2 Chɔɔn 1:5 - Ku̍o̍ Delee 1999

⁵ Nɛ̀ɛ̍, Nynɔ̌ Chɛ̀, ǐn gbɛ̍n àn bu̍hᵻ i̍, mɔ̀ à iě we̍ jbɛɛ. Ɛ̀ la ɛ̍ se̍ telě delee ǐn se̍ ìn we̍ chlǐh. Jɛ telě à blě-a se̍e̍ sɔ dě tɔ̀blɔ̍ɔ̍-ɛ, ɛ̍-ɛ bo.

2 Chɔɔn 1:5 Iomraidhean Croise

Chɔɔn 15:12

Ɛ̀ la bo ɛ̀ nu̍ ǎn telě, ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 15:17

Ɛ̀ la bo ɛ̀ nu̍ telě ǐn siee mɔ̀, ɛ̍ nu̍ mɔ̀ jbɛɛ we̍.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

1 Tɛsoloniɔn 4:9

Nyɔ̍-o-nyɔ̍ se̍ kɔn ɔ̍ iě mɔ̀ we̍ chlǐh dǒ mɔ̀ de̍di̍i̍ᵻ jbɛɛ dɛ we̍. Dɛ̍nu̍ɛ, mɔ̀ɔ̍ bo Nyɔsoa po̍ nǎ wɛ̀ dǒ we̍ jbɛɛ dɛ we̍.

Iblu 13:1

Ka Klai nu̍-a mɔ̀ de̍di̍i̍ᵻ we̍i̍-ɛ, nɛ̀ we̍ jbɛɛ bo mɔ̀ iě dluwe̍ i̍ gba̍.

1 Pitɛ 4:8

Mɔ̀-a we̍ jbɛɛ-ɛ bo ɛ̀ iě i̍ tìè, ɛ̍ iě dɛ̍ᵻ kli̍hgbɛ̍ sìì. Dɛ̍nu̍ɛ, jbɛɛ-ɛ bo ɛ̀ kaɛn gblɛ̍n sɔ̀ɛ̀n dɔu kɛ̍n.

2 Pitɛ 1:7

Dǒ Nyɔsoa dɛ-ɛ nɛ-ɛ de̍e̍ laa̍ mɔ̀ iě-o kɛ̍n i̍ gbe̍ɛ̍ɛn po̍, wɛ̀ dǒ kɛ̍n i̍ gbe̍ɛ̍ɛn de̍e̍ laa̍ mɔ̀ iě-o nyɔ̍ tìh kma-a po̍.

1 Chɔɔn 3:11

Ɛ̀ nu̍-a tu̍owli mɔ̀ sà-a wɔ̌n-ɛ dě tɔ̀blɔ̍ɔ̍-ɛ, ɛ̍ nu̍, à iě we̍ jbɛɛ.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.

2 Chɔɔn 1:1

Chlǐh-dɛ̍ la ɛ̍ sɔ nɔ̌ mɔ̍ ɔ̀ nu̍-a mɔ̀-a Klaa-ɛ we̍. Ɛ̍ mu̍ dě Nynɔ̌ Chɛ̀ ɔ̀ Nyɔsoa tba̍-a chèɛ̀-ɛ ke ɔ̍ nynuu̍ we̍. Ǐn jbɛɛ mɔ̀-ɔ dě tìh-a taǐn di̍i̍. Ɛ̍ se̍ ǐn nɛ due, jɛ nyɔ̍ kli̍hgbɛ̍ ùh juo-a tìh-a taǐn-ɛ, u̍h jbɛɛ mɔ̀-ɔ ke.