2 Kɔwlɛntiɔn 9:8 - Ku̍o̍ Delee 1999

⁸ Nɛ̀ Nyɔsoa bɛ̌ɛ ɔ̍ iě mɔ̀ pɔ̀ìě kli̍hgbɛ̍ nyǐ. Wɛ̀ mɔ̀ iě ìh kli̍hgbɛ̍ mɔ̀ nɛ-a blě ka̍-ɛ blě ti̍ kli̍hgbɛ̍ we̍ dǒ mɔ̀-a chɛ̀ we̍. Nɛ̀ mɔ̀-a mu̍ dɛ̍ᵻ tlùgbei̍ blě dǒ nu̍-dɛ̍ᵻ chɛ̀ kli̍hgbɛ̍ nu̍-ɛ we̍.

2 Kɔwlɛntiɔn 9:8 Iomraidhean Croise

Nu̍-dɛ̍ᵻ 9:36

Nɛ̀ nynɔ̌ due nɛ dǒ Jɔɔpa wlɔ̀ di̍i̍ ɔ̍ nynɛ̌ bo Tabita (ɛ̍ Klii wlu̍ nu̍ Dɔɔka. Ɛ̍ gbɔ̀ nu̍ kwɛ̍). Ɔ̍ blě wlùh gbaɛ-ɛ. Ɔ̍ nu̍ dɛ̍ᵻ chɛ̀ ti̍ kli̍hgbɛ̍ we̍ iě ɔ̍ gbǎ nyɔ̍gbà nyɔ̍ we̍.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

2 Kɔwlɛntiɔn 13:3

Ǎn mu̍ ɛ̍ nu̍, dɛ̍nu̍ɛ, mɔ̀-a pɔ̀n dɛ̍ ɛ̍ iě ɛ̍ to ka Klai-a wlu-ia dě ǐn ja̍a̍-ɛ. Ɔ̍ gbǐh-i nu̍ sɔɔn dǒ mɔ̀ dɛ̍ pùn nu̍-ɛ we̍, jɛ ɔ̍ to ɔ̍ gbǐh-a i̍ bɛ̌-ɛ dě mɔ̀ nynɛ̌.

2 Kɔwlɛntiɔn 8:19

Ɛ̍ se̍ ɛ̍ nɛ due, jɛ chɔchi̍h nyɔ̍ tba̍ ɔ̍ chèɛ̀ ɔ̍ ke à iě nyǐ-dɛ̍ᵻ la wìèlè ja ɛ̀ mu̍-a Joi-a nynɛ̌ i̍ bɛ̌-ɛ, wɛ̀ ɛ̍ iě ɛ̍ to ka à pɔ̀n-a nyɔ̍ we̍ gbǎ-a i̍-ɛ.

2 Kɔwlɛntiɔn 8:2

Tìh jě-ɛ klaa ji̍ u̍h we̍, jɛ u̍h-a nmɔ-ɛ kaa̍ ti̍ kli̍hgbɛ̍ we̍. U̍h nu̍ nyɔ̍gbà pa̍ nyɔ̍-a pɔ̀ɔ̍pìe̍ naɛ, jɛ u̍h blě wlùh wlǎ kaa̍ dǒ dɛ̍ nyǐ-ɛ we̍.

2 Kɔwlɛntiɔn 8:7

Ka mɔ̀ sìì-a nyɔ̍ duuh dǒ dɛ̍ᵻ kli̍hgbɛ̍ we̍-ɛ, ɛ̀ nu̍-a wlùh gbaɛ blě-ɛ ke, wlu-ɛ juo-ɛ ke, tɔɔ blě-ɛ ke, nyɔ̍ we̍ gbǎ wlùh blě-ɛ ke, àɔ̀ jbɛɛ ke à pɔ̀n mɔ̀ iě nyɔ̍ sìì dǒ dbo̍ chɛ̀ la nu̍-ɛ we̍ ke.

2 Kɔwlɛntiɔn 9:11

Nyɔsoa-a mu̍ mɔ̀ pàn-ɛ kaa̍, wɛ̀ mɔ̀ iě gblɛ̍n-ɛ nmɔ ti̍ kli̍hgbɛ̍ we̍. Iě nyɔ̍ dɔu iě ɔ̍ tlɔ̌ po̍ dǒ mɔ̀-a nyǐ-dɛ̍ᵻ à mu̍-a u̍h nyǐ-ɛ we̍.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Ɛfɛsɔ 3:20

Nyɔsoa ɔ̀ kɔn gbǐh-a nu̍-a dbo̍ dě à ja̍a̍-ɛ, ɔ̍ bɛ̌ɛ dɛ̍ᵻ dɔu nu̍-ɛɛ ɛ̍ iě à jbǎ-a dɛ̍ᵻ ke wlùh i̍ naɛ dɛ̍ᵻ kli̍hgbɛ̍ sìì.

Felepai 4:11

Ǐn se̍ la̍ ǐn se̍ dɛ̍ ǐn nɛ-a blě ka̍-ɛ blě. Ǎn nu̍ ɛ̍-ɛ wɛ̀ dɛ̍-o-dɛ̍ ǎn mu̍-a jě-ɛ, ǎn pɔluh iě i̍ pɛ̌n dǒ ɛ̍ we̍.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

2 Tɛsoloniɔn 2:17

ɔ̍ iě mɔ̀-a wlùh fùka, wɛ̀ ɔ̍ iě mɔ̀ gbǐh ku̍u̍ po̍ dě dbo̍ chɛ̀ kli̍hgbɛ̍ ke wlu̍-ɛ di̍i̍.

2 Timote 2:21

Pò nyɔ̍ nu̍ ɔ̍ chɛ̀-a wlaǎwla dǒ nǎ po̍-ɛ kaɛn la we̍-ɛ, nɛ̀ ɔ̍ bo ɔ̀ nu̍ seǐju blewe̍ɛ̍. Nɛ̀ ɔ̍ tè-ɛ tɛ̌n, wɛ̀ ɔ̍ Joi iě ɔ̍ sùo̍o̍ nu̍, iě ɔ̍ gbàɛ̀ ɔ̍ iě dbo̍ chɛ̀ kli̍hgbɛ̍ nu̍.

2 Timote 3:17

Wɛ̀ Nyɔsoa-a nyɔ̍ iě kɛ̍n chlìì, ɔ̍ iě dbo̍ chɛ̀ kli̍hgbɛ̍ nu̍-ɛ bɛ̌ɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

1 Pitɛ 4:10

Mɔ̀ kli̍hgbɛ̍ Nyɔsoa nyǐ mɔ̀ nyǐ-dɛ̍ᵻá gbɔ̍ᵻ gbɔ̍ᵻ. Ka mɔ̀ jě-a i̍h wɛ̀-ɛ, mɔ̀ nui i̍h dɛ̍ chɛ̀ dǒ nyɔ̍ duuh we̍.