2 Kɔwlɛntiɔn 8:10 - Ku̍o̍ Delee 1999

¹⁰ Sɔ̀n nɛ-ao de̍-ɛ, mɔ̀ɔ̍ bo ùh nu̍ sàǐtòò nyɔ̍ ùh nyǐ dɛ̍. Mɔ̀ nu̍ ɛ̍, dɛ̍nu̍ɛ, mɔ̀-a pɔ̀n ɛ̍ nu̍ ɛ̍ i̍ dɛbo. Dě ǎn flɔ̍nwlùh we̍-ɛ, ɛ̍ mu̍ jii̍ nmɔ dǒ mɔ̀ we̍

2 Kɔwlɛntiɔn 8:10 Iomraidhean Croise

Matio 10:42

Nɛ̀ pò nyɔ̍ nyǐ ùh plìh la nǐ seɔn-a kàu̍n weɛ̍ u̍h-a ǎn kòà nu̍ tìh-ɛ, mɔ̀ tù ɛ̍ jlǐhɛ̍, nɛ̀ ɔ̍ naɛ jě-dɛ̍ se̍ mǎ la̍ kɔn dɛ.”

Chɔɔn 11:50

Ka ɛ̍ nmɔ-a jii̍ dǒ mɔ̀ we̍ nyɔ̍ due iě-a mɛ̌ dǒ blǔh nyɔ̍ we̍ nɛ̀ blǔh gbàǐ se̍-a gbɔ̀lɔ mu̍-ɛ, mɔ̀ se̍ i̍h juo ae?”

Chɔɔn 16:7

Tìh-a taǐn ǎn sèàɛ̍ mɔ̀ wlùh, ɛ̍ nmɔ jii̍ dǒ mɔ̀ we̍ iě ǎn mu̍. Dɛ̍nu̍ɛ, pò ǐn se̍ mu̍-ɛ, nɛ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ ɛ̍ se̍ mɔ̀ we̍ ji̍ mu̍. Jɛ pò ǐn mu̍-ɛ, nɛ̀ ǎn mu̍ ɛ̍ nɔ̌ mɔ̀ we̍ dbo̍.

Chɔɔn 18:14

Kaifa laa̍ bo ɔ̀ sà ɛ̍-ɛ dě Juu nyɔ̍-a nyɔ̍ klaaᵻ we̍ ka ɛ̍ nmɔ-a jii̍ nyɔ̍ due iě-a mɛ̌ dǒ blǔh nyɔ̍-a tàà-ɛ.

1 Kɔwlɛntiɔn 10:23

“Dɛ̍ᵻ kli̍hgbɛ̍ se̍ kɛɛkɛ̍n nɛ,” kǎ à dǎ. Jɛ ɛ̍ se̍ dɛ̍ᵻ kli̍hgbɛ̍ ìh se̍ jii̍ nmɔ. “Dɛ̍ᵻ kli̍hgbɛ̍ se̍ kɛɛkɛ̍n nɛ,” jɛ dɛ̍ᵻ kli̍hgbɛ̍-ɛ po̍-o dɛ̍.

1 Kɔwlɛntiɔn 16:2

Ka wlè-weɛ̍-a mu̍-a ji̍-ɛ, ka jɔ-a mu̍-a wlǐ jě-ɛ, nɛ̀ kǎ ɔ̍ iě-o dɛ̍ sà-a nu̍ ɔ̍ iě i̍ tè, wɛ̀ pò ǐn ji̍-ɛ, mɔ̀-ɔ jěe wlǐ sà.

1 Kɔwlɛntiɔn 6:12

Nyɔ̍-a mu̍ ka dǎ, “Dɛ̍ᵻ kli̍hgbɛ̍ se̍ kɛɛkɛ̍n nɛ dǒ ǐn we̍.” I̍i̍n, ka ɛ̍ nɛ, jɛ ɛ̍ se̍ dɛ̍ᵻ kli̍hgbɛ̍ ìh se̍-o ìn dɛ̍ po̍ mu̍. “Dɛ̍ᵻ kli̍hgbɛ̍ se̍ kɛɛkɛ̍n nɛ dǒ ǐn we̍.” Jɛ ǐn se̍ dɛ̍-o-dɛ̍-a kèi̍ nu̍ tìh i̍ wɔ̌ɛn mu̍.

