2 Chɔɔn 1:9 - Ku̍o̍ Delee 1999

⁹ Nyɔ̍ jɔ se̍-a dǒ Klai-a nǎ po̍ wlu̍ de̍e̍ wɔ̀ wɛ̀ ɔ̍ tàn-ɛa ɛ̍ kɛ̍n-ɛ, nɛ̀ ɔ̍ tba̍ Nyɔsoa chla. Jɛ nyɔ̍ ɔ̀ nɛ-a dǒ ɔ̍ nǎ po̍-ɛ de̍e̍-ɛ, nɛ̀ Baa Nyɔsoa ke ɔ̍ Jǔ-a tìh bo ɔ̍ wɔ̌ɛn-ɛ.

2 Chɔɔn 1:9 Iomraidhean Croise

Matio 11:27

Ɔ̍ la̍a̍, “Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ ùh Jǔ tba̍-a chèɛ̀ ɔ̍ iě-a Baa toe-ɛ ke.

Pɔ̀n Chɛ̀ Luu To-a La 10:22

“Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ Jǔ tba̍-a chèɛ̀ ɔ̍ iě-a Baa toe-ɛ ke.”

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 15:6

Nyɔ̍-o-nyɔ̍ ɔ̀ se̍-a dě ǐn ja̍a̍ nɛ-ɛ, nɛ̀ ɔ̍ mu̍ de̍ po̍-eɛ ɔ̍ iě klǎn ka tu̍ bu̍hᵻɛ́. Nɛ̀ u̍h-a dǔ i̍h-i, iě u̍h-a tù i̍h jlǐh, wɛ̀ i̍h-a si̍n.

Chɔɔn 5:23

Ɔ̍ nu̍ ɛ̍-ɛ wɛ̀ nyɔ̍ kli̍hgbɛ̍ iě Jǔ la ja̍ tè, ɛ̀ kɔn ba̍ u̍h-a nu̍-a Baa ja̍ tè-ɛ ke-ɛ. Nyɔ̍ ɔ̀ se̍-a Jǔ ja̍ tè-ɛ, nɛ̀ Baa jɔ dbo̍-a Jǔ-a chɛ̀-ɛ bo ɔ̍ se̍ ja̍ tè.

Chɔɔn 8:31

Wɛ̀ Jusu la̍a̍ dě nyɔ̍ juh gbaɛ-a ɔ̍ wlùh-ɛ we̍, “Pò mɔ̀ gbɛ̍n ǎn nǎ po̍ wlu̍ la i̍-ɛ, nɛ̀ mɔ̀ɔ̍ ǎn kòà-a gblangbai̍.

Nu̍-dɛ̍ᵻ 2:42

Wɛ̀ u̍h-a cheǎn-ɛ gba̍tòà dɛ̍ we̍ ma̍u̍, u̍h ke u̍h-a nɛ̍aɛ we̍. Nɛ̀ u̍h-a gbo̍a̍ɛ sɔ̍n jǔ iě u̍h-a ba̍le.

Kalase 3:16

Mɔ̀ nu̍ ɛ̍ wlu̍ Klai bla̍-a ɛ̍ iě mɔ̀ nya̍ pàn-ɛ. Mɔ̀ po̍ nǎ mɔ̀ iě slɛ̌ chèɛ̀ we̍ i̍ poe dǒ flɔ̍nwlùh kli̍hgbɛ̍ we̍. Mɔ̀ ble̍ duǐh ìh sɔ-a dě Duǐh Chlǐh-dɛ̍ di̍i̍-ɛ. Nɛ̀ mɔ̀ ble̍ Nyɔsoa-a tìhwe̍ po̍ duǐh ke ɔ̍ Sùù duǐh, wɛ̀ mɔ̀ iě ɔ̍ tlɔ̌ po̍ dǒ mɔ̀ wlùh kɛ̍n.

Taitɔ 2:10

Nɛ̀ u̍h bɔ̌ u̍h we̍ jlǐ-ɛ. Jɛ u̍h-a nyɔ̍ chɛ̀ nu̍-ɛ ke wlu̍ kɛ̍n i̍ gbɛ̍n-ɛ bo u̍h iě to ti̍ kli̍hgbɛ̍ we̍. Nɛ̀ɛ̍, Nyɔsoa ɔ̀ sèìe-a àɔ̀-ɛ, nǎ po̍-ɛ ɛ̀ tba̍-a dǒ ɔ̍ pùn i̍-ɛ, nɛ̀ u̍h-a mu̍ ɛ̍ nynɛ̌ kɛ̍n po̍ dǒ u̍h-a nu̍-dɛ̍ᵻ kli̍hgbɛ̍ we̍.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 6:1

Nɛ̀ɛ̍, mɔ̀ à sà bu̍h de̍ à iě cheǎn-dɛ̍ᵻá bloɔ̍ i̍ bloɔ̍ i̍ jih tba̍-a dǒ Klai pùn i̍-ɛ de̍ poe, à iě ku̍ dě i̍h cheǎn-a di̍i̍. Mɔ̀ à bɔ̌ dɛ̍ᵻ à cheǎn-a sàì-ɛ i̍h nɛ due cheǎn-a sǔh, i̍h bo ìh nu̍-a pɔ̀ɔ̍pìe̍ dɛ̍ᵻ kɛ̍n i̍ poe-ɛ ke, Nyɔsoa wlùh gbaɛ ke,

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

3 Chɔɔn 1:9

Ǐn chlǐh chɔchi̍h chlǐh-dɛ̍ tile we̍. Jɛ Daotlofi jɔ nyɔ̍ klaa nu̍ dɛ-a po̍-a gbǐh-ɛ, ɔ̍ dounᵻ se̍ à we̍ nɛ.