2 Tɛsoloniɔn 1:9 - Ku̍o̍ Delee 1999

⁹ U̍h-a mu̍ kàn gbɛ̍n-ɛ, wɛ̀ u̍h iě-e gbɔ̀lɔ nɔ̌ kmɔ̌-a kmɔ̌. U̍h se̍ Joi-a jua̍a̍ jě mu̍, ɛ̍ ke ɔ̍ tìh-a i̍ bɛ̌-ɛa i̍ bɛ̌ɛ gbǐh ke.

2 Tɛsoloniɔn 1:9 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 22:13

Wɛ̀ blǔh baa la̍a̍ dě ɔ̍ pòi̍nynuu̍ we̍, ‘Mɔ̀ sa̍n ɔ̍ bu̍hᵻ ke ɔ̍ sɔ̍nᵻ. Nɛ̀ mɔ̀ po̍ ɔ̍ sɔ̀n dě kwile. Dě ɔ̍ mu̍ fìn-i, ɔ̍ iě nynɛ̌ di̍ kìàǎnkìàǎn.’

Matio 24:30

Dǒ ti̍ laa̍ di̍i̍ nɛ̀ Nyi̍ɔ̍-a Jǔ-a juola-a mu̍ dě ja̍u̍n wlì wlǔh-i. Nɛ̀ kmɔ̌ nyi̍ɔ̍ kli̍hgbɛ̍-a mu̍ sùàɛ̀n pa̍. Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgbanᵻ kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Matio 25:46

Nɛ̀ u̍h-a mu̍ kàn gbɛ̍n-ɛ se̍-a dlǔ i̍ chlà la̍ kɔn-ɛ we̍ mu̍. Jɛ nɛ̀ i̍ slɛ̌-nyɔ̍-a mu̍ kmɔ̌ sie feɛ we̍ mu̍.”

Matio 26:24

Nyi̍ɔ̍-a Jǔ-a mu̍ mɛ̌ dǒ ka Nyɔsoa-a wlu̍ dǎ-a we̍. Jɛ nyɔ̍ ɔ̀ sà-a ɔ̍ kwlǎ-a, chlě dǒ ɔ̍ we̍. Nyɔ̍ laa̍ pò ɔ̍ se̍ wlǔh de-ɛ, nɛ̀ ɛ̍ nmɔ jii̍ de dǒ ɔ̍ we̍.”

Matio 7:23

Nɛ̀ ǎn mu̍ ka dǎ dě u̍h we̍, ‘Mɔ̀ɔ̍ gblɛ̍n sɔ̀ɛ̀n nu̍ nyɔ̍. Ǐn se̍ mɔ̀-a dɛ̍ i̍ juo, mɔ̀ sì ǐn jii̍.’ ”

Pɔ̀n Chɛ̀ Luu To-a La 13:27

Jɛ ɔ̍ mu̍ ka dǎ, ‘Ǐn se̍ tà mɔ̀ sɔ-aɛ juo tìhǎn wlu̍. Mɔ̀ sɔ da̍a ǐn we̍-e, mɔ̀ɔ̍ la mɔ̀ɔ̍ kà kɔn nyɔ̍ kli̍hgbɛ̍.’

Chɔɔn 5:14

Ɛ̀ la ɛ̍ wɔ̀-a nɛ-ɛ, wɛ̀ Jusu jě ɔ̍ dě Nyɔsoa-a slaǎ sà gbò sɔ̀n. Iě Jusu la̍a̍ dě ɔ̍ we̍, “Gbɛ̀n-e, ìn nɛ blee wɛ̀. Bɔ̌ gblɛ̍n sɔ̀ɛ̀n nu̍-ɛ dɛ wɛ̀ gboklan dɛ̍ je̍e ìn pùn nɛ.”

Felepai 3:19

U̍h-a mu̍-u gbɔ̀lɔ-ɛ, dɛ̍nu̍ɛ, kwlǐ tè-ɛ bo u̍h-a dǎɛ Nyɔsoa dɛ. Dɛ̍ ɛ̀ iě-a u̍h tɛ̀n-ɛ po̍-ɛ, ɛ̍ kɔn tìh bo u̍h-a blɔ̌. Dɛ̍ᵻ nɛ-a nɔ̌ kmɔ̌ we̍-ɛ, i̍h kɔn tìh u̍h-a naɛ wlùh i̍.

