2 Tɛsoloniɔn 3:1 - Ku̍o̍ Delee 1999

¹ Ɛ̀ bɔ̌ɛ-aoɛ, à de̍di̍i̍ᵻ, mɔ̀ ba̍le dǒ à tàà wɛ̀ Joi-a wlu̍ iě na suei̍, wɛ̀ nyɔ̍gbei iě ɛ̍ ja̍ tè ka ɛ̍ nɛ-a dě mɔ̀ we̍-ɛ.

2 Tɛsoloniɔn 3:1 Iomraidhean Croise

Matio 9:38

Ɛ̍ tìh-ɛ, mɔ̀ wlu dě klè joi we̍ ɔ̍ iě kɔɔ chɛ̍n-nyɔ̍ dɔu nɔ̌ klè la dbo̍.”

Pɔ̀n Chɛ̀ Luu To-a La 10:2

Iě ɔ̍ la̍a̍ dě u̍h we̍, “Klèᵻ la i̍h tìè i̍, jɛ i̍h-a chɛ̍n-nyɔ̍ se̍ i̍ tìè. Ɛ̍ tìh-ɛ, mɔ̀ wlu dě klè joi we̍ ɔ̍ iě kɔɔ chɛ̍n-nyɔ̍ dɔu nɔ̌ klè la dbo̍.

Nu̍-dɛ̍ᵻ 12:24

Jɛ Nyɔsoa-a wlu̍ nɔ̀ɔ̍, ɛ̍ pàɛ̀n nya̍ iě ɛ̍ sɛ̍ i̍.

Nu̍-dɛ̍ᵻ 19:20

Sɔ ɛ̍ nu̍ ɛ̍ wɛ̀ Joi-a wlu̍ sɛ̍ i̍, iě ɛ̍ pàɛ̀n nya̍ dǒ gbǐh we̍.

Nu̍-dɛ̍ᵻ 6:7

Sɔ Nyɔsoa-a wlu̍ sɛ̍ i̍, wɛ̀ Jusu-a kòà nɛ-a dǒ Juluslɛn wlɔ̀-ɛ, iě u̍h gboǎɛ kɛ̍n i̍ dɛ̍blɔ. Wɛ̀ Nyɔsoa-a slaǎ sà nyɔ̍ dɔu gbaɛ Jusu wlùh.

Wloma 15:30

Ǐn de̍di̍i̍ᵻ, ǐn gbɛ̍n mɔ̀-a bu̍hᵻ i̍, mɔ̀ gbǎ ǐn we̍ mɔ̀ iě ǎn Nyɔsoa ba̍le ka à gbaɛ-a à Joi Jusu Klai wlùh iě jbɛɛ sɔ-a dě ɔ̍ Sùù we̍-ɛ.

1 Kɔwlɛntiɔn 16:9

Ǐn jě flɔn la̍ wɛ̀ iě dbo̍ ɛ̀ mu̍-a dɛ̍ i̍ sǐ-ɛ nu̍, jɛ ǎn nyɛ̌-nyɔ̍ tìè i̍.

2 Kɔwlɛntiɔn 1:11

ka mɔ̀-a gbǎ-a àɔ̀ we̍ dǒ à tàà ba̍le-ɛ we̍-ɛ. Nɛ̀ɛ̍, ba̍le wlu̍ dɔu la dǒ à we̍-ɛ, i̍h-a gba̍-a mu̍ sà-ɛ. Nɛ̀ Nyɔsoa-a mu̍ àɔ̀ pɔ̀ìě nyǐ iě nyɔ̍ dɔu iě ɔ̍ tlɔ̌ po̍ dǒ à tàà.

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

Kalase 4:3

Nɛ̀ mɔ̀ ba̍le dǒ à tàà ke, wɛ̀ Nyɔsoa iě wìè wɔ̍n flɔn-ɛ dǒ tu̍owli à mu̍-a po̍-ɛ we̍. Wɛ̀ à iě sìle dɛ̍ ɛ̀ tba̍-a dǒ Klai pùn i̍-ɛ bla̍. Sìle dɛ̍ la ɛ̍ bla̍-a tìh bo ǐn nɛ nɔ̌ kasoo.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

1 Tɛsoloniɔn 1:8

Tu̍owli ɛ̀ kɔ̍-a dǒ Joi pùn i̍ ɛ̀ sɔ-a dě mɔ̀ we̍-ɛ, ɛ̍ se̍ dě Mɛsedonia ke Akaia nɛ due mu̍, jɛ ɛ̍ sɛ̍ tà kli̍hgbɛ̍ i̍ wɛ̀ mɔ̀-a Nyɔsoa wlùh gbaɛ blě tìh. Sɔ nɛ̀ à se̍ dɛ̍ blě dɛ à iě bla̍.

1 Tɛsoloniɔn 2:1

À de̍di̍i̍ᵻ, mɔ̀-a chɛ̀ juo ɛ̍ ka à dě mɔ̀ we̍ i̍ nala ji̍-ɛ se̍-a bu̍ɛ̍i̍ nu̍-ɛ.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

1 Tɛsoloniɔn 4:1

À de̍di̍i̍ᵻ, pò iě chlà-ɛ, ka mɔ̀ iě-a kmɔ̌ nɛ-ɛ nu̍ wɛ̀ mɔ̀ iě-a dě Nyɔsoa jlǐh i̍ nmɔ-ɛ, ɛ̍-ɛ bo à toe mɔ̀. I̍i̍n, kǎ mɔ̀-a nu̍ la̍. Jɛ kaka la̍ à ba̍le mɔ̀-ɛ, à gbɛ̍n mɔ̀-a bu̍hᵻ i̍ dǒ Joi Jusu-a nynɛ̌ kɛ̍n mɔ̀ iě ɛ̍ dluwe̍ i̍ gba̍ ma̍u̍.

1 Tɛsoloniɔn 5:17

Mɔ̀ ba̍le ti̍ kli̍hgbɛ̍ we̍.

1 Tɛsoloniɔn 5:25

À de̍di̍i̍ᵻ, mɔ̀ ba̍le dǒ à tàà.

2 Timote 2:9

Pɔ̀n chɛ̀-a tìh-a chɛ̀ bo ǎn sàɛ̀-a jua̍i̍, wɛ̀ ǐn nɛ-a dě jɔɔdbǔᵻ ka telě wa̍ nyɔ̍-ɛ. Jɛ Nyɔsoa-a wlu̍ nɔ̀ɔ̍, ɛ̍ se̍ dě jɔɔdbǔᵻ nɛ.