2 Kɔwlɛntiɔn 8:2 - Ku̍o̍ Delee 1999

² Tìh jě-ɛ klaa ji̍ u̍h we̍, jɛ u̍h-a nmɔ-ɛ kaa̍ ti̍ kli̍hgbɛ̍ we̍. U̍h nu̍ nyɔ̍gbà pa̍ nyɔ̍-a pɔ̀ɔ̍pìe̍ naɛ, jɛ u̍h blě wlùh wlǎ kaa̍ dǒ dɛ̍ nyǐ-ɛ we̍.

2 Kɔwlɛntiɔn 8:2 Iomraidhean Croise

Matio 20:15

Àe̍e̍ dɛ̍ ǎn pɔ̀n-a iě-a nu̍ dǒ ǎn wlǐ we̍-ɛ, ǐn se̍ i̍ blaɛ iě ɛ̍ nu̍ dɛbo ae? Àe̍e̍ dɛ̍ ǎn nmɔ-a wlùh-ɛ, ɛ̍ bo ɛ̀ po̍ mɔ̀ wlɛ̀n di̍i̍ ae?’ ”

Wloma 12:8

Pò ɛ̍ tù nyɔ̍-a wlùh fùka-aɛ, nɛ̀ ɔ̍ nu̍ ɛ̍. Pò ɛ̍ tù nyɔ̍ dɛ̍ nyǐ-ɛ, nɛ̀ ɔ̍ wlǎ-e wlɔ̀ i̍ ɔ̍ iě ɛ̍ nu̍. Pò ɛ̍ tù nyɔ̍ kwa̍ blě-ɛɛ, nɛ̀ ɔ̍ po̍-e gbǐh ɔ̍ iě ɛ̍ nu̍. Iě pò ɛ̍ tù gblɛ̍n-ɛ nmɔ-ɛɛ, nɛ̀ ɔ̍ nui ɛ̍ mɔna̍.

Wloma 2:4

Mɔ̀-a chɛ̀ la lee̍, ka Nyɔsoa nmɔ-a gblɛ̍n kaa̍ wɛ̀ ɔ̍ gbɛ̍n-a wlùh i̍ iě ɔ̍ po̍-a mɔ̀ blɛ we̍ i̍-ɛ, mɔ̀ mǎle-e ae? Mɔ̀ juo ɛ̍-ɛ te̍kle̍e̍, Nyɔsoa-a pɔ̀n mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, ɛ̍ kɔn ɔ̍ nmɔ gblɛ̍n-ɛ dǒ mɔ̀ we̍.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 2:9

Ǐn chlǐh chlǐh-dɛ̍ laa̍ iě mɔ̀ɔ̍ tɛ̀n pò mɔ̀ ja ǎn wlu̍ nu̍ mu̍ dǒ dɛ̍ᵻ kli̍hgbɛ̍ we̍-ɛ.

2 Kɔwlɛntiɔn 6:10

À nɛ wɔɛ gbɛɛ, jɛ à nu̍ mɔna̍ ti̍ kli̍hgbɛ̍ we̍. À wɔ̀ nyɔ̍gbà nyɔ̍, jɛ à pàn-ɛ nyɔ̍ dɔu. À wɔ̀ nyɔ̍ ùh se̍-a dɛ̍-o-dɛ̍ blě-ɛ, jɛ à kɔn dɛ̍ᵻ kli̍hgbɛ̍.

2 Kɔwlɛntiɔn 9:11

Nyɔsoa-a mu̍ mɔ̀ pàn-ɛ kaa̍, wɛ̀ mɔ̀ iě gblɛ̍n-ɛ nmɔ ti̍ kli̍hgbɛ̍ we̍. Iě nyɔ̍ dɔu iě ɔ̍ tlɔ̌ po̍ dǒ mɔ̀-a nyǐ-dɛ̍ᵻ à mu̍-a u̍h nyǐ-ɛ we̍.

2 Kɔwlɛntiɔn 9:13

Dbo̍ la ɛ̍ mu̍ ɛ̍ to ka mɔ̀ blě-a Nyɔsoa gblɛ̍n-ɛ. Mɔ̀-a pɔ̀n chɛ̀ ɛ̀ kɔ̍-a dǒ Klai pùn i̍-ɛ dɛ̍ɛ̍ jě-ɛ ke mɔ̀-a gblɛ̍n-ɛ nmɔ-ɛ dǒ u̍h ke nyɔ̍ kli̍hgbɛ̍ duuh we̍-ɛ, ɛ̍ mu̍ ɛ̍ nu̍ nyɔ̍ dɔu iě Nyɔsoa-a nynɛ̌ i̍ bɛ̌-ɛ.

1 Tɛsoloniɔn 1:6

Ɛ̍ kɔn mɔ̀-a sà-e à ke Joi-a wɔ̀ɔ̀ i̍. Mɔ̀ sàɛ̀ jua̍i̍ kaa̍ gbɛɛ, jɛ mɔ̀ gbɛ̍n tu̍owli la i̍ dǒ mɔna̍ ɛ̀ Nyɔsoa-a Sùù-a nyǐ-a nyɔ̍-ɛ we̍.

1 Tɛsoloniɔn 2:14

Ǐn de̍di̍i̍ᵻ, Nyɔsoa-a chɔchi̍h nyɔ̍ ùh nɛ-a dě Jusu Klai ja̍a̍ dě Judia fɔɔ-ɛ, mɔ̀-a sà-e u̍h-a wɔ̀ɔ̀ i̍. Ɛ̀ kɔn ba̍ mɔ̀-a chɛ̀-a blǐ nyɔ̍ nu̍-a mɔ̀ jua̍i̍ sàɛ̀-ɛ, ɛ̍ kɔn ba̍ bo u̍h nu̍ jua̍i̍ sàɛ̀ ke dě Juu nyɔ̍ kwa̍a̍.

Chiin 2:5

Ǎn tìh kma de̍di̍i̍ᵻ, mɔ̀ tba̍ dounᵻ i̍. Da̍a kmɔ̌ la we̍-ɛ, nyɔ̍gbà nyɔ̍ bo Nyɔsoa tba̍ chèɛ̀ ùh iě pàn dě wlùh gbaɛ di̍i̍. Ɔ̍ kmɔ̌ wlu̍ i̍ kɔn-ɛ kɔn wlu̍ ɔ̍ po̍-a tɔ̀ma̍a̍ dǒ nyɔ̍ ùh kma-a ɔ̍ tìh-ɛ we̍-ɛ, u̍h-a mu̍ ɛ̍ fɔ̌ kɔn ke.

Wlɛfeleseɔn 2:9

Ɔ̍ la̍a̍, Ǐn juo ɛ̍-ɛ ka mɔ̀ pa̍-a nyɔ̍gbà iě mɔ̀-a sàɛ̀-a jua̍i̍-ɛ. Jɛ mɔ̀ pàn-ɛ o. Nyɔ̍ ùh se̍-a Juu nyɔ̍ wɛ̀ u̍h la̍ u̍h nu̍-a Juu nyɔ̍-ɛ, wlu̍ sɔ̀nᵻ u̍h-a po̍-a mɔ̀ pùn i̍-ɛ, ǐn ju̍o̍e i̍h we̍ i̍. Jɛ u̍h bo ùh nu̍ Setɔn-a nyɔ̍.