2 Kɔwlɛntiɔn 8:8 - Ku̍o̍ Delee 1999

⁸ Ǐn se̍ ɛ̀ laa̍ sà iě mɔ̀ telě nyǐ mɔ̀ iě nu̍. Jɛ nyɔ̍ duuh-a nyɔ̍ tìh kma-a tɛ̀n mɔ̀ɔ̍ pò mɔ̀-a jbɛɛ-ɛ nu̍ jbɛɛ chɛ̀ɛ̌chɛ̀-ɛ.

2 Kɔwlɛntiɔn 8:8 Iomraidhean Croise

Wloma 12:9

Mɔ̀-a jbɛɛ bɔ̌ kǐh i̍ nɛ-ɛ. Mɔ̀ faɛn dɛ̍ sɔ̀n-ɔ, mɔ̀ iě dɛ̍ chɛ̀ sɔ̍nᵻ sɔɔ̌n i̍ gbɛ̍n-ɛ.

1 Kɔwlɛntiɔn 7:12

Mɔ̀ɔ̍ juh sie-a dǒ de̍-ɛ, ǐn blě dɛ̍ iě bla̍ dě mɔ̀ we̍. Ɛ̍ se̍ dě Joi we̍ sɔ. Ɛ̍ sɔ nɔ̌ ǎn chɛ̀ we̍. Na̍a̍, pò mɔ̀ de̍di̍i̍ jɔ̍gbau blě se̍ wlùh gbaɛ blě nynɔ̌ wɛ̀ ɔ̍ nynɔ̌-a chɛ̀ iě wɔ̌n ɔ̍ iě ɔ̍ kwa̍a̍ sie-ɛ, nɛ̀ ɔ̍ bɔ̌ ɔ̍ kwlǎ sà-a dɛ.

1 Kɔwlɛntiɔn 7:25

Nɛ̀ɛ̍, ɛ̀ tba̍-a dǒ se̍ jla̍ tǐn nyɔ̍ pùn i̍-ɛ, Joi se̍ ǐn telě nyǐ dǒ ɛ̍ dɛ we̍. Jɛ ǎn nyǐ ǎn chɛ̀-a flɔ̍nwlùh dǒ Joi-a ǎn wɔɛ jě-ɛ we̍, ɛ̍ bo ɛ̀ nu̍ ɛ̍ wɛ̀ mɔ̀ tè ǐn wlì.

1 Kɔwlɛntiɔn 7:6

Ǐn se̍ mɔ̀ kɛɛn nɛ̌ mɔ̀ iě ɛ̍ nu̍, jɛ naɛ flɔ̍nwlùh bo.

2 Kɔwlɛntiɔn 6:6

À to ɛ̍ ka à nu̍-a Nyɔsoa-a pòi̍nynuu̍ dǒ à wlùh-a wlaǎwla nɛ-ɛ ke, pɔ̀n chɛ̀-a tɔɔ blě-ɛ ke, wlùh i̍ gbɛ̍n-ɛ ke gblɛ̍n-ɛ nmɔ-ɛ we̍. Nyɔsoa-a Sùù nɛ à we̍, iě à blě jbɛɛ chɛ̀.

2 Kɔwlɛntiɔn 8:10

Sɔ̀n nɛ-ao de̍-ɛ, mɔ̀ɔ̍ bo ùh nu̍ sàǐtòò nyɔ̍ ùh nyǐ dɛ̍. Mɔ̀ nu̍ ɛ̍, dɛ̍nu̍ɛ, mɔ̀-a pɔ̀n ɛ̍ nu̍ ɛ̍ i̍ dɛbo. Dě ǎn flɔ̍nwlùh we̍-ɛ, ɛ̍ mu̍ jii̍ nmɔ dǒ mɔ̀ we̍

2 Kɔwlɛntiɔn 8:24

Mɔ̀ to ɛ̍ ka mɔ̀ jbɛɛ-a u̍h-uɛ, wɛ̀ chɔchi̍h nyɔ̍ kli̍hgbɛ̍ iě-o dɛ̍ i̍ juo dɛ̍ kɔn tìh à po̍-a mɔ̀-a bu̍hᵻ wlù i̍-ɛ.

2 Kɔwlɛntiɔn 9:2

Ǐn juo ka mɔ̀-a wlùh-a nu̍-a jàjà nu̍-ɛ nyɔ̍ we̍ gbǎ tìh-ɛ. Ǐn po̍ bu̍hᵻ wlù i̍ dě Mɛsedonia nyɔ̍ we̍ mɔ̀-a tìh. Na̍a̍, “À ba̍ᵻ Nyɔsoa nyɔ̍ nɛ-a dě Akaia bloa̍ kɛ̍n-ɛ, u̍h jě ti̍ sɔ dě sɔ̀n nɛ-ao de̍-ɛ we̍ u̍h iě nyɔ̍ we̍ gbǎ.” Mɔ̀-a wlùh-a jàjà nu̍-ɛ bo ɛ̀ nu̍ ɛ̍ iě u̍h-a dɔu-a pɔ̀n dɛ̍ nyǐ-ɛ i̍.

2 Kɔwlɛntiɔn 9:7

Jɔ-ɛ, nɛ̀ ɔ̍ nyǐ dɛ̍ ɔ̍ tba̍-ɛa dě ɔ̍ chɛ̀ di̍i̍ ɔ̍ iě-a nyǐ-ɛ. Ɔ̍ wlùh bɔ̌ seɔn gbǎ-a dǒ ɛ̍ nyǐ laa̍ àe̍e̍ ɔ̍ bɔ̌ ɛ̍ nyǐ-ɛ nyɔ̍ gbɛ̍n kai. Dɛ̍nu̍ɛ, Nyɔsoa jbɛɛ nyɔ̍ ɔ̀ kɔn wlùh-a tè-a i̍ wɛ̀ ɔ̀ nyǐ-a nyɔ̍ dɛ̍-ɛ.

Ɛfɛsɔ 4:15

Jɛ pò à ja la̍ tìh-a taǐn sà dě jbɛɛ di̍i̍-ɛ, nɛ̀ à mu̍ ku̍ tà kli̍hgbɛ̍ wɛ̀ à iě Klai wɔ̀ ɔ̀ nu̍-a chɔchi̍h-a dlǔ-ɛ.

Ɛfɛsɔ 6:24

Nɛ̀ nyɔ̍ kli̍hgbɛ̍ ùh blě-a jbɛɛ ɛ̀ se̍-a siee la̍ kɔn dǒ à Joi Jusu Klai we̍-ɛ, Nyɔsoa-a blɛ nɛ dǒ u̍h we̍ o.

Iblu 10:24

Mɔ̀ à fùka-ɛ wlùh we̍ dǒ jbɛɛ ke nu̍-dɛ̍ᵻ chɛ̀ we̍.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.