2 Kɔwlɛntiɔn 8:7 - Ku̍o̍ Delee 1999

⁷ Ka mɔ̀ sìì-a nyɔ̍ duuh dǒ dɛ̍ᵻ kli̍hgbɛ̍ we̍-ɛ, ɛ̀ nu̍-a wlùh gbaɛ blě-ɛ ke, wlu-ɛ juo-ɛ ke, tɔɔ blě-ɛ ke, nyɔ̍ we̍ gbǎ wlùh blě-ɛ ke, àɔ̀ jbɛɛ ke à pɔ̀n mɔ̀ iě nyɔ̍ sìì dǒ dbo̍ chɛ̀ la nu̍-ɛ we̍ ke.

2 Kɔwlɛntiɔn 8:7 Iomraidhean Croise

Matio 25:22

Wɛ̀ jɔ̍gbau jɔ jě-a pɔu̍nᵻá wlǔ sɔɔ̌n-ɛ ji̍. Ɔ̍ la̍a̍, ‘Dlǔtu, ìn wɔ̌an mu̍-u tìh-ɛ, wlǔ sɔɔ̌n bo ìn siee m. Jɛ gbɛ̀n-e, ǐn jě wlǔ sɔɔ̌n diih dǒ i̍h kɛ̍n.’

Wloma 15:14

Ǐn de̍di̍i̍ᵻ, jɛwɛ̀ ǎn pɔluh pɛ̌n i̍ dǒ mɔ̀ we̍ ka mɔ̀ blě-a gblɛ̍n chɛ̀ ke tɔɔ kli̍hgbɛ̍-ɛ, iě mɔ̀ bɛ̌ɛ-a slɛ̌n we̍ tù i̍-ɛ wɛ̀-ɛ.

1 Kɔwlɛntiɔn 1:5

Mɔ̀ ke Jusu Klai-a due nɛ-ɛ pàn-ɛ mɔ̀ wɛ̀ dǒ dɛ̍ᵻ kli̍hgbɛ̍ we̍. Mɔ̀ pàn wɛ̀ dǒ wlu-ɛ juo-ɛ kli̍hgbɛ̍ ke tɔɔ blě-ɛ we̍.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

1 Kɔwlɛntiɔn 12:8

Nyɔ̍ jɔ-ɛ, nɛ̀ Sùù nyǐ ɔ̍ flɔ̍nwlùh dǒ wlu-ɛ we̍, nɛ̀ dɔɔ-ɛ, Sùù due laa̍ nɛ̀ ɛ̍ nyǐ ɔ̍ tɔɔ ke dǒ wlu-ɛ we̍.

1 Kɔwlɛntiɔn 13:2

Pò ǎn jɛ blě Nyɔsoa-a tu̍owli po̍-ɛa gbǐh, wɛ̀ iě tɔɔ kli̍hgbɛ̍ blě, iě slǎnᵻ kli̍hgbɛ̍ juo, wɛ̀ iě wlùh gbaɛ kli̍hgbɛ̍ ɛ̀ sà-a tlu̍hᵻ wlù-ɛ blě-a chɛ̀ sǔh, jɛ pò ǐn se̍ nyɔ̍ɔ jbɛɛ-ɛ, nɛ̀ ǐn se̍ dɛ̍ i̍ blaɛ.

1 Kɔwlɛntiɔn 13:8

Nyɔsoa-a tu̍owli po̍-ɛa mu̍ i̍ sì. Wlu̍ diih po̍-ɛa mu̍ i̍ sì. Tɔɔ blě-ɛa mu̍ i̍ sì. Jɛ jbɛɛ nɔ̀ɔ̍, ɛ̍ se̍ siee la̍ kɔn.

1 Kɔwlɛntiɔn 14:12

Ka mɔ̀-a wlùh-a nu̍-a jàjà mɔ̀ iě-a Sùù-a nyǐ-dɛ̍ᵻ blě-ɛ, nɛ̀ mɔ̀ fɔ̀n dɛ̍ we̍ mɔ̀ iě nyǐ-dɛ̍ᵻ ìh-a mu̍-a chɔchi̍h i̍ kui-ɛ blě.

1 Kɔwlɛntiɔn 4:7

Nyɔ̍ bo ùh nu̍ mɔ̀ nynɛ̌ nyɔ̍ we̍i̍ dǒ mɔ̀ ba̍ᵻ kɛ̍n ɛ? Ɛ̍ se̍ Nyɔsoa ɔ̀ se̍ mɔ̀ dɛ̍ᵻ kli̍hgbɛ̍ nyǐ ae? Nɛ̀ɛ̍, dɛ̍nu̍ mɔ̀-a po̍ ɛ̍ naɛ bu̍hᵻ wlù i̍ ka nyɔ̍ la̍ dɛ̍ᵻ mɔ̀ blě-aɛ, nyɔ̍ se̍ i̍h mɔ̀ nyǐ-ɛ.

