2 Tɛsoloniɔn 1:4 - Ku̍o̍ Delee 1999

⁴ Ɛ̍ tìh-ɛ, à chɛ̀-a po̍ mɔ̀-a bu̍hᵻ wlù i̍ dě Nyɔsoa-a chɔchi̍h nyɔ̍ nynɛ̌. Dɛ̍nu̍ɛ, klě jě-ɛ ke jua̍i̍ sàɛ̀-ɛ ji̍ mɔ̀ we̍, wɛ̀ dě ɛ̍ di̍i̍-ɛ mɔ̀-a ku̍-e klì i̍ iě mɔ̀-a blě wlùh gbaɛ.

2 Tɛsoloniɔn 1:4 Iomraidhean Croise

Wloma 12:12

Ka mɔ̀ kɔ̍-a Klai wlùh i̍-ɛ, nɛ̀ mɔ̀ nmɔ. Wě ji̍-ɛ, gbɛ̍n wlùh i̍ sǔh. Mɔ̀ bɔ̌ ba̍le-ɛ se̍a̍-a.

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

Wloma 8:25

Jɛ pò dɛ̍ à se̍-a jlǐhɛ̍ tba̍-ɛ wɛ̀ à iě ɛ̍ wlùh i̍ kɔ̍-ɛ, nɛ̀ à gbɛ̍n wlùh i̍ iě à chlì ɛ̍ we̍ i̍.

1 Kɔwlɛntiɔn 7:17

Kmɔ̌ kɔn di̍i̍ Joi Jusu po̍-a jɔ-ɛ, nɛ̀ dě ɔ̍ iě nɛ, ɛ̍ ke ka ɔ̍ nɛ-a wɛ̀ Nyɔsoa dǎ-a ɔ̍-ɛ ke. Ìh la bo ìh nu̍ ǎn telě ǎn poe nǎ dě chɔchi̍h nyɔ̍ kli̍hgbɛ̍ we̍.

2 Kɔwlɛntiɔn 12:10

Klai-a tìh bo ǎn wɔ̌ɛn ǎn gbǐh-a sɔɔn nu̍-ɛ ke, ǎn chlèe-ɛ ke, tìh jě-ɛ ke, klè jě-ɛ ke jua̍i̍ sàɛ̀ ke. Pò ǎn gbǐh ja sɔɔn nu̍-ɛ nɛ̀ ǎn kmu i̍.

2 Kɔwlɛntiɔn 7:14

Ǐn po̍ bu̍hᵻ wlù i̍ dě ɔ̍ we̍ mɔ̀-a tìh, iě mɔ̀ se̍ ǐn tɛ̀n nui. Jɛ ka dɛ̍ᵻ kli̍hgbɛ̍ à sà-a dě mɔ̀ we̍ nu̍-a tìh-a taǐn-ɛ, kǎ à bu̍hᵻ à po̍-a wlù i̍ dě Taitɔ we̍-ɛ nu̍ ɛ̍ to ɛ̍ ka ɛ̍ nu̍-a tìh-a taǐn-ɛ ke.

2 Kɔwlɛntiɔn 7:4

Ǐn tè mɔ̀ wlì kaa̍. Mɔ̀ fùka ǎn wlùh, iě ǎn po̍ mɔ̀-a tìh-a bu̍hᵻ wlù i̍ kaa̍, wɛ̀ ǎn nu̍ mɔna̍ dě ǎn tìh jě-ɛ kli̍hgbɛ̍ di̍i̍.

2 Kɔwlɛntiɔn 9:2

Ǐn juo ka mɔ̀-a wlùh-a nu̍-a jàjà nu̍-ɛ nyɔ̍ we̍ gbǎ tìh-ɛ. Ǐn po̍ bu̍hᵻ wlù i̍ dě Mɛsedonia nyɔ̍ we̍ mɔ̀-a tìh. Na̍a̍, “À ba̍ᵻ Nyɔsoa nyɔ̍ nɛ-a dě Akaia bloa̍ kɛ̍n-ɛ, u̍h jě ti̍ sɔ dě sɔ̀n nɛ-ao de̍-ɛ we̍ u̍h iě nyɔ̍ we̍ gbǎ.” Mɔ̀-a wlùh-a jàjà nu̍-ɛ bo ɛ̀ nu̍ ɛ̍ iě u̍h-a dɔu-a pɔ̀n dɛ̍ nyǐ-ɛ i̍.

2 Kɔwlɛntiɔn 9:4

Pò Mɛsedonia nyɔ̍ ke ǐn ke à ji̍ wɛ̀ à iě mɔ̀ kɛ̍n jɛɛ wɛ̀ mɔ̀ɔ̍ se̍ ti̍ jě-ɛ, nɛ̀ tɛ̀n-a mu̍ à nu̍, dɛ̍nu̍ɛ, à tè mɔ̀ wlì kaa̍. Tɛ̀n-a mu̍ mɔ̀ nu̍ ke kaa̍ ɛ̍ iě à sìì.

