2 Tɛsoloniɔn 1:7 - Ku̍o̍ Delee 1999

⁷ Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

2 Tɛsoloniɔn 1:7 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 16:28

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyi̍ɔ̍-a Jǔ jě ɔ̍ iě ɔ̍ kmɔ̌ wlu̍ i̍ kɔn la̍ ji̍.”

Matio 25:31

Jusu la̍a̍, “Ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍ wɛ̀ ɔ̍ ke ɔ̍ ǐnchɔ̀ iě-a na-ɛ, nɛ̀ ɔ̍ mu̍ i̍ tè dǒ ɔ̍ nynɛ̌ gbalǎ kɛ̍n.

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Matio 26:64

Wɛ̀ Jusu la̍a̍, “Ka ìn dǎ-ɛ, nɛ̀ kǎ ɛ̍ nɛ. Jɛ bɔ̌ ǐn sèàɛ̍ mɔ̀ kli̍hgbɛ̍ wlùh, dě nya̍-ɛ, mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Pɔ̀n Chɛ̀ Maɛ To-a La 14:62

Jusu la̍a̍, “I̍i̍n, mɔ̍ bo, nɛ̀ mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Pɔ̀n Chɛ̀ Maɛ To-a La 8:38

Nyɔ̍-o-nyɔ̍ ɔ̀ mu̍-a ǐn ke ǎn nǎ poe wlu̍ tɛ̀n i̍ ple̍-e da̍a Nyɔsoa wɔ̍n blaɛ ke gblɛ̍n sɔ̀ɛ̀n kmɔ̌ la di̍i̍-ɛ, nɛ̀ ti̍ Nyi̍ɔ̍-a Jǔ ke Nyɔsoa-a ǐnchɔ̀-a mu̍-a ji̍ dě ɔ̍ Baa-a tìh-a i̍ bɛ̌-ɛ di̍i̍-ɛ, nɛ̀ ɔ̍ mu̍ nyɔ̍ laa̍ tɛ̀n i̍ ple̍-e ke.”

Pɔ̀n Chɛ̀ Luu To-a La 16:25

Jɛ Eblaɛɛn la̍a̍, ‘Ǎn jǔ, nu̍ wlùh, ti̍ ìn tè-a kmɔ̌ i̍-ɛ, nɛ̀ àn jě dɛ̍ᵻ chɛ̀ chɛ̀, wɛ̀ Laaslɔɛ-a jě sɔ̀ɛ̀n. Jɛ ɔ̍ nu̍ la̍ kmɔ̌ nɔ̍ɔ̀ iě àn sàɛ̀ ka jua̍i̍.

Pɔ̀n Chɛ̀ Luu To-a La 17:30

Kǎ ɛ̍ mu̍ nɛ ke dǒ weɛ̍ Nyi̍ɔ̍-a Jǔ-a mu̍-a tà wlǔh-ɛ di̍i̍.

Chɔɔn 1:3

Dě ɔ̍ ja̍a̍ bo Nyɔsoa nui dɛ̍ᵻ kli̍hgbɛ̍. Dɛ̍ ɛ̀ se̍-a nui-ɛ dě ɔ̍ ja̍a̍-ɛ, nɛ̀ ɛ̍ se̍ nɛ.

Chɔɔn 1:51

Iě ɔ̍ la̍a̍ dě u̍h we̍, “Ǎn sèàɛ̍ mɔ̀ tìh-a taǐn wlùh, mɔ̀-a mu̍ ja̍i̍wlɔ̀ jě ɛ̍ iě wɔ̍i̍n pɔ̀ni, wɛ̀ mɔ̀ iě Nyɔsoa-a ǐnchɔ̀ jě, i̍h iě mu̍ ja̍i̍ ji̍ wlù nu̍ dǒ Nyi̍ɔ̍-a Jǔ dlǔwèàì.”

Nu̍-dɛ̍ᵻ 1:11

Iě u̍h la̍a̍, “Kaladii nynuu̍, dɛ̍ kɔn da̍a mɔ̀ nyna i̍ iě mɔ̀-a gbɛ̀n dě ja̍u̍n we̍ ɛ? Jusu la ɔ̀ sà-ɛa da̍a mɔ̀ we̍ ɔ̀ gba̍-ɛa ja̍i̍wlɔ̀-ɛ, ka mɔ̀ nu̍-a ɔ̍ ja̍i̍wlɔ̀ mu̍ la̍ jě-ɛɛ, kǎ ɔ̍ mu̍ de̍ ji̍-ɛ nu̍.”

Nu̍-dɛ̍ᵻ 3:19

Ɛ̍ tìh-ɛ, mɔ̀ bǐi i̍, nɛ̀ mɔ̀ fèàɛ̀ dě Nyɔsoa we̍, nɛ̀ ɔ̍ mu̍-o mɔ̀-a gblɛ̍n sɔ̀ɛ̀n i̍ slǎn.

