2 Tɛsoloniɔn 2:13 - Ku̍o̍ Delee 1999

¹³ À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

2 Tɛsoloniɔn 2:13 Iomraidhean Croise

Pɔ̀n Chɛ̀ Luu To-a La 1:75

Wɛ̀ à iě Nyɔsoa i̍ wɛ̀ɛ̀, à iě i̍ slɛ̌ dǒ ɔ̍ jlǐhwai dǒ wǐh kli̍hgbɛ̍ à mu̍-a nu̍ nɔ̌ kmɔ̌ we̍-ɛ di̍i̍.

Chɔɔn 1:1

Kmɔ̌ iě-a nui-ɛɛ, nɛ̀ ɔ̀ kɔn nynɛ̌ nu̍-a Wlu̍-ɛ nɛ̀ ɔ̍ nɛ wɛ̀ se̍e̍. Ɔ̍ nɛ dǒ Nyɔsoa we̍, ɔ̍ se̍ nɛ wɛ̀ Nyɔsoa se̍ nɛ.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Nu̍-dɛ̍ᵻ 13:48

Ti̍ ùh se̍-a Juu nyɔ̍-ɛ wɔ̌n-a wlu̍ la-a, iě u̍h gbǎ mɔna̍-a. Wɛ̀ u̍h-a po̍ Nyɔsoa-a wlu̍ tìhwe̍. Iě nyɔ̍ ùh tba̍-ɛa chèɛ̀ dǒ kmɔ̌ sie feɛ we̍-ɛ, wɛ̀ u̍h blě wlùh gbaɛ-ɛ.

Nu̍-dɛ̍ᵻ 15:9

Ɔ̍ se̍ u̍h ke àɔ̀ deě i̍ gblè, ɛ̍ kɔn ɔ̍ nu̍ u̍h-a pɔluh-a wlaǎwla u̍h-a wlùh gbaɛ blě tìh.

Wloma 6:17

Mɔ̀ɔ̍ gblɛ̍n sɔ̀ɛ̀n-a kèi̍ᵻ de, jɛ à po̍ Nyɔsoa tlɔ̌ wɛ̀ mɔ̀-a nu̍ la̍ dɛ̍ à poe-a mɔ̀ nǎ-a dǒ mɔ̀-a wlùh kli̍hgbɛ̍ we̍.

Wloma 8:33

Ùh ɔ̍ tba̍-a chèɛ̀-ɛ, nyɔ̍ dɔɔ we̍ bo ɔ̀ bɛ̌ɛ u̍h tìh dlǔ po̍-ɛ ɛ? Nyɔsoa-a chɛ̀ bo ɔ̀ slè-e u̍h i̍ slɛ̌-nyɔ̍.

Wloma 9:11

Ti̍ ɔ̍ nynuu̍ laa̍ u̍h se̍-a wlǔh ke̍-ɛ, nɛ̀ u̍h-u se̍a dɛ̍ sɔ̀n ke dɛ̍ chɛ̀ nu̍, dǒ Nyɔsoa tba̍-ɛ u̍h-a due chèɛ̀. Ɛ̍ to ɛ̍ ka Nyɔsoa-a nyɔ̍ chèɛ̀ tba̍-a se̍-a dǒ dɛ̍-o-dɛ̍ nyɔ̍ nu̍-a kɛ̍n i̍ tba̍-a. Ɛ̍ tba̍ dǒ Nyɔsoa ɔ̀ dǎ-a nyɔ̍-ɛ ɔ̍ wlùh kɛ̍n i̍.

1 Kɔwlɛntiɔn 1:21

Nyɔsoa nu̍ ɛ̍ dě ɔ̍ flɔ̍nwlùh di̍i̍ wɛ̀ kmɔ̌ nyɔ̍ se̍ ɔ̍ juo-ɛ bɛ̌ɛ dě u̍h naɛ flɔ̍nwlùh di̍i̍. Dɛ̍ à bla̍-a iě kmɔ̌ nyɔ̍-a dǎɛ ɛ̍ se̍o̍nɛ. Nyɔ̍ ùh gbaɛ-a ɛ̍ wlùh-ɛ, u̍h-u bo Nyɔsoa pǔh-i.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Ɛfɛsɔ 2:8

Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀. Mɔ̀-a ɔ̍ wlùh gbaɛ bo ɛ̀ nu̍ ɛ̍. Ɛ̍ se̍ mɔ̀-a chɛ̀-a nu̍-dɛ̍, Nyɔsoa-a nyǐ-dɛ̍ bo.

Kalase 1:5

Mɔ̀-a nu̍ ìh la, dɛ̍nu̍ɛ, ɛ̀ mɔ̀ kɔ̍-a wlùh i̍-ɛ ɛ̍ tè-eɛ i̍ dě ja̍i̍wlɔ̀ dǒ mɔ̀ we̍. Ti̍ tìh-a taǐn pɔ̀n chɛ̀ sàɛ̀-a ji̍-ɛ i̍ dě mɔ̀ we̍-ɛ, dǒ mɔ̀ wɔ̌n-ɛ wlùh kɛ̍n i̍ kɔ̍ dɛ la ɛ̍ nynɛ̌.

