2 Tɛsoloniɔn 1:10 - Ku̍o̍ Delee 1999

¹⁰ Pò ɔ̍ ji̍ dǒ weɛ̍ laa̍ di̍i̍-ɛ, wɛ̀ ɔ̍ wlùh gbaɛ nyɔ̍ iě ɔ̍ nynɛ̌ i̍ bɛ̌-ɛ, u̍h iě ɔ̍ ja̍ tè. Mɔ̀-a mu̍ dě u̍h nynɛ̌ nɛ ke, dɛ̍nu̍ɛ, mɔ̀ gbaɛ tu̍owli à po̍-a dě mɔ̀ we̍-ɛ wlùh.

2 Tɛsoloniɔn 1:10 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 16:28

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyi̍ɔ̍-a Jǔ jě ɔ̍ iě ɔ̍ kmɔ̌ wlu̍ i̍ kɔn la̍ ji̍.”

Matio 24:36

“Weɛ̍ ke ti̍ Nyi̍ɔ̍-a Jǔ-a mu̍-a de̍ ji̍-ɛ, nyɔ̍ dɔɔ se̍ ɛ̍ juo. Nyɔsoa-a ǐnchɔ̀ nɛ-a dě ja̍i̍wlɔ̀-a chɛ̀-ɛ, i̍h se̍ ɛ̍ juo. Jǔ-a chɛ̀ wɔ̍ se̍ ɛ̍ juo ke. Jɛ Baa nɛ due gbài̍ bo ɔ̀ juo ti̍ ke weɛ̍ laa̍.

Matio 25:31

Jusu la̍a̍, “Ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍ wɛ̀ ɔ̍ ke ɔ̍ ǐnchɔ̀ iě-a na-ɛ, nɛ̀ ɔ̍ mu̍ i̍ tè dǒ ɔ̍ nynɛ̌ gbalǎ kɛ̍n.

Matio 7:22

Ti̍ sàwi̍h sì ti̍-a mu̍-a nyni̍ dǒ Nyɔsoa jǔ-ɛ, nɛ̀ nyɔ̍ dɔu-a mu̍ ǐn dǎ, ‘Joi, Joi, ɛ̍ se̍ àɔ̀ mɔ̀ à se̍ Nyɔsoa-a tu̍owli po̍ dǒ àn nynɛ̌ kɛ̍n, wɛ̀ à se̍ nyɔ̍ jeědih de̍e̍ i̍ sà ae? Ɛ̍ se̍ àɔ̀ due laa̍ à se̍ jbaɛdih po̍ dǒ àn nynɛ̌ kɛ̍n dɛ ke ae?’

Pɔ̀n Chɛ̀ Luu To-a La 10:12

Ǎn sèàɛ̍ mɔ̀ wlùh, weɛ̍ kɔn di̍i̍ ɛ̍ mu̍-a sàwi̍h sì ti̍ nu̍-ɛ, Nyɔsoa-a mu̍ Sɔdɔm wlɔ̀ wɔɛ jě ɛ̍ iě wlɔ̀ laa̍ sìì.

Chɔɔn 11:4

Ti̍ Jusu wɔ̌n-a pɔ̀n la-ɛ, iě ɔ̍ la̍a̍, “Ɔ̍ wɛ̌ la mɛ̌ɛ se̍ ɛ̍ dlǔ i̍ chlà mu̍. Ɛ̍ nu̍ ɛ̍ sǔh wɛ̀ Nyɔsoa-a nynɛ̌ iě i̍ bɛ̌. Dě ɛ̍ di̍i̍ bo Nyɔsoa-a Jǔ-a mu̍ nynɛ̌ jě-e.”

Chɔɔn 17:10

Ùh kli̍hgbɛ̍ ǐn blě-aɛ, u̍hɔ̍ɔ̍ àn nyɔ̍. Nɛ̀ ùh kli̍hgbɛ̍ ìn blě-aɛ, u̍hɔ̍ɔ̍ ǎn nyɔ̍. Dě u̍h ja̍a̍ bo ǎn nynɛ̌-a bɛ̌-ɛ i̍.