Wloma 8:17

Ka à nu̍-a Nyɔsoa-a nynuu̍-ɛ, nɛ̀ à nu̍ dǒ Nyɔsoa-a gbaa kɛ̍n sie nynuu̍. À ke Klai nu̍ gbaa kɛ̍n sie nynuu̍ pò à sàɛ̀ jua̍i̍ ka ɔ̍ nu̍-a jua̍i̍ sàɛ̀-ɛ, wɛ̀ à nynɛ̌ iě i̍ bɛ̌ ka ɔ̍ nynɛ̌ nu̍-a i̍ bɛ̌-ɛ.

1 Kɔwlɛntiɔn 3:13

Jɔ kɔn ɔ̍ naɛ dbo̍-ɛ nɛ̀ ɛ̍ mu̍ jě-ɛ dǒ weɛ̍ Klai-a mu̍-a ja-ɛ di̍i̍. Dǒ weɛ̍ laa̍ di̍i̍ jɔ kɔn ɔ̍ naɛ dbo̍-ɛ, nɛ̀ nɛ̍-a mu̍ ɛ̍ kɛ̍n nyɛ-ɛ. Nɛ̍-a mu̍ ɛ̍ tɛ̀n, wɛ̀ ɛ̍ iě dbo̍ tu̍ ɛ̍ nu̍-aɛ to.

2 Kɔwlɛntiɔn 4:17

Jua̍i̍ sàɛ̀ juwɛ la ɛ̀ se̍-a i̍ wlè mu̍-ɛ, ɛ̍ po̍ à gba̍a̍ dǒ kmɔ̌ sie tìh-a i̍ bɛ̌-ɛ ɛ̀ se̍-a i̍ blaɛ dɛ̍ kɔn-ɛ we̍.

Ɛfɛsɔ 1:2

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Kalase 1:16

Dɛ̍nu̍ɛ, dɛ̍ᵻ kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ kmɔ̌-ɛ, dě ɔ̍ ja̍a̍ bo i̍h nui-ɛ. Jih nyɔ̍-a jě-aɛ ke jih nyɔ̍-ɔ jě-aɛ, ɛ̍ bo ɛ̀ nu̍-a gbǐh ke, nyɔ̍-a wlu̍ kwa̍ blě nyɔ̍ ke, joi kli̍hgbɛ̍ nɛ-a dě dlǔwèàì-ɛ ke tùn blě nyɔ̍ ke, dɛ̍ᵻ kli̍hgbɛ̍ nui-ɛ dě ɔ̍ ja̍a̍, iě ɔ̍ kɔn i̍h.

1 Tɛsoloniɔn 3:13

Wɛ̀ ɔ̍ iě mɔ̀ gbǐh nyǐ, mɔ̀ iě gblɛ̍ja̍i̍ wɛ̀, mɔ̀ iě dǒ à Baa Nyɔsoa nɛ due we̍ kɔn dǒ à Joi Jusu ke ɔ̍ nu̍ nyɔ̍ kli̍hgbɛ̍-a ji̍ la̍-a.

2 Timote 2:12

Pò à ku̍-e klì i̍ ma̍u̍-ɛ, nɛ̀ ɔ̍ ke à mu̍ kmɔ̌ wlu̍ i̍ kɔn. Pò à sà ɔ̍ dɛ kwa̍ i̍-ɛ, nɛ̀ ɔ̍ mu̍ à dɛ kwa̍ i̍ sà ke.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 10:27

Jɛ nɛ̀ dɛ̍ sie-ao wɛ̀ sǔh-ɛ, ɛ̍ nu̍ faɔn ple̍-ɛ dǒ sàwi̍h sì-ɛ ke nɛ̍ jojǒ ɛ̀ mu̍-a nyɔ̍ ùh faɛn-a Nyɔsoa-a fɔ̍n-ɛ we̍.

Iblu 12:29

Dɛ̍nu̍ɛ, à Nyɔsoa la ɔ̍ wɔ̀ nɛ̍ ɛ̀ gbɔ̀lɔ-a dɛ̍ᵻɛ́.

Iblu 4:1

Kaka la̍, Nyɔsoa po̍ wlu̍ tɔ̀ma̍a̍ à iě dě fɔla ɔ̍ mu̍-a à nyǐ-ɛ nyni̍. Ɛ̍ tìh-ɛ, mɔ̀ à nu̍ nɛnɛ̌ wɛ̀ mɔ̀-a nyɔ̍-ɔ se̍-e i̍ sǐ.

Iblu 4:11

Ɛ̍ tìh-ɛ, mɔ̀ à po̍-e gbǐh à iě dě fɔla laa̍ i̍ sǐ, wɛ̀ à-a je̍e se̍ Nyɔsoa-a wlu̍ nu̍ nyɔ̍-a dɛ̍ nu̍, à-a je̍e dǒ Nyɔsoa-a wìè kɛ̍n sɔ.

Iblu 4:9

Nɛ̀ɛ̍, fɔla nɛ-ɛ ke̍ kleǐn dǒ Nyɔsoa-a nyɔ̍ we̍. Ɛ̍ ke fɔ-weɛ̍ Nyɔsoa-a fɔ-ɛa wɔ̀ɛ.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.

