2 Tɛsoloniɔn 1:8 - Ku̍o̍ Delee 1999

⁸ Wɛ̀ ɔ̍ iě nyɔ̍ ùh se̍-a Nyɔsoa juo-ɛ ke, nyɔ̍ ùh se̍-a pɔ̀n chɛ̀ ɛ̀ kɔ̍-a dǒ à Joi Jusu pùn i̍-ɛ ɛ̍ wlu̍ nu̍-ɛ kàn gbɛ̍n.

2 Tɛsoloniɔn 1:8 Iomraidhean Croise

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Matio 25:46

Nɛ̀ u̍h-a mu̍ kàn gbɛ̍n-ɛ se̍-a dlǔ i̍ chlà la̍ kɔn-ɛ we̍ mu̍. Jɛ nɛ̀ i̍ slɛ̌-nyɔ̍-a mu̍ kmɔ̌ sie feɛ we̍ mu̍.”

Chɔɔn 3:19

Ɛ̀ mu̍-a tìh-a gbɛ̍n-ɛ blě-ɛ, ɛ̍-ɛ la. Sɔ̀npli ji̍ nɔ̌ kmɔ̌ we̍, jɛ nyɔ̍ɔ jbɛɛ kwile-e iě u̍h se̍ sɔ̀npli-i jbɛɛ. Dɛ̍nu̍ɛ, u̍h-a nu̍ dɛ̍ᵻ sɔ̀nᵻ.

Chɔɔn 8:19

Wɛ̀ u̍h la̍a̍, “Tà ìn Baa nɛ ɛ?” Jusu la̍a̍, “Ka mɔ̀ se̍-a ǐn juo-ɛ, nɛ̀ mɔ̀ se̍ ǐn Baa juo ke. Pò mɔ̀ juo m de-ɛ, nɛ̀ mɔ̀-a mu̍ ǐn Baa juo ke de.”

Nu̍-dɛ̍ᵻ 6:7

Sɔ Nyɔsoa-a wlu̍ sɛ̍ i̍, wɛ̀ Jusu-a kòà nɛ-a dǒ Juluslɛn wlɔ̀-ɛ, iě u̍h gboǎɛ kɛ̍n i̍ dɛ̍blɔ. Wɛ̀ Nyɔsoa-a slaǎ sà nyɔ̍ dɔu gbaɛ Jusu wlùh.

Wloma 1:28

Ka u̍h se̍-a Nyɔsoa-a tìh-a taǐn-a tìh i̍ wɔ̌ɛn-ɛ, ɛ̍ kɔn ɔ̍ tǎli u̍h i̍ wɛ̀ u̍h wɔ̀ dǒ u̍h-a tba̍ɛ kɛ̍n i̍ nu̍ wlùh de̍e̍, iě u̍h-a nu̍ se̍i̍kɔɛn.

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 10:16

Jɛ ɛ̍ se̍ nyɔ̍ kli̍hgbɛ̍ ùh se̍ pɔ̀n chɛ̀ la i̍ gbɛ̍n. Ɛ̍ kɔn Asaia la̍a̍, “Joi, tu̍owli à po̍-aɛ, nyɔ̍ bo ɔ̀ dǎɛ i̍h tìh ɛ?”

Wloma 15:18

Dɛ̍ ɛ̀ Klai nu̍-a dě ǐn ja̍a̍-ɛ, ɛ̍ nu̍ ùh se̍-a Juu nyɔ̍-ɛ u̍h iě Nyɔsoa-a wlu̍ nu̍. Ɛ̍ nɛ due bo ǎn mu̍ bla̍ gbài̍gbài̍. Ɔ̍ nu̍ ɛ̍-ɛ dǒ ǎn wlu̍ ke ǎn nu̍-dɛ̍ᵻ we̍.

