2 Kɔwlɛntiɔn 8:9 - Ku̍o̍ Delee 1999

⁹ Mɔ̀ juo à Joi Jusu Klai-a blɛ nɛ-ɛ. Ɔ̍ pàn-ɛ de, jɛ ɔ̍ nu̍ ɔ̍ chɛ̀ nyɔ̍gbà nyɔ̍ we̍i̍ mɔ̀-a tìh, wɛ̀ ɔ̍ nyɔ̍gbà pa̍-a iě ɛ̍ nu̍ mɔ̀ iě pàn.

2 Kɔwlɛntiɔn 8:9 Iomraidhean Croise

Matio 17:27

Jɛ à-a je̍e dɛ̍ nu̍ ɛ̍-ɛ je̍e nyɔ̍ wɔ̍i̍n nyaɛ. Ɛ̍ tìh-ɛ, mu̍ ìè kɔɛ̍n po̍ dě pɛ̍nu̍ klaa kɛ̍n. Smìɛ̍ àn mu̍-a sà sàǐtòò-ɛ, nɛ̀ ìn gbɛ̀n dě ɛ̍ wɔ̍ɔ̍n wliɛ̍ àn mu̍-ae jě-ɛ, ɛ̍ mu̍ ìn ke ǐn ke à taa̍sìh pɛ̌ɛ wɛ̀. Nɛ̀ ìn gba̍ ɛ̍ u̍h, à nàɛ̀ taa̍sìh bo.”

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Matio 8:20

Wɛ̀ Jusu la̍a̍ dě ɔ̍ we̍, “Kwlǎ nmi̍i̍ blě pɛ̌na̍ wɛ̀ na̍wɛ̍ᵻ blě tlěᵻ. Jɛ Nyi̍ɔ̍-a Jǔ nɔ̀ɔ̍, ɔ̍ se̍ tè la̍ kɔn.”

Pɔ̀n Chɛ̀ Maɛ To-a La 6:3

Ɛ̍ se̍ Mɛle-a jǔ ɔ̀ nu̍-a kɔ̍-nyɔ̍, ɔ̀ kɔn de̍di̍i̍ᵻ nu̍-a Chiin ke, Josɛ ke, Juda ke Samo-ɛ ae? Ɔ̀ kɔn de̍di̍i̍ᵻ nynɔ̌gbaɔᵻ tǐn-a da̍a à we̍-ɛ, ɛ̍ se̍ ɔ̍ mɔ ae?” Sɔ u̍h se̍ ɔ̍ jě-ɛ jbǎ.

Pɔ̀n Chɛ̀ Luu To-a La 16:11

Pò mɔ̀ se̍ gba̍n gbɛ̍n dǒ kmɔ̌-a pàn-dɛ̍ᵻ we̍-ɛ, nɛ̀ ka nyɔ̍-a mu̍ mɔ̀ pàn-dɛ̍ᵻá chɛ̀ naɛ kwa̍ tèè-ɛ nu̍ ɛ?

Pɔ̀n Chɛ̀ Luu To-a La 2:7

Iě ɔ̍ sà ɔ̍ sàǐtòò gbàɔ̀n, ɔ̍ wlǔh-i jɔ̍gbau jǔ, wɛ̀ ɔ̍ pìàɛ̍n ɔ̍ jliɛ̍ i̍, iě ɔ̍ pɛ̌n-ɛ ɔ̍ i̍ dě bliᵻá di̍i̍ di̍-i gblòùn gbà di̍i̍. Dɛ̍nu̍ɛ, u̍h se̍ pɛ̌n la̍ jě dě dihwi̍h gbò di̍i̍.

Pɔ̀n Chɛ̀ Luu To-a La 8:3

ɛ̍ ke Joana ɔ̀ kɔn kɔan Kusa nu̍-a Ɛlo-a kɔn-dɛ̍ᵻ we̍ i̍ gbɛ̀n nyɔ̍-a klaa-ɛ, ɛ̍ ke Susana ke. U̍h ke nynɔ̌gbaɔᵻ dɔu duuh bo ùh gbǎ Jusu ke ɔ̍ kòà we̍ dǒ u̍h-a chɛ̀-a sɔ̍n kɛ̍n.

Pɔ̀n Chɛ̀ Luu To-a La 9:58

Wɛ̀ Jusu la̍a̍ dě ɔ̍ we̍, “Kwlǎ nmi̍i̍ blě pɛ̌na̍ wɛ̀ na̍wɛ̍ᵻ blě tlěᵻ. Jɛ Nyi̍ɔ̍-a Jǔ nɔ̀ɔ̍, ɔ̍ se̍ tè la̍ kɔn.”

