2 Tɛsoloniɔn 2:8 - Ku̍o̍ Delee 1999

⁸ Wɛ̀ Nyɔ̍ Sɔ̀n iě tà wlǔh-ɛ dǔ. Jɛ nɛ̀ Joi Jusu-a mu̍ ji̍, wɛ̀ ɔ̍ iě nyɔ̍ kɛ̍n wlǔh-i. Nɛ̀ ɔ̍ mu̍ Nyɔ̍ Sɔ̀n-a chɛ̀ dbǎ dǒ ɔ̍ poɔ-a mu̍-a dě ɔ̍ wɔ̍ɔ̍n sɔ-ɛ we̍. Wɛ̀ ɔ̍ iě ɔ̍-ɔ gbɔ̀lɔ dǒ ɔ̍ ji̍ la̍.

2 Tɛsoloniɔn 2:8 Iomraidhean Croise

Matio 13:19

Nyɔ̍ ùh wɔ̌n-a Nyɔsoa-a kmɔ̌ wlu̍ i̍ kɔn-ɛa tu̍owli wɛ̀ u̍h se̍-a ɛ̍ i̍ wɔ̌n-ɛ, nɛ̀ Nyɔ̍ Sɔ̀n laa̍ bo ɔ̀ ji̍ wɛ̀ ɔ̍ sà ɛ̍ dǒ u̍h wlùh kɛ̍n. Ɛ̍ bo ɛ̀ nu̍-a dɛ̍ᵻ jɔ̌ ìh gbǎ-a dǒ wìè gblùh i̍ laa̍ na̍wɛ̍ᵻ sà-o.

Matio 13:38

Klè bo ɛ̀ nu̍ kmɔ̌, nɛ̀ dɛ̍ᵻ jɔ̌ chɛ̀ laa̍ bo ìh nu̍ nyɔ̍ ùh kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ. Pei laa̍ bo ìh nu̍ nyɔ̍ ùh kɔn-a dǒ Nyɔ̍ Sɔ̀n laa̍ we̍-ɛ.

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 16:28

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyi̍ɔ̍-a Jǔ jě ɔ̍ iě ɔ̍ kmɔ̌ wlu̍ i̍ kɔn la̍ ji̍.”

1 Kɔwlɛntiɔn 1:28

Dɛ̍ ɛ̀ kmɔ̌ nyɔ̍-a bla̍-a jlǐhɛ̍ dlǔ wɛ̀ u̍h se̍-a dɛ̍ɛ̍ jě-ɛ, ɛ̍ ke ɛ̀ u̍h se̍-a dɛ̍ dǎɛ-ɛ ɛ̍ bo Nyɔsoa-a tba̍ chèɛ̀, wɛ̀ ɛ̍ iě kmɔ̌ nyɔ̍ naɛ gbɔ̀ fǒ-e.

2 Tɛsoloniɔn 2:3

Mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ dɛ̍-o-dɛ̍ we̍. Dɛ̍nu̍ɛ, pò weɛ̍ laa̍ ɛ̍ iě ji̍-ɛ, nɛ̀ Nyɔsoa kɛ̍n i̍ poe-ɛa mu̍ nɛ, wɛ̀ Nyɔ̍ Sɔ̀n iě à kɛ̍n wlǔh-i. Ɔ̍ tìh chɛn i̍ wɛ̀ ɔ̍ iě-e gbɔ̀lɔ-ɛ.

1 Timote 6:14

Gbɛ̍n telě la i̍, jɛ pɛ̀àn ke nynɛ̌-a kɔ̌-ɛ bɔ̌ ɛ̍ we̍ gbǎ-a te̍e̍ wɛ̀ à Joi Jusu Klai iě à kɛ̍n wlǔh-i.

2 Timote 1:10

Jɛ à Sèìe Nyɔ̍ Jusu Klai-a ji̍-ɛ bo ɛ̀ sà ɛ̍ ka tà. Ɔ̍ sà mɛ̌ɛ klà, wɛ̀ feɛ ɛ̀ se̍-a mɛ̌ la̍ kɔn-ɛ, iě ɔ̍ ja ɛ̍ i̍ dě pɔ̀n chɛ̀ di̍i̍.