1 Kɔwlɛntiɔn 1:6

Dɛ̍nu̍ɛ, tu̍owli ɛ̀ kɔ̍-a dǒ Klai pùn i̍ ɛ̀ poe-a dě mɔ̀ we̍-ɛ, mɔ̀ gbɛ̍n ɛ̍ i̍ klìmàtàìn.

1 Kɔwlɛntiɔn 3:13

Jɔ kɔn ɔ̍ naɛ dbo̍-ɛ nɛ̀ ɛ̍ mu̍ jě-ɛ dǒ weɛ̍ Klai-a mu̍-a ja-ɛ di̍i̍. Dǒ weɛ̍ laa̍ di̍i̍ jɔ kɔn ɔ̍ naɛ dbo̍-ɛ, nɛ̀ nɛ̍-a mu̍ ɛ̍ kɛ̍n nyɛ-ɛ. Nɛ̍-a mu̍ ɛ̍ tɛ̀n, wɛ̀ ɛ̍ iě dbo̍ tu̍ ɛ̍ nu̍-aɛ to.

Kelesea 1:24

Wɛ̀ u̍h bɛ̌-ɛ Nyɔsoa-a nynɛ̌ i̍ ǎn tìh.

Ɛfɛsɔ 1:12

Àɔ̀ nu̍-a sàǐtòò nyɔ̍ à kɔ̍-a Klai wlùh i̍-ɛ, dě à ja̍a̍ bo Nyɔsoa-a tìh-a i̍ bɛ̌-ɛa tìhwe̍ po̍-ɛ iě-e sɔ.

Ɛfɛsɔ 1:14

Sùù laa̍ bo ɛ̀ nu̍ ɔ̍ wlu̍-a gbǎ ka à mu̍-a dɛ̍ᵻ ɔ̍ tè-a i̍ dǒ à we̍-ɛ jě-ɛ. Kǎ ɛ̍ mu̍ nɛ te̍e̍ wɛ̀ Nyɔsoa iě ɔ̍ nyɔ̍ sèìe. Ɛ̍ tìh-ɛ, mɔ̀ à bɛ̌-ɛ ɔ̍ nynɛ̌ i̍.

Ɛfɛsɔ 1:18

Ǎn wlu dě ɔ̍ we̍ ɔ̍ iě mɔ̀-a wlùh kɛ̍n i̍ flɔn-ɛ, mɔ̀ iě ɔ̍ sɔ̀npli jě. Wɛ̀ mɔ̀ iě dɛ̍ ɛ̀ nu̍-a wlùh i̍ kɔ̍ dɛ̍ kɔn tìh ɔ̍ dǎ-a mɔ̀-ɛ ke nyɔ̍ wɔ̍n flɔn-ɛ pɔ̀ìě klaa ɔ̍ tè-a i̍ dǒ ɔ̍ nyɔ̍ we̍-ɛ juo.

Ɛfɛsɔ 1:6

Mɔ̀ à po̍ ɔ̍ tìhwe̍ dǒ ɔ̍ tìh-a i̍ bɛ̌-ɛ blɛ ɔ̍ nyǐ-a àɔ̀ bu̍ɛ̍i̍ dě ɔ̍ tìh kma Jǔ ja̍a̍-ɛ we̍.

Ɛfɛsɔ 2:7

Ɔ̍ nu̍ ɛ̀ la wɛ̀ ɔ̍ iě ɔ̍ blɛ to dě nyɔ̍ɔ we̍ dǒ ti̍ ɛ̀ se̍a sie la̍ kɔn-ɛ we̍. Ɔ̍ blɛ nɛ-ɛ la ɛ̍ ku̍ wɔ̍n kaa̍ ɛ̍ sìì-o dɛ̍ i̍. Ɛ̍ jii dě ɔ̍ gblɛ̍n-ɛ nmɔ-ɛ di̍i̍. Ɛ̍-ɛ bo ɛ̀ nu̍ ɛ̍ iě ɔ̍ dbo̍ Jusu Klai nɔ̌ à we̍.