Chɔɔn 1:10

Ɔ̀ kɔn nynɛ̌ nu̍-a Wlu̍-ɛ, ɔ̍ nɛ nɔ̌ kmɔ̌, iě kmɔ̌ nui-ɛ dě ɔ̍ ja̍a̍. Jɛ kmɔ̌-a nyɔ̍ se̍ ɔ̍ juo.

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:17

Nyɔsoa-a telě jii dě Mose ja̍a̍, jɛ ɔ̍ blɛ ke tìh-a taǐn kli̍hgbɛ̍ ìh kɔ̍-a dǒ ɔ̍ pùn i̍-ɛ, i̍h jii dě Jusu Klai ja̍a̍ iě à jě i̍h.

Chɔɔn 12:30

Jusu la̍a̍, “Wlu̍ la ɛ̀ wlu-aɛ, mɔ̀-a tìh bo ɛ̍ wlu, ɛ̍ se̍ ǎn tìh.

Chɔɔn 16:15

Dɛ̍ᵻ kli̍hgbɛ̍ ǐn Baa blě-aɛ, mɔ̍ kɔn i̍h. Ɛ̍ kɔn na̍ Sùù-a mu̍ dɛ̍ ǐn blě-a iě-a sà-ɛ dǔ, wɛ̀ ɛ̍ iě ɛ̍ mɔ̀ wlùh sèàɛ̍.

Chɔɔn 17:19

U̍h-a tìh bo ǐn tè-e ǎn chɛ̀ pɔ̌, wɛ̀ ǎn tìh-a taǐn iě u̍h pɔ̌ tè-e ke.

Wloma 11:12

U̍h-a gblɛ̍n sɔ̀ɛ̀n nu̍ ɛ̍ wɛ̀ Nyɔsoa-a pɔ̀ìě-a pàn-ɛ ka nya̍ da̍a kmɔ̌ we̍, iě u̍h-a klà sà-a nyǐ ùh se̍-a Juu nyɔ̍-ɛ pɔ̀ìě dɔu. Jɛ nɛ̀ à ji̍ pɔ̀ìě kmɔ̌-a mu̍-a jě-ɛ jě pò Juu nyɔ̍ ùh Nyɔsoa-a mu̍-a chèɛ̀ tba̍-a kɔn dǒ ɔ̍ we̍-ɛ.

Wloma 15:3

Klai se̍ ɔ̍ chɛ̀-a wlùh i̍ tè-e. Nyɔsoa-a chlǐh-wlu̍ la̍ we̍ chɛ̀ wlu̍ nyɔ̍gbei po̍-a Nyɔsoa pùn i̍-ɛ, i̍h bo ìh wlǎ dǒ Klai dlǔ.

Wloma 5:8

Jɛ Nyɔsoa to ɛ̍-ɛ ka ɔ̍ jbɛɛ-a àɔ̀-ɛ. Ti̍ à nɛ-a dě gblɛ̍n sɔ̀ɛ̀n di̍i̍-ɛ, wɛ̀ Klai mɛ̌ à tìh.

Wloma 8:32

Ɔ̀ se̍-a ɔ̍ chɛ̀-a Jǔ tɛ̌n tè iě ɔ̍ sà-a ɔ̍ kwlǎ dǒ àɔ̀ kli̍hgbɛ̍ we̍-ɛ, dǒ-o bo ɔ̍ se̍ àɔ̀ dɛ̍ᵻ kli̍hgbɛ̍ nyǐ i̍ mu̍ ke ae?

1 Kɔwlɛntiɔn 1:4

Ǎn po̍ Nyɔsoa tlɔ̌ ti̍ kli̍hgbɛ̍ we̍ mɔ̀-a tìh, dǒ ɔ̍ blɛ ɔ̍ nyǐ-a mɔ̀ dě Jusu Klai ja̍a̍-ɛ we̍.

1 Kɔwlɛntiɔn 15:47

Sàǐtòò Adaun nui-ɛ blǔh nɔ̌ bloɔ̍, iě Adaun-a sɔɔ̌n naɛ sɔ dě ja̍i̍wlɔ̀.

2 Kɔwlɛntiɔn 13:14

Ǎn sà nǐ wɔ̍n Joi Jusu Klai-a blɛ nɛ-ɛ ke Nyɔsoa-a jbɛɛ iě mɔ̀ we̍ nɛ. Mɔ̀ kli̍hgbɛ̍ ke Nyɔsoa-a Sùù nɛ̍aɛ we̍.

