2 Chɔɔn 1:2 - Ku̍o̍ Delee 1999

² À jbɛɛ mɔ̀-ɔ, dɛ̍nu̍ɛ, tìh-a taǐn nɛ dě à ja̍a̍, iě ɛ̍ ke à mu̍ na nɔ̌ kmɔ̌-a kmɔ̌.

2 Chɔɔn 1:2 Iomraidhean Croise

Chɔɔn 14:16

wɛ̀ iě Baa i̍ tèle ɔ̍ iě mɔ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ we̍ dbo̍. Wɛ̀ Sùù ɛ̀ sèàɛ̍-a nyɔ̍ Nyɔsoa-a tìh-a taǐn tìh wlùh-ɛ ɛ̍ iě dǒ mɔ̀ we̍ nɛ kleǐnklein. Ɛ̀ kɔn tìh kmɔ̌ nyɔ̍ se̍-a ɛ̍ tìh i̍ wɔ̌ɛn-ɛ, ɛ̍ nu̍, u̍h-u se̍a ɛ̍ jě, iě u̍h se̍ ɛ̍ juo. Jɛ mɔ̀ɔ̍ nɔ̀ɔ̍, mɔ̀ juo ɛ̍-ɛ, dɛ̍nu̍ɛ, ɛ̍ nɛ dǒ mɔ̀ we̍, iě ɛ̍ mu̍ dě mɔ̀ ja̍a̍ nɛ ma̍u̍.

Chɔɔn 15:7

Pò mɔ̀ nɛ dě ǐn ja̍a̍ iě ǎn wlu̍ iě dě mɔ̀ ja̍a̍ nɛ ke-ɛ, nɛ̀ dɛ̍-o-dɛ̍ mɔ̀-a pɔ̀n-aɛ, mɔ̀ jbǎ ɛ̍, nɛ̀ mɔ̀-a mu̍ ɛ̍ jě.

1 Kɔwlɛntiɔn 9:23

Pɔ̀n chɛ̀-a tìh bo ǎn nu̍ ìh kli̍hgbɛ̍ la, wɛ̀ pɔ̀ìě ɛ̍ mu̍-a ja-ɛ, iě-o dɛ̍ jě.

2 Kɔwlɛntiɔn 4:5

Ɛ̍ se̍ à chɛ̀-a tìh à se̍ bla̍. À bla̍ ka Jusu Klai nu̍-a Joi-ɛ tìh, ɛ̍ ke ka à nu̍-a mɔ̀-a pòi̍nynuu̍ Jusu-a tìh-ɛ ke.

Kalase 3:16

Mɔ̀ nu̍ ɛ̍ wlu̍ Klai bla̍-a ɛ̍ iě mɔ̀ nya̍ pàn-ɛ. Mɔ̀ po̍ nǎ mɔ̀ iě slɛ̌ chèɛ̀ we̍ i̍ poe dǒ flɔ̍nwlùh kli̍hgbɛ̍ we̍. Mɔ̀ ble̍ duǐh ìh sɔ-a dě Duǐh Chlǐh-dɛ̍ di̍i̍-ɛ. Nɛ̀ mɔ̀ ble̍ Nyɔsoa-a tìhwe̍ po̍ duǐh ke ɔ̍ Sùù duǐh, wɛ̀ mɔ̀ iě ɔ̍ tlɔ̌ po̍ dǒ mɔ̀ wlùh kɛ̍n.

2 Timote 1:5

Àn wlùh gbaɛ-a nɛi̍ wɛ̀-ɛ bo ǎn nu̍ wlùh we̍. Ìn de̍ klaa Lowe ke ìn de̍ Nyune-a wlùh gbaɛ u̍h blě-aɛ, ǐn juo ɛ̍-ɛ ɛ̍ nɛ m̀ ke.

2 Pitɛ 1:12

Mɔ̀ juo ìh la, iě i̍h nɛ dě tìh-a taǐn mɔ̀ gbɛ̍n-a i̍-ɛ di̍i̍ gba̍i̍ngba̍i̍n. Jɛ kǎ ǎn mu̍ i̍h dǒ mɔ̀ wlì i̍ sǐ-i ke ma̍u̍ sǔh.

1 Chɔɔn 1:8

Pò à la̍ à-a nu̍ gblɛ̍n sɔ̀ɛ̀n-ɛ, nɛ̀ à boe à chɛ̀ i̍. Nɛ̀ tìh-a taǐn se̍ dě à ja̍a̍ nɛ.

1 Chɔɔn 2:14

Ǎn nynuu̍, ǎn chlǐh mɔ̀ we̍, dɛ̍nu̍ɛ, mɔ̀ juo Baa Nyɔsoa. Baaᵻ, ǎn chlǐh mɔ̀ we̍, dɛ̍nu̍ɛ, mɔ̀ juo nyɔ̍ ɔ̀ sɔ-a dě tɔ̀blɔ̍ɔ̍-ɛ. Nynuu̍gbèè, ǎn chlǐh mɔ̀ we̍, dɛ̍nu̍ɛ, mɔ̀ kmu i̍ wɛ̀ Nyɔsoa-a wlu̍ nɛ dě mɔ̀ ja̍a̍, iě mɔ̀ sà Nyɔ̍ Sɔ̀n klà wɛ̀.

1 Chɔɔn 2:17

Kmɔ̌ la ke ɛ̍ dɛ̍ᵻ ìh nu̍-a nyɔ̍-a wlùh dɛ̍ᵻɛ́, i̍h-a sì la̍ i̍. Jɛ nyɔ̍ ɔ̀ nu̍-a Nyɔsoa-a wlùh-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌.