2 Chɔɔn 1:8 - Ku̍o̍ Delee 1999

⁸ Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, wɛ̀ mɔ̀-ɔ se̍-e dɛ̍ kɔn dbo̍ mɔ̀ nu̍-aɛ jě, wɛ̀ mɔ̀ iě pɛ̌ɛ la jě gblaan.

2 Chɔɔn 1:8 Iomraidhean Croise

Matio 24:4

Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe.

Pɔ̀n Chɛ̀ Maɛ To-a La 13:23

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌. Ɛ̍ kɔn ǐn si̍e̍ ti̍ nya̍ duedɛ wɛ̀ ǎn sèàɛ̍ mɔ̀ dɛ̍ᵻ kli̍hgbɛ̍ wlùh.

Pɔ̀n Chɛ̀ Maɛ To-a La 13:9

“Jɛ mɔ̀ nu̍ mɔ̀-a chɛ̀-a nɛnɛ̌, dɛ̍nu̍ɛ, u̍h-a mu̍ mɔ̀ gbɛ̍n, wɛ̀ u̍h iě mɔ̀ koti̍ i̍ po̍. Nɛ̀ u̍h-a mu̍ mɔ̀ bla̍ dě wɛɛ sà gbòᵻ sɔ̀n i̍. Nɛ̀ u̍h-a mu̍ mɔ̀ i̍ nyna-ɛ dǒ kɛɛ̍n nyɔ̍ ke blǔh baaᵻ jǔ ǎn tìh. Dǒ mɔ̀-a mu̍ pɔ̀n chɛ̀-a tìh bla̍-ɛ dě u̍h we̍.

Pɔ̀n Chɛ̀ Luu To-a La 19:19

Iě ɔ̍ la̍a̍ dě ɔ̍ we̍, ‘Àn mu̍ wlɔ̀ᵻ gbàɛ̀ m̀m̌ wlu̍ i̍ kɔn.’

Pɔ̀n Chɛ̀ Luu To-a La 21:8

Iě Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe. Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka nu̍, ‘Mɔ̍ bo ɔ̀ nu̍ Chèɛ̀ Tba̍ju. Bɔ̌ɛ-o ti̍ kɔǎn we̍ wɛ̀.’ Jɛ mɔ̀ bɔ̌ dǒ u̍h de̍e̍ gbǎ-a.

Chɔɔn 4:36

Nyɔ̍ ɔ̀ chɛ̍n-a klè-ɛ, ɔ̍ jě pɛ̌ɛ la. Iě ɔ̍ gbòe i̍h-a jɔ̌ i̍ i̍h iě kmɔ̌ sie feɛ jě. Wɛ̀ nyɔ̍ ɔ̀ tù-a dɛ̍ dě klè-ɛ ke, jɔ chɛ̍n-a klè-ɛ, u̍h iě mɔna̍ tàdùè nui.

1 Kɔwlɛntiɔn 15:8

Ɛ̀ bɔ̌ɛ-aoɛ, mɔ̍ bo ɔ̍ wlǔh-i i̍. Jɛ nɛ̀ ǐn wɔ̀ ka jǔ-a ti̍ se̍ i̍ blaɛ wɛ̀ ɔ̀ wlǔh-ɛ.

1 Kɔwlɛntiɔn 3:14

Dɛ̍ ɛ̀ nyɔ̍ po̍-a dǒ gbò-a gbɔ̀ la kɛ̍n wɛ̀ ɛ̍ iě nɛ̍-i pǔh-ɛ, nɛ̀ ɔ̍ mu̍ ɛ̍ dɛ̍ we̍ jě.

1 Kɔwlɛntiɔn 3:8

Nyɔ̍ ɔ̀ tù-a dɛ̍-ɛ ke jɔ nyǐ-a ɛ̍ nǐ-ɛ, u̍h-a dbo̍ beɛ̍ɛ. Ɛ̍ tìh ka jɔ-a dbo̍ nɛ-ɛ, nɛ̀ kǎ ɔ̍ jě-dɛ̍ nɛ.

Kelesea 3:4

Wɛ̀ dɛ̍ᵻ kli̍hgbɛ̍ ìh nɛ-a mɔ̀ pùn-ɛ, i̍h iě niɔ̍ wlǎ ae? Ǐn juo ɛ̍-ɛ, i̍h se̍ niɔ̍ wlǎ mu̍.

Kelesea 4:11

Mɔ̀-a faɔn-a nu̍ m, wɛ̀ dbo̍ ǐn nu̍-a dǒ mɔ̀ we̍-ɛ, ɛ̍-ɛ je̍e bu̍ɛ̍i̍ nu̍.

Felepai 3:16

Dɛ̍ à iě-a nu̍-ɛ, ɛ̍ nu̍ wìè due à nɛ-a kɛ̍n se̍e̍-ɛ ɛ̍ bo à iě kɛ̍n nɛ.

Iblu 10:32

Ti̍ Nyɔsoa nyǐ-a mɔ̀ sɔ̀npli-ɛ bo mɔ̀ iě wlùh we̍ nu̍. Dǒ ti̍ laa̍ di̍i̍ bo mɔ̀ sàɛ̀ jua̍i̍ iě mɔ̀ po̍ gbɔ̍igbɔ̍ te̍e̍ mɔ̀ se̍ ple̍.

Iblu 10:35

Ɛ̍ tìh-ɛ, mɔ̀ ku̍ di̍i̍ i̍, dɛ̍nu̍ɛ, dě ɛ̍ di̍i̍ bo jě-dɛ̍ klaa nɛ.

Iblu 12:15

Nɛ̀ mɔ̀ jě ɛ̍ we̍ wɛ̀ mɔ̀-a nyɔ̍-ɔ je̍e dǒ Nyɔsoa-a blɛ nɛ-ɛ de̍e̍ blu̍. Mɔ̀ jě ɛ̍ we̍ ke mɔ̀-a nyɔ̍-ɔ je̍e ku̍ dě mɔ̀ nynɛ̌ ka wɔ̍n nyni tu̍-ɛ. Nɛ̀ ɔ̍ mu̍ wě wlɔ̀ ja ɛ̍ iě nyɔ̍ dɔu jii̍ nyni-i.

Wlɛfeleseɔn 3:11

Ǎn mu̍ ji̍ suei̍. Tà mɔ̀ gbɛ̍n-a i̍-ɛ, dǒ mɔ̀ iě i̍ gbɛ̍n gba̍i̍ngba̍i̍n wɛ̀ nyɔ̍ dɔɔ je̍e mɔ̀-a blawɛ̌ mɔ̀ kwa̍a̍ sà.