la ɛ̍ wɔ̀ slè-eɛ dě mɔ̀ we̍-ɛ, nɛ̀ mɔ̀ nu̍ ɛ̍, ɛ̍ iě slè-ɛ ke dě chɔchi̍h nɛ-a dǒ Leodesia-a we̍. Nɛ̀ chlǐh-dɛ̍ ɛ̀ mu̍-a Leodesia sɔ-ɛ, nɛ̀ mɔ̀ slè ɛ̍ ke.

1 Tɛsoloniɔn 4:8

Ɛ̍ tìh-ɛ, nyɔ̍-o-nyɔ̍ ɔ̀ tba̍-a nǎ po̍ wlu̍ la chla-ɛ, nɛ̀ ɔ̍ se̍ wlɔ̀ nyi̍ɔ̍ chla tba̍, jɛ nɛ̀ Nyɔsoa bo ɔ̍ tba̍ chla, ɔ̀ nyǐ-a mɔ̀ ɔ̍ Sùù-ɛ.

2 Tɛsoloniɔn 3:6

À de̍di̍i̍ᵻ, à po̍ mɔ̀ telě i̍ dǒ à Joi Jusu Klai-a nynɛ̌ kɛ̍n. De̍di̍i̍ jɔ nɛ-a dě flàn-dɛ̍ di̍i̍-ɛ, nɛ̀ mɔ̀ ti̍ɛ̍ɛn ɔ̍ we̍ i̍, ɛ̍ ke nyɔ̍ ùh-u nu̍-a dɛ̍ à poe-a mɔ̀ nǎ-ɛ ke.

Taitɔ 2:8

Nmɔ wlu̍ wɔ̍ɔ̍n i̍, nɛ̀ nyɔ̍ se̍ ɛ̍ pàwe̍i̍ po̍-ɛ bɛ̌ɛ. Wɛ̀ ɛ̍ iě àn nyɛ̌-nyɔ̍ tɛ̀n nui, nɛ̀ dɛ̍ sɔ̀n u̍h iě-a sà dǒ àɔ̀ pùn-ɛ, ɛ̍ se̍ nɛ mu̍.

Taitɔ 3:10

Nyɔ̍ ɔ̀ gblè-ae dɛ̍-ɛ i̍-ɛ, tù ɔ̍ slɛ̌n ìè gbɔ̍ᵻ sɔɔ̌n nu̍. Pò ɔ̍ se̍ àn wlu̍ i̍ wɔ̌n-ɛ, nɛ̀ mɔ̀ sà ɔ̍ sɔ̍nᵻ i̍.

Faɛlimɔ 1:21

Ǐn tè ɛ̍ wlì dɛ̍ kɔn tìh ǎn chlǐh-a ìn we̍-ɛ, àn mu̍ ɛ̍ nu̍. Ǐn juo ɛ̍-ɛ àn mu̍ ɛ̍ nu̍ ìè ɛ̍ kɛ̍n sì-a chɛ̀.

Iblu 13:17

Mɔ̀ nu̍ mɔ̀-a nyɔ̍ klaaᵻá wlu̍ mɔ̀ iě mɔ̀-a chɛ̀ wlù ja dǒ u̍h we̍. U̍h-u bo ùh-a tù mɔ̀-a tìh jlǐhɛ̍, dɛ̍nu̍ɛ, u̍h kɔn u̍h iě u̍h-a dbo̍-a tìh we̍ i̍ sèàɛ̍ dě Nyɔsoa we̍. Mɔ̀ jě u̍h dɛ̍ɛ̍ wɛ̀ u̍h iě nmɔ dǒ u̍h-a nyɔ̍ klaaᵻ nu̍ dɛ we̍, u̍h-a wlùh-u je̍e dě de̍ i̍ gbǎ. Jɛ pò ɛ̍ se̍ la̍a̍n nɛ-ɛ, nɛ̀ ɛ̍ se̍-o mɔ̀ dɛ̍ po̍ mu̍.

2 Chɔɔn 1:10

Pò nyɔ̍-o-nyɔ̍ ji̍ dǒ mɔ̀ we̍ wɛ̀ ɔ̍ se̍ nǎ po̍ wlu̍ la ja-ɛ, nɛ̀ mɔ̀ bɔ̌ ɔ̍ gbò we̍ gba̍-a. Mɔ̀ bɔ̌ ɔ̍ tàlo̍-a chɛ̀ po̍-ɛ.