2 Kɔwlɛntiɔn 6:10

À nɛ wɔɛ gbɛɛ, jɛ à nu̍ mɔna̍ ti̍ kli̍hgbɛ̍ we̍. À wɔ̀ nyɔ̍gbà nyɔ̍, jɛ à pàn-ɛ nyɔ̍ dɔu. À wɔ̀ nyɔ̍ ùh se̍-a dɛ̍-o-dɛ̍ blě-ɛ, jɛ à kɔn dɛ̍ᵻ kli̍hgbɛ̍.

Ɛfɛsɔ 2:7

Ɔ̍ nu̍ ɛ̀ la wɛ̀ ɔ̍ iě ɔ̍ blɛ to dě nyɔ̍ɔ we̍ dǒ ti̍ ɛ̀ se̍a sie la̍ kɔn-ɛ we̍. Ɔ̍ blɛ nɛ-ɛ la ɛ̍ ku̍ wɔ̍n kaa̍ ɛ̍ sìì-o dɛ̍ i̍. Ɛ̍ jii dě ɔ̍ gblɛ̍n-ɛ nmɔ-ɛ di̍i̍. Ɛ̍-ɛ bo ɛ̀ nu̍ ɛ̍ iě ɔ̍ dbo̍ Jusu Klai nɔ̌ à we̍.

Ɛfɛsɔ 3:19

Wɛ̀ mɔ̀ iě ɛ̍ juo ka Klai jbɛɛ-a mɔ̀ɔ̍-ɛ. Nyɔ̍ se̍ ɔ̍ mɔ̀ɔ̍ jbɛɛ we̍ i̍ ju̍o̍e-ɛ bɛ̌ɛ kleǐnklein. Nɛ̀ ɔ̍ jbɛɛ-a mu̍ ɛ̍ nu̍ Nyɔsoa-a nɛ ka̍ iě mɔ̀ɔ̍ i̍ jǐi.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

1 Timote 6:18

Chlì u̍h-a dounᵻ u̍h iě gblɛ̍n-ɛ nmɔ, u̍h-a dɛ̍ᵻ chɛ̀ i̍ nu̍-ɛ iě nya̍ pàn-ɛ, u̍h iě kwa̍ pɔ̀ni.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

Chiin 2:5

Ǎn tìh kma de̍di̍i̍ᵻ, mɔ̀ tba̍ dounᵻ i̍. Da̍a kmɔ̌ la we̍-ɛ, nyɔ̍gbà nyɔ̍ bo Nyɔsoa tba̍ chèɛ̀ ùh iě pàn dě wlùh gbaɛ di̍i̍. Ɔ̍ kmɔ̌ wlu̍ i̍ kɔn-ɛ kɔn wlu̍ ɔ̍ po̍-a tɔ̀ma̍a̍ dǒ nyɔ̍ ùh kma-a ɔ̍ tìh-ɛ we̍-ɛ, u̍h-a mu̍ ɛ̍ fɔ̌ kɔn ke.

Wlɛfeleseɔn 2:9

Ɔ̍ la̍a̍, Ǐn juo ɛ̍-ɛ ka mɔ̀ pa̍-a nyɔ̍gbà iě mɔ̀-a sàɛ̀-a jua̍i̍-ɛ. Jɛ mɔ̀ pàn-ɛ o. Nyɔ̍ ùh se̍-a Juu nyɔ̍ wɛ̀ u̍h la̍ u̍h nu̍-a Juu nyɔ̍-ɛ, wlu̍ sɔ̀nᵻ u̍h-a po̍-a mɔ̀ pùn i̍-ɛ, ǐn ju̍o̍e i̍h we̍ i̍. Jɛ u̍h bo ùh nu̍ Setɔn-a nyɔ̍.

Wlɛfeleseɔn 21:7

Nyɔ̍ ɔ̀ sà-a dɛ̍ sɔ̀n klà-a, nɛ̀ ɔ̍ mu̍ dɛ̍ kɔn wlu̍ ǐn po̍-a tɔ̀ma̍a̍-ɛ nyǐ-ɛ. Ǎn mu̍ ɔ̍ Nyɔsoa nu̍, wɛ̀ ɔ̍ iě ǎn jǔ nu̍.

Wlɛfeleseɔn 3:18

Ɛ̍ tìh-ɛ, ǎn tù mɔ̀ slɛ̌n mɔ̀ iě kòo̍ wlihwlǐh tɛ̀n nɔ̌ ǐn we̍, wɛ̀ mɔ̀ iě pàn. Mɔ̀ tɛ̀n jlii̍ plǔᵻ ke mɔ̀ iě-e pa̍. Wɛ̀ mɔ̀ iě dɛ̍ jǔ wlǎ, tɛ̀n-ɛ je̍e mɔ̀ nu̍. Mɔ̀ tɛ̀n kwɛ̍i̍n mɔ̀ iě jlǐh i̍ po̍, wɛ̀ mɔ̀ iě i̍ jě.