2 Tɛsoloniɔn 1:12 - Ku̍o̍ Delee 1999

¹² Wɛ̀ à Joi Jusu-a nynɛ̌ iě i̍ bɛ̌ dě mɔ̀ ja̍a̍, iě mɔ̀ naɛ iě i̍ bɛ̌ ke dě à Nyɔsoa ke Joi Jusu Klai-a blɛ nɛ-ɛ di̍i̍.

2 Tɛsoloniɔn 1:12 Iomraidhean Croise

Chɔɔn 17:10

Ùh kli̍hgbɛ̍ ǐn blě-aɛ, u̍hɔ̍ɔ̍ àn nyɔ̍. Nɛ̀ ùh kli̍hgbɛ̍ ìn blě-aɛ, u̍hɔ̍ɔ̍ ǎn nyɔ̍. Dě u̍h ja̍a̍ bo ǎn nynɛ̌-a bɛ̌-ɛ i̍.

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

1 Kɔwlɛntiɔn 1:4

Ǎn po̍ Nyɔsoa tlɔ̌ ti̍ kli̍hgbɛ̍ we̍ mɔ̀-a tìh, dǒ ɔ̍ blɛ ɔ̍ nyǐ-a mɔ̀ dě Jusu Klai ja̍a̍-ɛ we̍.

2 Kɔwlɛntiɔn 13:4

Ɔ̍ dbǎ-ɛ dǒ gbàɛ̍ kɛ̍n i̍ tu̍ wlì ti̍ ɔ̍ gbǐh-a nu̍-a sɔɔn-ɛ. Jɛ ɔ̍ nɛ kmɔ̌ dǒ Nyɔsoa-a gbǐh we̍. Dě à ke Klai-a due nɛ-ɛ di̍i̍-ɛ, à gbǐh-a nu̍ sɔɔn ke. À nɛ kmɔ̌ dě ɔ̍ we̍ dǒ Nyɔsoa-a gbǐh we̍ mɔ̀-a jǔ dbee tìh.

2 Kɔwlɛntiɔn 8:9

Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

Felepai 3:9

Wɛ̀ ɔ̍ ke ǐn ke à iě due nɛ. Nɛ̀ ǐn se̍ naɛ̍ i̍ slɛ̌-ɛ jɛ tba̍-a telě dɛɛ jě-ɛ gbɔ̀ i̍-ɛ blě dɛ, jɛ nɛ̀ jɛ tba̍-a Klai wlùh gbaɛ gbɔ̀ i̍-ɛ bo ǐn blě wɛ̀. I̍ slɛ̌-ɛ sɔ-a dě Nyɔsoa we̍ ɛ̀ tba̍-a wlùh gbaɛ blě-ɛ gbɔ̀ i̍-ɛ bo ǎn dǎ.

2 Tɛsoloniɔn 1:10

Pò ɔ̍ ji̍ dǒ weɛ̍ laa̍ di̍i̍-ɛ, wɛ̀ ɔ̍ wlùh gbaɛ nyɔ̍ iě ɔ̍ nynɛ̌ i̍ bɛ̌-ɛ, u̍h iě ɔ̍ ja̍ tè. Mɔ̀-a mu̍ dě u̍h nynɛ̌ nɛ ke, dɛ̍nu̍ɛ, mɔ̀ gbaɛ tu̍owli à po̍-a dě mɔ̀ we̍-ɛ wlùh.

Taitɔ 2:11

Dɛ̍nu̍ɛ, Nyɔsoa-a blɛ ɛ̀ pǔh-ia nyɔ̍-ɛ, ɛ̍ wlǔh tà wɛ̀ dǒ nyɔ̍ kli̍hgbɛ̍ we̍.

1 Pitɛ 4:14

Pò u̍h po̍ mɔ̀ wlu̍ pùn mɔ̀-a Klai de̍e̍ gbǎ tìh-ɛ, nɛ̀ mɔ̀ nmɔ i̍. Dɛ̍nu̍ɛ, tìh-a i̍ bɛ̌-ɛ Sùù ɛ̀ kɔn-a dǒ Nyɔsoa we̍-ɛ, nɛ̀ ɛ̍ nɛ mɔ̀ kɛ̍n.

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.