1 Tɛsoloniɔn 5:3

Pò nyɔ̍gbei la̍a̍ “À wlùh tè i̍, à wɛ̀ kɛ̍-ɛ wɛ̀-ɛ,” wɛ̀ nyɔ̍-ɔ gbɔ̀lɔ-ɛ iě u̍h kɛ̍n kèè ka kwlǐ gbɛ̍n nynɔ̌ ɔ̍ iě gbàɔ̀n sà-ɛ. Nyɔ̍ se̍-o tàn mu̍.

2 Tɛsoloniɔn 2:8

Wɛ̀ Nyɔ̍ Sɔ̀n iě tà wlǔh-ɛ dǔ. Jɛ nɛ̀ Joi Jusu-a mu̍ ji̍, wɛ̀ ɔ̍ iě nyɔ̍ kɛ̍n wlǔh-i. Nɛ̀ ɔ̍ mu̍ Nyɔ̍ Sɔ̀n-a chɛ̀ dbǎ dǒ ɔ̍ poɔ-a mu̍-a dě ɔ̍ wɔ̍ɔ̍n sɔ-ɛ we̍. Wɛ̀ ɔ̍ iě ɔ̍-ɔ gbɔ̀lɔ dǒ ɔ̍ ji̍ la̍.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

2 Pitɛ 2:17

Nyɔ̍ la u̍h wɔ̀ kao̍dluᵻ ìh se̍-a nǐ blě-ɛ, ɛ̍ ke nǐgbanᵻ ìh tìlèè poɔ-a gba̍-aɛ ke. Nyɔsoa po̍ kwile puo gba̍a̍ wɛ̀ dǒ u̍h we̍.

2 Pitɛ 3:7

Jɛ Nyɔsoa-a wlu̍ due laa̍ bo ɛ̀ nu̍ ɛ̍ wɛ̀ blǔh ke ja̍u̍n ìh nɛ-a ka kmɔ̌-ɛ, iě nɛ̍ tè ka i̍h de̍e̍ i̍ wɛ̀ ɛ̍ iě se̍ Nyɔsoa dɛ-ɛ nɛ nyɔ̍-a sàwi̍h sì weɛ̍ jɛɛ, wɛ̀ u̍h iě-e gbɔ̀lɔ.

Judi 1:13

U̍h wɔ̀ jbǒ-a je̍ɔ̍ dǒ ìh-a tè-a feɔn mlǎ i̍-ɛ, kǎ u̍h nu̍ mlɔ̌ dǒ jua̍a̍ i̍ tè-ɛ. Chǔhtlɛ̀n poɔ blě-a wlɛ̌ jǔ ìh kɔn tè la̍ Nyɔsoa po̍-a gba̍a̍ dě kwile gbeu di̍i̍ nɔ̌ kmɔ̌-a kmɔ̌-ɛ, i̍h bo u̍h wɔ̀.

Wlɛfeleseɔn 20:11

Wɛ̀ ǐn jě nynɛ̌ gbalǎ plǔ klaa, ɛ̍ ke ɔ̀ tè-a dǒ ɛ̍ kɛ̍n i̍-ɛ ke. Wɛ̀ blǔh ke ja̍u̍n ple̍ i̍h sɔ dǒ ɔ̍ jlǐhwai, wɛ̀ i̍h se̍ jě-ɛ dɛ kleǐnklein.

Wlɛfeleseɔn 20:14

Iě mɛ̌ɛ ke mɛ̌-nyɔ̍-a wlɔ̀ poe-ɛ dě pɔ̀nɔ̌ nɛ̍-a pàìbǒ di̍i̍. Pɔ̀nɔ̌ nɛ̍-a pàìbǒ laa̍ bo ɛ̀ nu̍ mɛ̌ɛ-a sɔɔ̌n naɛ.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.