Wloma 16:26

Kmɔ̌ sie Nyɔsoa po̍ ɔ̍ tu̍owli po̍ nyɔ̍ slǔh u̍h iě chlǐh dǒ sìle dɛ̍ la we̍. Ɛ̍ bo ɛ̀ sà-ɛ tà iě nyɔ̍ kli̍hgbɛ̍ juo i̍h, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 6:16

Mɔ̀ se̍ i̍h juo ka pò mɔ̀ sà-ɛ mɔ̀-a chɛ̀ dɛ̍-o-dɛ̍ kwlǎ wɛ̀ mɔ̀ iě ɛ̍ dɛ̍ɛ̍ jě ka kèi̍-ɛ, nɛ̀ mɔ̀ nu̍-a ɛ̍ kèi̍ wɛ̀-ɛ ae? Pò mɔ̀ nu̍ gblɛ̍n sɔ̀ɛ̀n-a kèi̍ᵻɛ́, nɛ̀ ɛ̍ mu̍ ɛ̍ nu̍ mɔ̀ iě mɛ̌. Jɛ pò mɔ̀ nu̍ Nyɔsoa wlu̍ ka kèi̍ᵻ, nɛ̀ ɔ̍ mu̍ mɔ̀ i̍ slɛ̌-nyɔ̍ we̍i̍ nu̍.

1 Kɔwlɛntiɔn 15:34

Mɔ̀ ja mɔ̀-a wlùh de̍, mɔ̀ iě gblɛ̍n sɔ̀ɛ̀n nu̍ tìh bɔ̌. Dɛ̍nu̍ɛ, mɔ̀-a nyɔ̍ duuh se̍ Nyɔsoa juo. Ǐn bla̍ ɛ̀ la wɛ̀ ɛ̍ iě mɔ̀ tɛ̀n tùi.

2 Kɔwlɛntiɔn 10:5

À nu̍ ɛ̍ iě si̍h tòlo-ɛ ke kmu-u dɛ̍ᵻ kli̍hgbɛ̍ blɔ̌ nyɔ̍ blě-a ìh-a nu̍-a ɛ̍ wɛ̀ nyɔ̍-ɔ juo-a Nyɔsoa-a, wɛ̀ i̍h wɛ̀ i̍. À nu̍ ɛ̍ iě nyi̍ɔ̍-a wlùh i̍ naɛ kli̍hgbɛ̍ iě Klai-a wlùh nu̍.

Kelesea 3:1

Mɔ̀ɔ̍ Kelesea nyɔ̍ ùh bo-a we̍i̍-ɛ, ǐn juo ɛ̍-ɛ nyɔ̍ po̍ mɔ̀ dɛ̍ jlǐh. Ǐn nyna dǒ mɔ̀ jǔ i̍ wɛ̀ ǐn sèàɛ̍ ɛ̍ we̍ i̍ nmɔ jii̍ dě mɔ̀ we̍ ka Jusu Klai mɛ̌-a dǒ gbàɛ̍ kɛ̍n i̍ tu̍ wlì-ɛ.

Kelesea 4:8

Mɔ̀ se̍ Nyɔsoa juo de tɛin, ɛ̍ kɔn mɔ̀ nu̍ kèi̍ᵻ dǒ nyɔsoa-a si̍h naɛ we̍.

1 Tɛsoloniɔn 4:5

Bɔ̌ ɛ̍ wlùh sɔ̀n we̍ blě-ɛ, ka nyɔ̍ ùh se̍-a Nyɔsoa juo-ɛ.

Iblu 10:27

Jɛ nɛ̀ dɛ̍ sie-ao wɛ̀ sǔh-ɛ, ɛ̍ nu̍ faɔn ple̍-ɛ dǒ sàwi̍h sì-ɛ ke nɛ̍ jojǒ ɛ̀ mu̍-a nyɔ̍ ùh faɛn-a Nyɔsoa-a fɔ̍n-ɛ we̍.

Iblu 10:30

Dɛ̍nu̍ɛ, à juo ɛ̍ Nyɔsoa bo ɔ̀ la̍a̍, “Nyɔ̍ gba̍a̍ sàɛ̀-ɛ kɔn dǒ ǐn we̍. Ǎn mu̍ gba̍ sà.” Dode̍-ɛ, ɔ̍ la̍a̍, “Mɔ̍ Joi bo ɔ̀ mu̍ ǎn nyɔ̍-a taɔ pa̍.”

Iblu 11:8

Eblaɛɛn-a wlùh gbaɛ blě-ɛ bo ɛ̀ nu̍ ɛ̍ wɛ̀ ɔ̍ mu̍ blǔh dɛɛ kɛ̍n ɛ̀ Nyɔsoa dǎ ɔ̍ ɔ̍ iě-a kɛ̍n mu̍ ɔ̍ iě-a kɔn-ɛ. Wɛ̀ ɔ̍ nu̍ ɔ̍ wlu̍, iě ɔ̍ mu̍ tà ɔ̍ se̍-a juo-ɛ.

