2 Tɛsoloniɔn 2:9 - Ku̍o̍ Delee 1999

⁹ Nɛ̀ Nyɔ̍ Sɔ̀n-a mu̍ ji̍ dǒ Setɔn-a gbǐh ke ɔ̍ nu̍-dɛ̍ᵻ we̍. Wɛ̀ ɔ̍ iě nyɔ̍ i̍ boe jbaɛdih ke, dɛ̍ᵻ klaaᵻ ke nyɔ̍ wɔ̍n flɔn-ɛ dɛ̍ᵻ nu̍,

2 Tɛsoloniɔn 2:9 Iomraidhean Croise

Matio 12:22

Wɛ̀ u̍h ja jɔ̍gbau due dǒ Jusu we̍ nɛ̀ jeědih nɛ ɔ̍ de̍e̍. Ɛ̍ nu̍ ɛ̍ wɛ̀ ɔ̍ dɔ̌, iě ɔ̍-ɔ wlu. Wɛ̀ Jusu pǔh-i ɔ̍, sɔ ɔ̍ jě i̍, iě ɔ̍ wlu.

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Matio 4:10

Wɛ̀ Jusu la̍a̍ dě ɛ̍ we̍, “Sɔ da̍a ǐn we̍-e Setɔn. Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Pɔ̀n Chɛ̀ Maɛ To-a La 13:22

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Pɔ̀n Chɛ̀ Luu To-a La 11:25

Ɛ̍ iě-a de̍ mu̍-ɛ, nɛ̀ dě gbò-a chɛ̀ wo̍lo-ɛ i̍, dɛ̍ᵻ kli̍hgbɛ̍ po̍-eɛ gba̍a̍.

Chɔɔn 4:48

Iě Jusu la̍a̍ dě ɔ̍ we̍, “Bɔ̌ ke̍, pò mɔ̀ se̍ nyɔ̍ wɔ̍n flɔn-ɛ jbaɛdih la jě de-ɛ, nɛ̀ mɔ̀ se̍ wlùh gbaɛ-ɛ blě mu̍ ae?”

Chɔɔn 8:41

Mɔ̀ baa we̍ dɛ̍ᵻ bo mɔ̀-a nu̍.” Iě u̍h la̍a̍, “Nyɔsoa due bo ɔ̀ nu̍ à Baa, àɔ̀ ɔ̍ chɛ̀-a tèkɛ̍n gbe̍i̍n.”

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Nu̍-dɛ̍ᵻ 13:10

Ɔ̍ la̍a̍, “Mɔ̀ Kǔ-a jǔ, iě ìn faɛn jii̍ nmɔ dɛ̍ᵻ kli̍hgbɛ̍. Nyɔ̍ i̍ boe-ɛ ke gblàa̍ kaɛn kaɛn-a di̍i̍chì bo àn chɛ̍n. Àn chɛ̀ la ìn se̍ Joi-a wlu̍-a klě-e fiǎn-a bɔ̌ mu̍ sǔh ae?

2 Kɔwlɛntiɔn 11:14

Ɛ̍ se̍ nyɔ̍ i̍ kèle dɛ̍, Setɔn-a chɛ̀ ɛ̍ nu̍ ɛ̍ chɛ̀ ka Nyɔsoa-a ǐnchɔ̀ ɛ̀ blě-a sɔ̀npli-ɛ we̍i̍ ke.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Ɛfɛsɔ 2:2

Ɛ̍ ti̍ laa̍ nɛ̀ mɔ̀ wɔ̀ dǒ kmɔ̌-a dɛ̍ᵻ sɔ̀nᵻ de̍e̍. Nɛ̀ ɛ̀ kɔn-a jeědih wlu̍ i̍ dě ja̍u̍n wlì-ɛ, ɛ̍ bo mɔ̀-a jě dɛ̍ɛ̍. Nyɔ̍ ùh se̍-a Nyɔsoa-a wlu̍ nu̍-ɛ, nɛ̀ ɛ̀ kɔn-a jeědih wlu̍ i̍-ɛ bo ɛ̀ kɔn u̍h wlu̍ kɛ̍ɛ̍n wɛ̀ ke.

2 Timote 3:8

Ka Chɛnɛ ke Janblɛ nu̍-a Mose bu̍hᵻ i̍ tbaɛ-ɛ, kǎ nyɔ̍ la u̍h nu̍ tìh-a taǐn bu̍hᵻ i̍ tbaɛ ke. Nyɔ̍ laa̍ u̍h-a wlùh nyni wɔ̍n, iě u̍h-a wlùh gbaɛ nu̍ fɔ̍ɔ̍.

Chiin 3:15

Flɔ̍nwlùh kaɛn la, nɛ̀ ɛ̍ se̍ dě ja̍i̍wlɔ̀ sɔ. Kmɔ̌ naɛ flɔ̍nwlùh bo. Ɛ̍ se̍ dě Nyɔsoa we̍ sɔ, dě Kǔ we̍ bo ɛ̍ sɔ-ɔ.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 18:23

Chlǎn nape̍-a sɔ̀npli se̍ gba̍ fa̍n dɛ dǒ ìn di̍i̍. Nynɔ̌ delee ke kɔan delee-a wlu̍ se̍ gba̍ wɔ̌n-ɛ mu̍ dɛ dǒ ìn di̍i̍. Àn pɛlǔh po̍ nyɔ̍ bo ùh ku̍ wɔ̍n de nɔ̌ kmɔ̌ kli̍hgbɛ̍ la we̍, wɛ̀ àn wù po̍-ɛ boe bloa̍ kli̍hgbɛ̍ i̍.”

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 9:11

I̍h blě blǔh baa ɛ̀ nɛ-a dǒ i̍h dlǔ-ɛ, ɛ̀ nu̍-a ǐnchɔ̀ ɛ̀ kɔn-a kàn biě wlu̍ i̍-ɛ. Ɛ̍ Iblu nynɛ̌ nu̍ Abadɔn iě ɛ̍ Klii nynɛ̌ nu̍ Apoleɔn.