Ɛfɛsɔ 3:10

Nyɔsoa nu̍ ìh la iě chɔchi̍h iě ɛ̍ nu̍ wɛ̀ nyɔ̍-a wlu̍ kwa̍ blě nyɔ̍ ke, gbǐh nɛ-a dě ja̍i̍wlɔ̀-ɛ i̍h iě Nyɔsoa-a flɔ̍nwlùh kli̍hgbɛ̍ la juo kaka.

Ɛfɛsɔ 3:16

Ǎn ba̍le ɔ̍-ɛ, ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ, ɔ̍ iě ɛ̍ mɔ̀-a wlùh fùka-ɛ dě ɔ̍ Sùù di̍i̍.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

1 Tɛsoloniɔn 2:1

À de̍di̍i̍ᵻ, mɔ̀-a chɛ̀ juo ɛ̍ ka à dě mɔ̀ we̍ i̍ nala ji̍-ɛ se̍-a bu̍ɛ̍i̍ nu̍-ɛ.

1 Tɛsoloniɔn 2:12

À fùka mɔ̀-a wlùh, iě à tù mɔ̀ gbàì. Wɛ̀ à gbɛ̍n-ɛ mɔ̀ wɔ̍i̍n, mɔ̀ iě dě kmɔ̌ ɛ̀ po̍-a Nyɔsoa gbǐh-ɛ di̍i̍ nɛ. Ɔ̍ dǎ mɔ̀ mɔ̀ iě dě ɔ̍ kmɔ̌ wlu̍ i̍ kɔn-ɛ ke ɔ̍ tìh-a i̍ bɛ̌-ɛ di̍i̍ ji̍.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.

2 Tɛsoloniɔn 1:12

Wɛ̀ à Joi Jusu-a nynɛ̌ iě i̍ bɛ̌ dě mɔ̀ ja̍a̍, iě mɔ̀ naɛ iě i̍ bɛ̌ ke dě à Nyɔsoa ke Joi Jusu Klai-a blɛ nɛ-ɛ di̍i̍.

2 Tɛsoloniɔn 2:13

À de̍di̍i̍ᵻ, Joi jbɛɛ mɔ̀ɔ̍. À kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. Dɛ̍nu̍ɛ, sɔ dě tɔ̀blɔ̍ɔ̍-ɛ, Nyɔsoa tba̍ mɔ̀ chèɛ̀ mɔ̀ iě pǔh, wɛ̀ mɔ̀ iě ɔ̍ nyɔ̍ nu̍ dǒ ɔ̍ Sùù ke tìh-a taǐn wlùh gbaɛ we̍.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

2 Timote 1:12

Ɛ̍ kɔn ǎn sàɛ̀-a ka jua̍i̍. Jɛ ǐn juo nyɔ̍ ǐn gbaɛ-a wlùh-ɛ, ɛ̍ bo ɛ̀ sà ǐn faɔn. Nɛ̀ ǐn juo ɛ̍-ɛ gblagblǎ dɛ̍ ɔ̍ po̍-a dě ǐn kwa̍a̍-ɛ, ɔ̍ bɛ̌ɛ ɛ̍ sɛ̍sɛ̍ nu̍-ɛ te̍e̍ wɛ̀ ɛ̍ iě bɔ̌ɛ-o weɛ̍ laa̍ jɛɛ.

2 Timote 1:18

Nɛ̀ ǎn sà nǐ wɔ̍n Joi iě ɔ̍ wɔɛ jě dǒ bɔ̌ɛ-o weɛ̍ laa̍ di̍i̍. Àn chɛ̀ juo i̍h ke te̍kle̍e̍, ka ɔ̍ nu̍-a ǐn sɔ̍nᵻ we̍ i̍ naɛ-ɛ dě Ɛfɛsɔ wlɔ̀ di̍i̍-ɛ.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.