Iblu 12:29

Dɛ̍nu̍ɛ, à Nyɔsoa la ɔ̍ wɔ̀ nɛ̍ ɛ̀ gbɔ̀lɔ-a dɛ̍ᵻɛ́.

Iblu 2:3

Nɛ̀ɛ̍, Nyɔsoa-a nyɔ̍ pǔh-iɛ ɛ̀ ku̍-a wɔ̍n-ɛ, pò à sà ɛ̍ dounᵻɛ́, nɛ̀ ka à mu̍-o tàn-a nu̍ ɛ? Joi-a chɛ̀ bo ɔ̀ nu̍ sàǐtòò nyɔ̍ ɔ̀ po̍ pǔh-ɛa tu̍owli la. Wɛ̀ nyɔ̍ ùh wɔ̌n-a ɔ̍ wlu̍-ɛ, iě u̍h to ɛ̍ àɔ̀ i̍ ka ɛ̍ nu̍-a gblangbai̍-ɛ.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Pitɛ 3:6

Ɛ̀ kɔn ba̍ Selɔ nu̍-a Eblaɛɛn-a wlu̍ wɛ̀ ɔ̍ dǎɛ-a ɔ̍ joi-ɛ, ɛ̍ mɔ̀ iě nu̍. Pò mɔ̀ ja dɛ̍ chɛ̀ nu̍ wɛ̀ ɛ̍ iě mɔ̀ faɔn sà dǒ mɔ̀-a kɔanᵻ we̍-ɛ, nɛ̀ mɔ̀ɔ̍ Selɔ-a nynuu̍.

1 Pitɛ 4:17

Ti̍ nyni̍ wɛ̀ sàwi̍h sì-ɛ iě gbɔ̀ tè-ɛ. Nyɔsoa-a nyɔ̍ bo ùh-a mu̍ sàǐtòò nyɔ̍ nu̍ ùh iě sàwi̍h sì. Pò ɛ̍ tè-ɛ gbɔ̀ dě àɔ̀ we̍-ɛ, nɛ̀ nyɔ̍ juh se̍-a Nyɔsoa-a pɔ̀n chɛ̀-a wlu̍ nu̍-ɛ, nɛ̀ ka u̍h naɛ-a mu̍ nɛ ɛ?

2 Pitɛ 3:7

Jɛ Nyɔsoa-a wlu̍ due laa̍ bo ɛ̀ nu̍ ɛ̍ wɛ̀ blǔh ke ja̍u̍n ìh nɛ-a ka kmɔ̌-ɛ, iě nɛ̍ tè ka i̍h de̍e̍ i̍ wɛ̀ ɛ̍ iě se̍ Nyɔsoa dɛ-ɛ nɛ nyɔ̍-a sàwi̍h sì weɛ̍ jɛɛ, wɛ̀ u̍h iě-e gbɔ̀lɔ.

Judi 1:7

Ɛ̀ kɔn ba̍ Sɔdɔm ke Kɔmowla ke wlɔ̀ᵻ gbàɛ̀ nɛ-a i̍h de̍e̍ i̍ ìh nu̍-a se̍i̍kɔɛn ke tba̍ɛ kɛ̍n i̍, wɛ̀ i̍h gbɛ̍n-ɛa kàn dě kàn nɛ̍ ɛ̀ se̍-a siee la̍ kɔn-ɛ di̍i̍-ɛ, wɛ̀ ɛ̍ iě nyɔ̍ kli̍hgbɛ̍ slɛ̌n tù.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”

Wlɛfeleseɔn 6:10

Wɛ̀ u̍h we̍le, u̍h la̍a̍, “Gbǐh Kɔn Joi mɔ̀ wɛ̀-a nɛi̍ wɛ̀ ìn nu̍-a gblangbai̍ nyɔ̍-ɛ, ti̍we̍ àn mu̍ nyɔ̍ nɛ-a dě kmɔ̌ we̍-ɛ kɛ̀n sà wɛ̀ ìè u̍h kàn gbɛ̍n à dbǎ-a tìh ɛ?”