2 Pitɛ 3:7

Jɛ Nyɔsoa-a wlu̍ due laa̍ bo ɛ̀ nu̍ ɛ̍ wɛ̀ blǔh ke ja̍u̍n ìh nɛ-a ka kmɔ̌-ɛ, iě nɛ̍ tè ka i̍h de̍e̍ i̍ wɛ̀ ɛ̍ iě se̍ Nyɔsoa dɛ-ɛ nɛ nyɔ̍-a sàwi̍h sì weɛ̍ jɛɛ, wɛ̀ u̍h iě-e gbɔ̀lɔ.

Judi 1:7

Ɛ̀ kɔn ba̍ Sɔdɔm ke Kɔmowla ke wlɔ̀ᵻ gbàɛ̀ nɛ-a i̍h de̍e̍ i̍ ìh nu̍-a se̍i̍kɔɛn ke tba̍ɛ kɛ̍n i̍, wɛ̀ i̍h gbɛ̍n-ɛa kàn dě kàn nɛ̍ ɛ̀ se̍-a siee la̍ kɔn-ɛ di̍i̍-ɛ, wɛ̀ ɛ̍ iě nyɔ̍ kli̍hgbɛ̍ slɛ̌n tù.

Wlɛfeleseɔn 1:7

Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.

Wlɛfeleseɔn 14:10

nɛ̀ ɔ̍ chɛ̀-a mu̍ Nyɔsoa-a jlu̍h nmɔ̍ nǎ ɛ̀ ɔ̍ chɛ̌li-a dě ɔ̍ jlu̍h kàu̍n di̍i̍-ɛ. Wɛ̀ ɔ̍ iě jua̍i̍ sàɛ̀ kaa̍ dǒ nɛ̍ ke pɔ̀nɔ̌ we̍ dǒ Nyɔsoa-a ǐnchɔ̀ ke Blawɛ̌ Jǔ jlǐhwai.

Wlɛfeleseɔn 14:13

Wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Chlǐh wlu̍ la. Sɔ da̍a sèàn blǐ nyɔ̍ ùh ke Joi nɛ-a due wɛ̀ u̍h mɛ̌-aɛ, nɛ̀ u̍h nmɔ i̍.” Nyɔsoa-a Sùù la̍a̍, “Nɛ̀ u̍h nmɔ i̍ kaa̍, u̍h-a mu̍ feɛ i̍ jě. Dɛ̍nu̍ɛ, u̍h-a nu̍-dɛ̍ᵻ wɔ̀ dǒ u̍h de̍e̍.”

Wlɛfeleseɔn 20:11

Wɛ̀ ǐn jě nynɛ̌ gbalǎ plǔ klaa, ɛ̍ ke ɔ̀ tè-a dǒ ɛ̍ kɛ̍n i̍-ɛ ke. Wɛ̀ blǔh ke ja̍u̍n ple̍ i̍h sɔ dǒ ɔ̍ jlǐhwai, wɛ̀ i̍h se̍ jě-ɛ dɛ kleǐnklein.

Wlɛfeleseɔn 21:4

Ɔ̍ mu̍ la̍ u̍h mǐtɛɛn kli̍hgbɛ̍ jlǐh i̍ slǎn. Mɛ̌ɛ ke, sùàɛ̀n pa̍-a ke, fìn-ɛ ke ku̍-a wɔ̍n kma-a se̍ nɛ mu̍ dɛ. Dɛ̍nu̍ɛ, dɛ̍ᵻ jih nɛ-a sàì-ɛ, i̍h sì i̍ wɛ̀.”

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”

Wlɛfeleseɔn 22:6

Wɛ̀ ǐnchɔ̀ la̍a̍ dě ǐn we̍, “Wlu̍ la i̍h nu̍ gblangbai̍ ke wlì tè dɛ̍. Joi Nyɔsoa ɔ̀ nyǐ-a ɔ̍ tu̍owli po̍ nyɔ̍ ɔ̍ Sùù-ɛ, ɔ̍ bo ɔ̀ dbo̍ ɔ̍ ǐnchɔ̀ ɛ̍ iě ɔ̍ pòi̍nynuu̍ dɛ̍ ɛ̀ mu̍-a nɛ suei̍-ɛ toe.”

Wlɛfeleseɔn 22:9

Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ ke Nyɔsoa-a tu̍owli po̍ nyɔ̍ ke chlǐh-dɛ̍ la ɛ̍ wlu̍ i̍ gbɛ̍n nyɔ̍ nu̍-ɛɛ, kǎ ǐn nɛ ke. Nyɔsoa bo ìè wɛɛ sà.”

Wlɛfeleseɔn 6:11

Nɛ̀ jɔ-ɛ ɔ̍ nyǐ-ɛ plɛ̀i̍ plǔ. Iě u̍h sèàɛ̍-ɛ wlùh u̍h iě fɔ ke̍ te̍e̍, wɛ̀ ka u̍h nu̍-a dbǎ-ɛɛ iě u̍h ba̍ᵻ pòi̍nynuu̍ ke de̍di̍i̍ᵻ ùh-a mu̍-a dbǎ-ɛ ke-ɛ, wɛ̀ u̍h-a tìɛ̀n iě tba̍.