2 Kɔwlɛntiɔn 8:1 - Ku̍o̍ Delee 1999

¹ À de̍di̍i̍ᵻ, à pɔ̀n mɔ̀ wlùh sèàɛ̍ i̍ dǒ dɛ̍ Nyɔsoa-a blɛ nɛ-ɛ nu̍-a dǒ chɔchi̍h nyɔ̍ nɛ-a Mɛsedonia bloa̍ kɛ̍n-ɛ we̍.

2 Kɔwlɛntiɔn 8:1 Iomraidhean Croise

Matio 25:22

Wɛ̀ jɔ̍gbau jɔ jě-a pɔu̍nᵻá wlǔ sɔɔ̌n-ɛ ji̍. Ɔ̍ la̍a̍, ‘Dlǔtu, ìn wɔ̌an mu̍-u tìh-ɛ, wlǔ sɔɔ̌n bo ìn siee m. Jɛ gbɛ̀n-e, ǐn jě wlǔ sɔɔ̌n diih dǒ i̍h kɛ̍n.’

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Nu̍-dɛ̍ᵻ 16:9

Dǒ wlù weɛ̍ laa̍ di̍i̍ bo Pɔɔ ja-ɛ se̍ mɔ̌ ja̍. Nɛ̀ Mɛsedonia jǔ due nyna-ɛ ɔ̍ wɔ̍n iě ɔ̍ ba̍le ɔ̍. Ɔ̍ la̍a̍, “Ji̍ nɔ̌ àɔ̀ we̍ Mɛsedonia fɔɔ ìè àɔ̀ we̍ gbǎ.”

Nu̍-dɛ̍ᵻ 24:17

“Ǐn sɔ-a Juluslɛn-ɛ, ɛ̍ nu̍ sɔ̀nᵻ dɔu sasǎ wɛ̀ ǐn dǔ-e de̍ mu̍-ɛ. Wɛ̀ ǐn gba̍ ǎn nyɔ̍ɔ wlǐ i̍h iě u̍h sɔ̍n-ɔ sà, wɛ̀ iě slaǎ sà dǒ Nyɔsoa we̍.

Wloma 15:26

Dɛ̍nu̍ɛ, Nyɔsoa nyɔ̍ ùh nɛ-a dě Mɛsedonia ke Akaia fɔɔ-ɛ, ɛ̍ tè-e u̍h-a wlùh i̍ u̍h iě nyɔ̍gbà nyɔ̍ nɛ-a dě Nyɔsoa nyɔ̍ nynɛ̌ dě Juluslɛn-ɛ, u̍h iě u̍h nyǐ-dɛ̍ we̍ dbo̍.

1 Kɔwlɛntiɔn 15:10

Jɛ Nyɔsoa-a blɛ bo ɛ̀ nu̍ ɛ̍ wɛ̀ ǐn nɛ ka ǐn nɛ-a ka-ɛ. Sɔ ɔ̍ blɛ ɔ̍ nɛ-a dǒ ǐn we̍-ɛ, ɛ̍ se̍ bu̍ɛ̍i̍ nu̍. Iěe, ǐn nu̍ dbo̍ kaa̍ ɛ̍ sìì gba̍tòà kli̍hgbɛ̍. Ɛ̍ se̍ ǎn chɛ̀ ɔ̀ se̍ dbo̍ nu̍, jɛ Nyɔsoa-a blɛ ɔ̍ nɛ-a dǒ ǐn we̍-ɛ bo ɛ̀ nu̍ ɛ̍.

2 Kɔwlɛntiɔn 11:9

Ti̍ ǐn nɛ-a dě mɔ̀ we̍ ǎn pɔ̀n-a wlǐ-ɛ, ǐn se̍ mɔ̀ wɔ̍ɔ̍n i̍ bɛ̌ɛ ǎn we̍ gbǎ tìh. À de̍di̍i̍ᵻ ùh sɔ-a nɔ̌ Mɛsedonia bloa̍ kɛ̍n-ɛ, u̍h ja ǐn dɛ̍ᵻ kli̍hgbɛ̍ ǐn nɛ-a blě ka̍-ɛ. Ka à nu̍-a sàǐtòò-ɛ, kǎ à mu̍ nu̍ dě nya̍. Ǐn se̍ mɔ̀ dɛ̍ i̍ pɔ̀n-ɛ mu̍.

2 Kɔwlɛntiɔn 9:12

Dbo̍ la mɔ̀ nu̍-aɛ, ɛ̍ se̍ Nyɔsoa nyɔ̍ nɛ due we̍ gbǎ mu̍ dǒ dɛ̍ u̍h nɛ-a blě ka̍-ɛ we̍, jɛ ɛ̍ mu̍ ɛ̍ nu̍ ke iě nyɔ̍ dɔu iě Nyɔsoa tlɔ̌ po̍ wlu̍-u ba̍le.

2 Kɔwlɛntiɔn 9:2

Ǐn juo ka mɔ̀-a wlùh-a nu̍-a jàjà nu̍-ɛ nyɔ̍ we̍ gbǎ tìh-ɛ. Ǐn po̍ bu̍hᵻ wlù i̍ dě Mɛsedonia nyɔ̍ we̍ mɔ̀-a tìh. Na̍a̍, “À ba̍ᵻ Nyɔsoa nyɔ̍ nɛ-a dě Akaia bloa̍ kɛ̍n-ɛ, u̍h jě ti̍ sɔ dě sɔ̀n nɛ-ao de̍-ɛ we̍ u̍h iě nyɔ̍ we̍ gbǎ.” Mɔ̀-a wlùh-a jàjà nu̍-ɛ bo ɛ̀ nu̍ ɛ̍ iě u̍h-a dɔu-a pɔ̀n dɛ̍ nyǐ-ɛ i̍.

2 Kɔwlɛntiɔn 9:4

Pò Mɛsedonia nyɔ̍ ke ǐn ke à ji̍ wɛ̀ à iě mɔ̀ kɛ̍n jɛɛ wɛ̀ mɔ̀ɔ̍ se̍ ti̍ jě-ɛ, nɛ̀ tɛ̀n-a mu̍ à nu̍, dɛ̍nu̍ɛ, à tè mɔ̀ wlì kaa̍. Tɛ̀n-a mu̍ mɔ̀ nu̍ ke kaa̍ ɛ̍ iě à sìì.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Kalase 1:29

Ɛ̍ kɔn ǐn nu̍ dbo̍, iě ǐn po̍ gbɔ̍igbɔ̍ dǒ ǎn kmu-gbǐh ìh Klai po̍-a dě ǐn ku̍u̍-ɛ we̍.

1 Tɛsoloniɔn 4:10

Wɛ̀ kǎ ɛ̍ nɛ ke, mɔ̀ jbɛɛ de̍di̍i̍ᵻ kli̍hgbɛ̍ nɛ-a dě Mɛsedonia-a wɛ̀. Ɛ̍ tìh-ɛ, à de̍di̍i̍ᵻ, à ba̍le mɔ̀-ɛ, mɔ̀ iě ɛ̍ dluwe̍ i̍ gba̍ ma̍u̍.