Kalase 3:12

Nɛ̀ɛ̍, ka mɔ̀ nu̍-a Nyɔsoa-a tìh kma nyɔ̍, iě ɔ̍ tba̍-a mɔ̀ chèɛ̀, wɛ̀ ɔ̍ nu̍-a mɔ̀ ɔ̍ chɛ̀-a nyɔ̍ we̍i̍-ɛ, nɛ̀ mɔ̀-a chɛ̀ wlù ja-a ke, gba̍n gbɛ̍n-ɛ ke, wlùh i̍ gbɛ̍n-ɛ ke, wɔɛ kɔn-ɛ ke, gblɛ̍n-ɛ nmɔ-ɛ bo mɔ̀ iě dǒ pùn tù la̍ sǔh.

1 Tɛsoloniɔn 1:4

À de̍di̍i̍ᵻ, à juo i̍h ka Nyɔsoa jbɛɛ-a mɔ̀ɔ̍ wɛ̀ ɔ̍ tba̍-a mɔ̀ chèɛ̀ mɔ̀ iě-a ɔ̍ chɛ̀-a nyɔ̍ nu̍-ɛ.

1 Tɛsoloniɔn 2:12

À fùka mɔ̀-a wlùh, iě à tù mɔ̀ gbàì. Wɛ̀ à gbɛ̍n-ɛ mɔ̀ wɔ̍i̍n, mɔ̀ iě dě kmɔ̌ ɛ̀ po̍-a Nyɔsoa gbǐh-ɛ di̍i̍ nɛ. Ɔ̍ dǎ mɔ̀ mɔ̀ iě dě ɔ̍ kmɔ̌ wlu̍ i̍ kɔn-ɛ ke ɔ̍ tìh-a i̍ bɛ̌-ɛ di̍i̍ ji̍.

1 Tɛsoloniɔn 4:7

Nyɔsoa se̍ à dǎ à iě dě gbǎn nu̍-ɛ di̍i̍ nɛ, jɛ ɔ̍ dǎ àɔ̀ à iě nɛi̍ wɛ̀.

1 Tɛsoloniɔn 5:9

Dɛ̍nu̍ɛ, Nyɔsoa se̍ à chèɛ̀ tba̍ ɔ̍ iě à jlu̍h-u gbǎ-ɛ, jɛ ɔ̍ iě à pǔh-i dě à Joi Jusu Klai ja̍a̍ dɛbo.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

2 Tɛsoloniɔn 2:10

ɛ̍ ke nyɔ̍ i̍ boe dɛ̍ᵻ sɔ̀nᵻ kli̍hgbɛ̍ ke dǒ nyɔ̍ ùh-a mu̍-a gbɔ̀lɔ-ɛ we̍. Dɛ̍nu̍ɛ, u̍h se̍ wɔ̌n u̍h iě tìh-a taǐn i̍ jbɛɛ wɛ̀ u̍h iě pǔh.

2 Tɛsoloniɔn 2:12

Wɛ̀ nyɔ̍ kli̍hgbɛ̍ ùh se̍-a tìh-a taǐn tìh chɛ̀ po̍ iě dɛ̍ᵻ sɔ̀nᵻ nu̍-ɛa po̍-a gbǐh-ɛ, wɛ̀ kɛ̀n iě u̍h kwa̍a̍ sɔ.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

2 Timote 2:15

Fɔ̀n dɛ̍ we̍ wɛ̀ Nyɔsoa iě àn chèɛ̀ ja̍i̍ po̍, ìè dbo̍ nu̍ nyɔ̍ ɔ̀ se̍-a ɔ̍ dbo̍ nu̍-ɛa tɛ̀n ple̍-ɛ wɔ̀. Ɔ̍-ɔ laa̍ bo ɔ̀ sèàɛ̍ tìh-a taǐn wlu̍ we̍ i̍ chɛ̀ gbɛɛ.

2 Timote 3:15

Nu̍ wlùh, sɔ dě àn jǔwɛ blǐ-ɛ, ìn juo Nyɔsoa-a wlu̍. Ɛ̍ bo ɛ̀ bɛ̌ɛ ìn nǎ po̍-ɛ, ìè Jusu Klai wlùh gbaɛ wɛ̀ ìè pǔh.

Iblu 1:10

Kǎ Nyɔsoa dǎ ka dɛ, ɔ̍ la̍a̍, “Joi, sɔ dě tɔ̀blɔ̍ɔ̍-ɛ, mɔ̀ bo ɔ̀ nu̍ blǔh la, ɛ̍ ke ja̍u̍n ke.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Chɔɔn 4:10

Ɛ̀ la bo ɛ̀ nu̍ jbɛɛ. Ɛ̍ se̍ àɔ̀ mɔ à se̍ Nyɔsoa-a jbɛɛ, jɛ ɔ̍-ɔ bo ɔ̀ jbɛɛ àɔ̀ wɛ̀ ɔ̍ dbo̍ ɔ̍ Jǔ. Dě ɔ̍ Jǔ-a ɔ̍ chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍.

1 Chɔɔn 4:19

À jbɛɛ, dɛ̍nu̍ɛ, Nyɔsoa bo ɔ̀ jbɛɛ àɔ̀ sàǐtòò.