2 Timote 4:1

Dǒ Nyɔsoa ke Jusu Klai jɔ mu̍-a mɛ̌-nyɔ̍ ke kmɔ̌ nɛ nyɔ̍-a sàwi̍h sì-ɛ jǔ bo ǎn poe ka ìn slǔh. Dɛ̍nu̍ɛ, ɔ̍ mu̍ ji̍ ɔ̍ iě kmɔ̌ wlu̍ i̍ kɔn.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 10:27

Jɛ nɛ̀ dɛ̍ sie-ao wɛ̀ sǔh-ɛ, ɛ̍ nu̍ faɔn ple̍-ɛ dǒ sàwi̍h sì-ɛ ke nɛ̍ jojǒ ɛ̀ mu̍-a nyɔ̍ ùh faɛn-a Nyɔsoa-a fɔ̍n-ɛ we̍.

1 Chɔɔn 2:13

Baaᵻ, ǎn chlǐh mɔ̀ we̍, dɛ̍nu̍ɛ, mɔ̀ juo nyɔ̍ ɔ̀ sɔ-a dě tɔ̀blɔ̍ɔ̍-ɛ. Nynuu̍gbèè, ǎn chlǐh mɔ̀ we̍, dɛ̍nu̍ɛ, mɔ̀ sà Nyɔ̍ Sɔ̀n klà wɛ̀.

1 Chɔɔn 3:12

Mɔ̀ à bɔ̌ Kein-a dɛ nu̍-ɛ. Ɔ̍ kɔn dǒ Nyɔ̍ Sɔ̀n we̍, ɛ̍ kɔn ɔ̍ po̍ ɔ̍ de̍di̍i̍ gbe̍ja̍a̍. Kein po̍ ɔ̍ gbe̍ja̍a̍, dɛ̍nu̍ɛ, Kein naɛ nu̍-dɛ̍ᵻ klǐ-i, iě ɔ̍ de̍di̍i̍ naɛ slɛ̌ i̍.

1 Chɔɔn 5:18

À juo ɛ̍-ɛ, nyɔ̍ ùh nu̍-a Nyɔsoa-a nynuu̍-ɛ, u̍h-u gba̍ gblɛ̍n sɔ̀ɛ̀n nu̍-ɛ dluwe̍ i̍. Dɛ̍nu̍ɛ, Nyɔsoa-a Jǔ-a gbɛ̀n dǒ u̍h we̍ i̍. Sɔ nɛ̀ Nyɔ̍ Sɔ̀n se̍ u̍h i̍ tǔh-ɛ bɛ̌ɛ.

Wlɛfeleseɔn 1:16

Nɛ̀ ɔ̍ blě chǔhtlɛ̀n mɛ̀sɔɔ̌n dě ɔ̍ di̍na̍ kwa̍a̍. Wɛ̀ nmǎ-a plàn chlɛ̀n sɔ dě ɔ̍ wɔ̍ɔ̍n, iě ɔ̍ jua̍a̍-a fa̍n ka sìi̍ jlǔh-ɛ.

Wlɛfeleseɔn 13:5

Wɛ̀ nmi̍ɛ̍ laa̍ ɛ̍ sà-ɛ wlu̍ kɛ̍n ɛ̍ iě blɔ̌, ɛ̍ iě Nyɔsoa wɔ̍n blaɛ. Wɛ̀ ɛ̍ sà-ɛ wlu̍ kɛ̍n ɛ̍ iě ɛ̍ chɛ̀-a wlùh nu̍ dǒ chǔhᵻá kwela nyìɛ̍ jɔ̌ sɔɔ̌n (42) di̍i̍.

Wlɛfeleseɔn 19:15

Nmǎ-a plàn chlɛ̀n sɔ-a dě ɔ̍ wɔ̍ɔ̍n-ɛ, ɛ̍ bo ɔ̍ mu̍ bloa̍ klà sà-ɛ. Wɛ̀ ɔ̍ iě u̍h wlu̍ i̍ kɔn dǒ nɛ̍ne̍ɛ̍ bliku we̍. Wɛ̀ ɔ̍ iě tlo-dɛ̍ᵻ kɛ̍n i̍ na dě i̍h-a plǐn-biě ɛ̀ jǐ-a Nyɔsoa Ɔ̀ Blě-a Gbǐh Kli̍hgbɛ̍-ɛ ɔ̍ jlu̍h di̍i̍-ɛ.

Wlɛfeleseɔn 2:16

Mɔ̀ bǐi i̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe duedɛ. Jɛ pò ɛ̍ se̍ la̍a̍n nɛ-ɛ, nɛ̀ ǎn mu̍ dě mɔ̀ we̍ ji̍ suei̍ wɛ̀ iě nyɔ̍ laa̍ we̍ fɔ̀n dǒ plàn chlɛ̀n sɔ-a dě ǐn wɔ̍ɔ̍n-ɛ we̍.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.