1 Kɔwlɛntiɔn 7:25

Nɛ̀ɛ̍, ɛ̀ tba̍-a dǒ se̍ jla̍ tǐn nyɔ̍ pùn i̍-ɛ, Joi se̍ ǐn telě nyǐ dǒ ɛ̍ dɛ we̍. Jɛ ǎn nyǐ ǎn chɛ̀-a flɔ̍nwlùh dǒ Joi-a ǎn wɔɛ jě-ɛ we̍, ɛ̍ bo ɛ̀ nu̍ ɛ̍ wɛ̀ mɔ̀ tè ǐn wlì.

1 Kɔwlɛntiɔn 7:40

Mɔ̍ɔ, ɛ̍ tù ǎn tìh-ɛ, kǎ ɔ̍ iě sie, nɛ̀ ɔ̍ mu̍ mɔna̍-a gbǎ kaa̍. Nyɔ̍-se̍-juo ǐn blě Nyɔsoa-a Sùù.

2 Kɔwlɛntiɔn 12:1

Ǐn kɔn iě wɔ̍i̍n po̍. Ɛ̍ se̍-o dɛ̍ po̍ mu̍ gbɛɛ, jɛ ǎn mu̍ se̍ mɔ̌ ja̍ᵻ ke nyɔ̍ i̍ toe dɛ̍ᵻ Joi toe-a m-ɛ sà.

2 Kɔwlɛntiɔn 8:6

Ɛ̍ tìh-ɛ, à ba̍le Taitɔ ɔ̀ tè-a dbo̍ chɛ̀ la gbɔ̀ dě mɔ̀ nynɛ̌-ɛ, ɔ̍ iě ɛ̍ i̍ wɔ̀.

2 Kɔwlɛntiɔn 8:8

Ǐn se̍ ɛ̀ laa̍ sà iě mɔ̀ telě nyǐ mɔ̀ iě nu̍. Jɛ nyɔ̍ duuh-a nyɔ̍ tìh kma-a tɛ̀n mɔ̀ɔ̍ pò mɔ̀-a jbɛɛ-ɛ nu̍ jbɛɛ chɛ̀ɛ̌chɛ̀-ɛ.

2 Kɔwlɛntiɔn 9:2

Ǐn juo ka mɔ̀-a wlùh-a nu̍-a jàjà nu̍-ɛ nyɔ̍ we̍ gbǎ tìh-ɛ. Ǐn po̍ bu̍hᵻ wlù i̍ dě Mɛsedonia nyɔ̍ we̍ mɔ̀-a tìh. Na̍a̍, “À ba̍ᵻ Nyɔsoa nyɔ̍ nɛ-a dě Akaia bloa̍ kɛ̍n-ɛ, u̍h jě ti̍ sɔ dě sɔ̀n nɛ-ao de̍-ɛ we̍ u̍h iě nyɔ̍ we̍ gbǎ.” Mɔ̀-a wlùh-a jàjà nu̍-ɛ bo ɛ̀ nu̍ ɛ̍ iě u̍h-a dɔu-a pɔ̀n dɛ̍ nyǐ-ɛ i̍.

Felepai 4:17

Ɛ̍ se̍ nyǐ-dɛ̍ᵻ ǐn se̍ i̍ pɔ̀n sǔh, jɛ ǎn pɔ̀n dɛ̍ mɔ̀ nu̍-aɛ, wɛ̀ mɔ̀ iě ɛ̍ dɛ̍ kɛ̍n jě.

Iblu 13:16

Mɔ̀ kɔn mɔ̀ iě dɛ̍ᵻ chɛ̀ nu̍. Dɛ̍ᵻ mɔ̀ blě-aɛ, mɔ̀ nmɔ-ɛ i̍h wlùh, dɛ̍nu̍ɛ, dɛ̍ᵻ kaɛn laa̍ bo ìh wɔ̀ slaǎ sà-a ìh-a tè-ea Nyɔsoa-a wlùh i̍-ɛ.