2 Tɛsoloniɔn 2:7 - Ku̍o̍ Delee 1999

⁷ Dɛ̍nu̍ɛ, Nyɔ̍ Sɔ̀n-a kwile-e gbǐh nɛ dbo̍ kɛ̍n wɛ̀ se̍e̍. Jɛ nyɔ̍ ɔ̀ chlìì-a ɛ̀ la de̍ kaka-ɛ, ɔ̍ mu̍ ɛ̍ nu̍ te̍e̍ wɛ̀ ɔ̍ chɛ̀ iě dǒ wìè-i sà-ɛ.

2 Tɛsoloniɔn 2:7 Iomraidhean Croise

Nu̍-dɛ̍ᵻ 20:29

Ǐn juo ɛ̍-ɛ pò ǐn sɔ da̍a-ɛ, gbɛ̍n-nmi̍i̍ ìh kma-a wɔ̍n-ɛ, i̍h-a mu̍ mɔ̀ nynɛ̌ gbǎ. Nɛ̀ i̍h se̍-o blawɛ̌ᵻ la i̍h-a dɛ̍ i̍ sie mu̍.

2 Tɛsoloniɔn 2:6

Mɔ̀-a chɛ̀ juo dɛ̍ ɛ̀ gbɛ̍n-a ka ɔ̍ kɛ̍n i̍ ke̍ te̍e̍ wɛ̀ ɔ̍-ɔ se̍a à kɛ̍n wlǔh-i iě ɔ̍ ti̍-a taǐn iě-a nyni̍-ɛ.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

1 Chɔɔn 2:18

Ǎn nynuu̍, ti̍-a dlǔ i̍ chlà-a kɔǎn we̍ wɛ̀. Mɔ̀ wɔ̌n i̍h se̍e̍ ka Klai-a Nyɛ̌-nyɔ̍-a mu̍-a ji̍-ɛ. Kaka la̍ u̍h-a dɔu ji̍ wɛ̀. Ɛ̍-ɛ bo à juo i̍ ka ti̍-a chlà-a la̍ dlǔ i̍-ɛ.

1 Chɔɔn 4:3

Jɛ nyɔ̍ ùh se̍-a Jusu-a tìh i̍ wɔ̌ɛn-ɛ, nɛ̀ u̍h se̍ dě Nyɔsoa we̍ sɔ. Klai-a Nyɛ̌-nyɔ̍ kɔn nynɛ̌ mɔ̀ wɔ̌n-a ɔ̀ mu̍-a ji̍-ɛ, nɛ̀ dě ɔ̍ we̍ bo u̍h sɔ-ɔ. Ɔ̍ chɛ̀ nɛ da̍a kmɔ̌ we̍ wɛ̀.

Wlɛfeleseɔn 17:5

Iě nynɛ̌ ɛ̀ kɔn gbɔ̀ sìle-aɛ ɛ̍ chlǐh-ɛ dǒ ɔ̍ jua̍i̍. Ɛ̍ la̍a̍, “Wɔ̍n ku̍ Babeloun wlɔ̀, mɔ̀ bo ɔ̀ nu̍ kàìà nynɔ̌gbaɔᵻ kli̍hgbɛ̍ de̍, ɛ̍ ke kmɔ̌-a sììjii̍ ke.”

Wlɛfeleseɔn 17:7

Wɛ̀ ǐnchɔ̀ la̍a̍ dě ǐn we̍, “Dɛ̍nu̍ ɛ̍ flɔn-ɛ ìn wɔ̍n ɛ? Ǎn mu̍ ìn nynɔ̌ la ɔ̍ sìle dɛ̍-a gbɔ̀ wlùh sèàɛ̍, ɛ̍ ke nmi̍ɛ̍ ɛ̀ blě-a dlǔᵻ mɛ̀sɔɔ̌n ke gbɔ̀nᵻ pùè ɛ̀ kɔn kɛ̍n ɔ̍ tè-a i̍-ɛ ke.