2 Chɔɔn 1:6 - Ku̍o̍ Delee 1999

⁶ Ɛ̀ nu̍-a jbɛɛ-ɛ, ɛ̍ nu̍ à iě dǒ Nyɔsoa-a telě de̍e̍ wɔ̀. Ɛ̀ nu̍-a telě mɔ̀ sà-a wɔ̌n-ɛ dě tɔ̀blɔ̍ɔ̍-ɛ, ɛ̍ nu̍ mɔ̀ iě dǒ jbɛɛ de̍e̍ wɔ̀.

2 Chɔɔn 1:6 Iomraidhean Croise

Chɔɔn 14:15

“Pò mɔ̀ jbɛɛ m-ɛ, nɛ̀ mɔ̀-a mu̍-o ǎn telě i̍ tè,

Chɔɔn 14:21

“Nyɔ̍ jɔ tè-ao telě ǐn po̍-a i̍-ɛ, nɛ̀ ɔ̍-ɔ bo ɔ̀ jbɛɛ m. Nyɔ̍ ɔ̀ jbɛɛ-a m-ɛ, nɛ̀ ǐn Baa-a mu̍ ɔ̍-ɔ jbɛɛ ke. Nɛ̀ ǎn mu̍ ɔ̍-ɔ jbɛɛ ke, wɛ̀ iě ǎn chɛ̀ tà sà dě ɔ̍ we̍.”

Chɔɔn 14:23

Iě Jusu la̍a̍, “Pò nyɔ̍ jbɛɛ m-ɛ, nɛ̀ ɔ̍ mu̍ ǎn wlu̍ nu̍, nɛ̀ ǐn Baa-a mu̍ ɔ̍-ɔ jbɛɛ. Nɛ̀ à mu̍ dě ɔ̍ we̍ ji̍, wɛ̀ dě ɔ̍ we̍ iě à blǐ nu̍.

Chɔɔn 15:10

Pò mɔ̀ ja-o ǎn telě i̍ tè-ɛ, nɛ̀ mɔ̀-a mu̍ dě ǎn jbɛɛ di̍i̍ sie ɛ̀ kɔn ba̍ ǎn tè-ao ǐn Baa-a telě i̍ wɛ̀ ǐn nɛ-a dě ɔ̍ jbɛɛ di̍i̍-ɛ.

Chɔɔn 15:14

Dɛ̍ ǐn poe-a mɔ̀ slǔh-ɛ, pò mɔ̀ ja ɛ̍ nu̍-ɛ, nɛ̀ mɔ̀ɔ̍ ǎn jbɛɛ nyɔ̍.

1 Chɔɔn 2:24

Dɛ̍ mɔ̀ wɔ̌n-a sɔ dě tɔ̀blɔ̍ɔ̍-ɛ, ɛ̍ bo ɛ̀ iě dě mɔ̀ ja̍a̍ nɛ. Dɛ̍ mɔ̀ wɔ̌n-a sɔ dě tɔ̀blɔ̍ɔ̍-ɛ, pò ɛ̍ nɛ dě mɔ̀ ja̍a̍-ɛ, nɛ̀ mɔ̀ nɛ dě Jǔ ke Baa ja̍a̍ wɛ̀.

1 Chɔɔn 2:5

Jɛ nyɔ̍ ɔ̀ nu̍-a ɔ̍ wlu̍-ɛ, nɛ̀ ɔ̍-ɔ bo ɔ̀ kɔn Nyɔsoa-a jbɛɛ-ɛ wɛ̀ gblɛ̍ja̍i̍ wɛ̀. Pò ɛ̍ nɛ ka-ɛ, nɛ̀ à juo-o dɛ̍ i̍ wɛ̀ ka à nɛ-a dě Nyɔsoa ja̍a̍-ɛ.

1 Chɔɔn 2:7

Ǎn tìh kma nyɔ̍, telě la ɛ̀ kɔn tìh ǎn chlǐh-a mɔ̀ we̍-ɛ, ɛ̍ se̍ telě delee. Dɛ̍ soa bo, mɔ̀ wɔ̌n ɛ̍-ɛ se̍e̍ sɔ dě tɔ̀blɔ̍ɔ̍. Telě soa la, ɛ̍ bo ɛ̀ nu̍ wlu̍ mɔ̀ wɔ̌n-a se̍e̍-ɛ.

1 Chɔɔn 5:15

Pò à jbǎ-ɛ ɔ̍ dɛ̍-o-dɛ̍ wɛ̀ à iě ɛ̍ juo ka ɔ̍ wɔ̌n-a à wlu̍-ɛ, nɛ̀ à juo ɛ̍-ɛ dɛ̍ à jbǎ-ɛa ɔ̍-ɛ, à jě ɛ̍ wɛ̀.

1 Chɔɔn 5:3

Nyɔsoa-a telě dɛ̍ɛ̍ jě-ɛ bo ɛ̀ nu̍ à Nyɔsoa-a jbɛɛ. Ɔ̍ telě dɛ̍ɛ̍ jě-ɛ se̍ wɔ̍n kma.

2 Chɔɔn 1:5

Nɛ̀ɛ̍, Nynɔ̌ Chɛ̀, ǐn gbɛ̍n àn bu̍hᵻ i̍, mɔ̀ à iě we̍ jbɛɛ. Ɛ̀ la ɛ̍ se̍ telě delee ǐn se̍ ìn we̍ chlǐh. Jɛ telě à blě-a se̍e̍ sɔ dě tɔ̀blɔ̍ɔ̍-ɛ, ɛ̍-ɛ bo.