1 Tɛsoloniɔn 1:3

Mɔ̀-a wlùh gbaɛ ɛ̀ blě-a nu̍-dɛ̍ᵻ ke jbɛɛ ɛ̀ nɛ-a kmu-u dbo̍ de̍e̍-ɛ, ɛ̍ ke mɔ̀-a à Joi Jusu Klai wlì tè-ɛ ɛ̀ ku̍-ae klì i̍-ɛ, pò à nɛ dǒ à Baa Nyɔsoa jǔ-ɛ, nɛ̀ à nu̍ i̍h wlùh we̍.

1 Tɛsoloniɔn 2:14

Ǐn de̍di̍i̍ᵻ, Nyɔsoa-a chɔchi̍h nyɔ̍ ùh nɛ-a dě Jusu Klai ja̍a̍ dě Judia fɔɔ-ɛ, mɔ̀-a sà-e u̍h-a wɔ̀ɔ̀ i̍. Ɛ̀ kɔn ba̍ mɔ̀-a chɛ̀-a blǐ nyɔ̍ nu̍-a mɔ̀ jua̍i̍ sàɛ̀-ɛ, ɛ̍ kɔn ba̍ bo u̍h nu̍ jua̍i̍ sàɛ̀ ke dě Juu nyɔ̍ kwa̍a̍.

1 Tɛsoloniɔn 2:19

Ti̍ à Joi Jusu-a mu̍-a ji̍-ɛ, dɛ̍ we̍ à tè wlì ɛ̀ mu̍ à mɔna̍-a po̍ ɛ? Àe̍e̍ blawɛ̌ we̍ à mu̍ tèè dǒ ɔ̍ jǔ, wɛ̀ à iě bu̍hᵻ wlù i̍ po̍ ɛ? Ɛ̍ se̍ mɔ̀ɔ̍ ae?

2 Tɛsoloniɔn 3:5

Ǎn sà nǐ wɔ̍n Joi iě mɔ̀-a pɔluh wìè-e po̍ dǒ ka Nyɔsoa nu̍-a mɔ̀ɔ̍ jbɛɛ we̍, ɛ̍ ke dě klì i̍ ku̍-ɛ Klai nyǐ-a mɔ̀-ɛ ke.

Iblu 10:36

Mɔ̀ kɔn mɔ̀ iě-e klì i̍ ku̍ wɛ̀ mɔ̀ iě Nyɔsoa-a wlùh nu̍, nɛ̀ mɔ̀-a mu̍ ɔ̍ tɔ̀ma̍a̍ wlu̍ jě.

Iblu 6:12

À se̍ pɔ̀n mɔ̀ iě plǔh nu̍. Jɛ nyɔ̍ ùh blě-a wlùh gbaɛ iě ùh gbɛ̍n-a wlùh i̍ ùh jě-a dɛ̍ kɔn wlu̍ Nyɔsoa po̍-a tɔ̀ma̍a̍-ɛ, u̍h kɔn wɔ̀ɔ̀ mɔ̀ iě-e i̍ sà.

Iblu 6:15

Sɔ Eblaɛɛn gbɛ̍n wlùh i̍. Ɛ̍ kɔn ɔ̍ jě dɛ̍ kɔn wlu̍ Nyɔsoa po̍-a tɔ̀ma̍a̍-ɛ.

Chiin 5:11

Ɛ̍ kɔn à la̍ u̍h nmɔ i̍, dɛ̍nu̍ɛ, u̍h ku̍-e klì i̍. Ka Joo nu̍-a wlùh i̍ gbɛ̍n-ɛɛ, mɔ̀ wɔ̌n i̍h. Joi pe̍ɛ-ɛ ɔ̍ pɔluh dode̍, dɛ̍nu̍ɛ, Joi nmɔ gblɛ̍n-ɛ iě ɔ̍ kɔn wɔɛ.

2 Pitɛ 1:6

wɛ̀ dǒ tɔɔ de̍e̍ laa̍ mɔ̀ iě-o chɛ̀ i̍ gbɛ̍n-ɛ po̍. Dǒ chɛ̀ i̍ gbɛ̍n-ɛ de̍e̍ laa̍ mɔ̀ iě-o klì i̍ ku̍-ɛ po̍. Dǒ klì i̍ ku̍-ɛ de̍e̍ laa̍ mɔ̀ iě-o Nyɔsoa dɛ-ɛ nɛ-ɛ po̍.

Wlɛfeleseɔn 14:12

Ka ɛ̍ nɛ-a ka-ɛ, nɛ̀ Nyɔsoa-a nyɔ̍ ùh-a tè-ao ɔ̍ telě i̍, iě u̍h gbaɛ-a Jusu wlùh-ɛ, nɛ̀ u̍h kɔn u̍h iě-e klì i̍ ku̍.