2 Tɛsoloniɔn 1:6 - Ku̍o̍ Delee 1999

⁶ Nyɔsoa-a nu̍-dɛ̍ slɛ̌ i̍, ɛ̍ tìh-ɛ, ɔ̍ mu̍ nyɔ̍ ùh sàɛ̀-a mɔ̀ jua̍i̍-ɛ jua̍i̍ sàɛ̀.

2 Tɛsoloniɔn 1:6 Iomraidhean Croise

Kalase 3:25

Jɛ dɛ̍ sɔ̀n nu̍ nyɔ̍-a mu̍ ɔ̍ dɛ̍ sɔ̀n-a pɛ̌ɛ la-a jě. Dɛ̍nu̍ɛ, Nyɔsoa-a sà wìè fɔ̌ due.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.

Wlɛfeleseɔn 11:18

Nyɔ̍ ùh se̍-a ìn juo-ɛ u̍h gbǎ jlu̍h-u wɛ̀, iě ɛ̍ nu̍ nàɛ̀ jlu̍h ti̍ wɛ̀, mɛ̌-nyɔ̍ iě sàwi̍h sì. Ti̍ nyni̍ wɛ̀ àn pòi̍nynuu̍ iě ìn dɛ̍ kwa̍a̍ jě, ùh nu̍-a tu̍owli po̍ nyɔ̍-ɛ, ɛ̍ ke àn nyɔ̍ plìh ke klaaᵻ kli̍hgbɛ̍ ùh-a tè-a ìn ja̍-ɛ ke. Ti̍ nyni̍ wɛ̀ ìè nyɔ̍ ùh-a gbɔ̀lɔ-a bloa̍-a gbɔ̀lɔ ke.”

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 18:24

Dǒ ɔ̍ di̍i̍ bo Nyɔsoa-a nyɔ̍ ke ɔ̍ tu̍owli po̍ nyɔ̍-a nymɔ̍ wlǎ-ɛ i̍, ɛ̍ ke nyɔ̍ kli̍hgbɛ̍ ùh dbǎ-ɛa da̍a kmɔ̌ we̍-ɛ ke.

Wlɛfeleseɔn 19:2

Ɔ̍ nyɔ̍ kàn gbɛ̍n-ɛ slɛ̌ i̍ iě ɛ̍ nu̍ tìh-a taǐn. Kàìà nynɔ̌ klaa ɔ̀ nyni-a bloa̍ jii̍ dǒ ɔ̍ gbǎn nu̍-ɛ we̍-ɛ, ɔ̍ sà ɔ̍ kɛ̀n wɛ̀. Nyɔsoa gbɛ̍n ɔ̍ kàn wɛ̀, dɛ̍nu̍ɛ, ɔ̍ dbǎ ɔ̍ pòi̍nynuu̍.”

Wlɛfeleseɔn 6:10

Wɛ̀ u̍h we̍le, u̍h la̍a̍, “Gbǐh Kɔn Joi mɔ̀ wɛ̀-a nɛi̍ wɛ̀ ìn nu̍-a gblangbai̍ nyɔ̍-ɛ, ti̍we̍ àn mu̍ nyɔ̍ nɛ-a dě kmɔ̌ we̍-ɛ kɛ̀n sà wɛ̀ ìè u̍h kàn gbɛ̍n à dbǎ-a tìh ɛ?”