2 Kɔwlɛntiɔn 8:4 - Ku̍o̍ Delee 1999

⁴ U̍h ba̍le àɔ̀ chɛ̀ɛ̌chɛ̀ u̍h iě-o sɔ̍n po̍ ka̍ jě dǒ u̍h ba̍ᵻ Nyɔsoa nyɔ̍ ùh nɛ-a dě Judia bloa̍ kɛ̍n-ɛ we̍ gbǎ la̍.

2 Kɔwlɛntiɔn 8:4 Iomraidhean Croise

Matio 10:42

Nɛ̀ pò nyɔ̍ nyǐ ùh plìh la nǐ seɔn-a kàu̍n weɛ̍ u̍h-a ǎn kòà nu̍ tìh-ɛ, mɔ̀ tù ɛ̍ jlǐhɛ̍, nɛ̀ ɔ̍ naɛ jě-dɛ̍ se̍ mǎ la̍ kɔn dɛ.”

Matio 12:50

Dɛ̍nu̍ɛ, nyɔ̍ ɔ̀ nu̍-a ǐn Baa nɛ-a dě ja̍i̍wlɔ̀-ɛ ɔ̍ wlùh dɛ̍-ɛ, nɛ̀ ɔ̍-ɔ bo ɔ̀ nu̍ ǐn de̍di̍i̍ jɔ̍gbau ke ǐn de̍di̍i̍ nynɔ̌gbaɔ ke ǐn de̍.”

Matio 25:40

Nɛ̀ Blǔh Baa-a mu̍ ka dǎ dě u̍h we̍, ‘Bɔ̌ ǐn sèàɛ̍ mɔ̀ wlùh, dɛ̍ jɛ mɔ̀ nu̍-a dǒ ǐn de̍di̍i̍ᵻ la u̍h-a bla̍-a jlǐhɛ̍ dlǔ-ɛ we̍-ɛ, nɛ̀ mɔ̀ nu̍ ɛ̍ ǐn pùn wɛ̀.’

Pɔ̀n Chɛ̀ Maɛ To-a La 14:7

Nyɔ̍gbà nyɔ̍ nɔ̀ɔ̍, u̍h ke mɔ̀-a mu̍ da̍a nɛ ma̍u̍. Ti̍-o-ti̍ mɔ̀-a pɔ̀n-a u̍h dɛ̍ chɛ̀ pùn nu̍-ɛ i̍-ɛ, mɔ̀-a mu̍ ɛ̍ nu̍. Jɛ mɔ̍ɔ-ɛ, mɔ̀ ke ǐn ke à se̍ da̍a nɛ mu̍ ma̍u̍.

Nu̍-dɛ̍ᵻ 11:29

Wɛ̀ Jusu-a kòà kli̍hgbɛ̍ po̍ wlu̍ gbɔ̀ dɛ̍ jɔ bɛ̌ɛ-a sà-aɛ, ɔ̍ iě ɛ̍ sà. Wɛ̀ i̍h iě de̍di̍i̍ᵻ nɛ-a dě Judia fɔɔ-ɛ we̍ mu̍.

Nu̍-dɛ̍ᵻ 16:15

Wɛ̀ ɔ̍ ke ɔ̍ blǐ gbò nyɔ̍ kli̍hgbɛ̍ po̍ nǐ dlǔ, iě ɔ̍ dǎ àɔ̀, ɔ̍ la̍a̍, “Pò mɔ̀ juo ɛ̍ dǒ mɔ̀ pɔluh kɛ̍n ǐn gbaɛ Joi wlùh wɛ̀-ɛ, nɛ̀ mɔ̀ à mu̍ dě ǐn blǐ gbò mɔ̀ iě-e i̍ tè.” Iě ɔ̍ nɛ̌ à kɛ̍ɛ̍n à iě-e mu̍.

Nu̍-dɛ̍ᵻ 24:17

“Ǐn sɔ-a Juluslɛn-ɛ, ɛ̍ nu̍ sɔ̀nᵻ dɔu sasǎ wɛ̀ ǐn dǔ-e de̍ mu̍-ɛ. Wɛ̀ ǐn gba̍ ǎn nyɔ̍ɔ wlǐ i̍h iě u̍h sɔ̍n-ɔ sà, wɛ̀ iě slaǎ sà dǒ Nyɔsoa we̍.

Wloma 15:31

Wɛ̀ se̍ Nyɔsoa juo nyɔ̍ nɛ-a dě Judia fɔɔ-ɛ, u̍h je̍e ǐn dɛ̍ nui. Wɛ̀ dɛ̍ kɔn tìh ǎn mu̍-a we̍ dě Juluslɛn-ɛ, Nyɔsoa nyɔ̍ nɛ-a deě-ɛ u̍h iě ɛ̍ i̍ gbɛ̍n.

1 Kɔwlɛntiɔn 16:1

Nɛ̀ɛ̍, ìh nu̍-a wlǐ mɔ̀ kɔn mɔ̀ iě-a sà dǒ Nyɔsoa nyɔ̍ nɛ-a dě Judia bloa̍ kɛ̍n-ɛ we̍-ɛ, dɛ̍ ǐn sèàɛ̍ chɔchi̍h nyɔ̍ nɛ-a dě Kelesea bloa̍ kɛ̍n-ɛ wlùh u̍h iě-a nu̍-ɛ, ɛ̍-ɛ bo mɔ̀ iě nu̍ ke.

1 Kɔwlɛntiɔn 16:15

Ǐn de̍di̍i̍ᵻ, mɔ̀-a chɛ̀ juo ɛ̍-ɛ Slɛfanɔ ke ɔ̍ blǐ gbò nyɔ̍ bo ùh gbǎ Nyɔsoa dɛ-ɛ sàǐtòò nɔ̌ Akaia bloa̍ kɛ̍n, iě u̍h fòè u̍h-a chɛ̀ dǒ Nyɔsoa nyɔ̍ jǔ dbee-ɛ we̍. Ǎn ba̍le mɔ̀-ɛ,

2 Kɔwlɛntiɔn 9:1

Dɛ̍ kɔn tìh iě-a mɔ̀ we̍ chlǐh dǒ nyǐ-dɛ̍ᵻ à mu̍-a dbo̍ dě Nyɔsoa nyɔ̍ ùh nɛ-a dě Judia bloa̍ kɛ̍n-ɛ we̍-ɛ, ɛ̍ se̍ nɛ.

Kelesea 2:10

Dɛ̍ due u̍h sèàɛ̍-a à wlùh à iě-a nu̍-ɛ, ɛ̍ nu̍ à iě nyɔ̍gbà nyɔ̍-a tìh jlǐhɛ̍ tù. Ɛ̍ bo ɛ̀ nu̍ ka ǎn wlùh-a jàjà iě nu̍.

Kelesea 6:10

Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

1 Timote 5:10

Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.