2 Kɔwlɛntiɔn 7:7

Ɛ̍ se̍ ɔ̍ ji̍-ɛ nɛ due ɛ̀ se̍ à wlùh fùka, jɛ gbɛ̀ ɔ̍ sà-a kɛ̍n dǒ ka mɔ̀ nu̍-a ɔ̍ gbǐh ku̍u̍ po̍-ɛ we̍-ɛ, ɛ̍ fùka à wlùh ke. Ɔ̍ sèàɛ̍ à wlùh ka mɔ̀-a wlùh gbǎ-a dě de̍i̍, iě mɔ̀-a pɔ̀n-a ǐn jě-ɛ i̍ kaa̍-ɛ, ɛ̍ ke ka mɔ̀ nu̍-a ǎn tìh kma-a ke. Ɛ̍ tìh-ɛ, ǐn gbǎ mɔna̍ kaa̍ ɛ̍ sìì sàǐtòò naɛ.

2 Kɔwlɛntiɔn 8:6

Ɛ̍ tìh-ɛ, à ba̍le Taitɔ ɔ̀ tè-a dbo̍ chɛ̀ la gbɔ̀ dě mɔ̀ nynɛ̌-ɛ, ɔ̍ iě ɛ̍ i̍ wɔ̀.

2 Kɔwlɛntiɔn 9:14

U̍h-a mu̍ mɔ̀-a wlùh blě wɛ̀ u̍h iě dǒ mɔ̀-a tàà ba̍le dǒ blɛ kaɛn Nyɔsoa nyǐ-a mɔ̀-ɛ we̍.

2 Kɔwlɛntiɔn 9:8

Nɛ̀ Nyɔsoa bɛ̌ɛ ɔ̍ iě mɔ̀ pɔ̀ìě kli̍hgbɛ̍ nyǐ. Wɛ̀ mɔ̀ iě ìh kli̍hgbɛ̍ mɔ̀ nɛ-a blě ka̍-ɛ blě ti̍ kli̍hgbɛ̍ we̍ dǒ mɔ̀-a chɛ̀ we̍. Nɛ̀ mɔ̀-a mu̍ dɛ̍ᵻ tlùgbei̍ blě dǒ nu̍-dɛ̍ᵻ chɛ̀ kli̍hgbɛ̍ nu̍-ɛ we̍.

Ɛfɛsɔ 4:29

Mɔ̀ bɔ̌ wɔ̌n-ɛ wlu̍ sɔ̀n bɔ̌ dě mɔ̀ wɔ̍ɔ̍n sɔ-ɛ, jɛ wlu̍ ɛ̀ iě-a u̍h dǒ ta̍i̍ po̍ ɛ̀ blaɛ-a i̍ dǒ ti̍ laa̍ di̍i̍ ɛ̀ iě-a u̍h we̍ gbǎ-a, ɛ̍-ɛ bo mɔ̀ iě bla̍. Wɛ̀ nyɔ̍ ùh-a mu̍-a ɛ̍ dounᵻ we̍ po̍-ɛ, ɛ̍ iě-o u̍h-a dɛ̍ po̍.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Felepai 1:9

Ǎn ba̍le wlu̍ nu̍ mɔ̀-a jbɛɛ iě kɛ̍n i̍ gboǎɛ dě tɔɔ blě-ɛ ke dɛ̍ ɛ̀ slɛ̌-a i̍-ɛ juo-ɛ di̍i̍.

2 Tɛsoloniɔn 1:3

À de̍di̍i̍ᵻ, à kɔn à iě Nyɔsoa tlɔ̌ po̍ ti̍ kli̍hgbɛ̍ we̍ dǒ mɔ̀-a tàà. À blaɛ i̍ à iě ɛ̍ nu̍, dɛ̍nu̍ɛ, mɔ̀-a wlùh gbaɛ-a ku̍ i̍ fùùh fùùh, iě mɔ̀-a nyɔ̍ juh-ɛ, u̍h-a we̍ jbɛɛ-a gbǎ kɛ̍n.

2 Timote 2:1

Ɛ̍ tìh-ɛ, ǎn jǔ, Nyɔsoa-a blɛ ɛ̀ nɛ-a dě Jusu Klai ja̍a̍-ɛ, bɔ̌ ɛ̍ iě ìn kmu i̍.

Iblu 12:28

Ɛ̍ tìh-ɛ, ka à jě-a Nyɔsoa-a kmɔ̌ wlu̍ i̍ kɔn-ɛ ɛ̀ se̍a dǒ wìè-i sà-ɛ mu̍-ɛ, nɛ̀ mɔ̀ à po̍ Nyɔsoa tlɔ̌ à iě ɔ̍ jǔ dbee dǒ ɔ̍ we̍ fòè-ɛ ke ɔ̍ faɔn ple̍-ɛ we̍ ɛ̀ tè-ea ɔ̍ wlùh i̍-ɛ.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.

Wlɛfeleseɔn 3:17

Mɔ̀ la̍ mɔ̀ pàn-ɛ, mɔ̀ blě dɛ̍ᵻ kli̍hgbɛ̍, mɔ̀-ɔ pɔ̀n dɛ̍ i̍. Jɛ mɔ̀ se̍ i̍h juo ka mɔ̀ nɛ-a chlě i̍ iě mɔ̀ nɛ-a wɔɛ-ɛ. Mɔ̀ pa̍ nyɔ̍gbà, iě mɔ̀ dɔ̌ mɔ̀ chɛn gbaǎn.