2 Kɔwlɛntiɔn 7:7 - Ku̍o̍ Delee 1999

⁷ Ɛ̍ se̍ ɔ̍ ji̍-ɛ nɛ due ɛ̀ se̍ à wlùh fùka, jɛ gbɛ̀ ɔ̍ sà-a kɛ̍n dǒ ka mɔ̀ nu̍-a ɔ̍ gbǐh ku̍u̍ po̍-ɛ we̍-ɛ, ɛ̍ fùka à wlùh ke. Ɔ̍ sèàɛ̍ à wlùh ka mɔ̀-a wlùh gbǎ-a dě de̍i̍, iě mɔ̀-a pɔ̀n-a ǐn jě-ɛ i̍ kaa̍-ɛ, ɛ̍ ke ka mɔ̀ nu̍-a ǎn tìh kma-a ke. Ɛ̍ tìh-ɛ, ǐn gbǎ mɔna̍ kaa̍ ɛ̍ sìì sàǐtòò naɛ.

2 Kɔwlɛntiɔn 7:7 Iomraidhean Croise

Matio 26:75

Iě wlu̍ Jusu bla̍-ɛ, wɛ̀ ɛ̍ dǔ dǒ Pitɛ wlì i̍ sǐ-ɛ. Ɔ̍ la̍a̍, “Àn mu̍ ǎn tìh-i tòlo ìè gbɔ̍ᵻ ta̍a̍n nu̍ sasǎ wɛ̀ suuh iě slò-ɛ dǔ.” Pitɛ sǐ-a sɔ̀n-ɛ, iě ɔ̍ fìn dɛ̍blɔ dɛ.

Matio 5:4

“Nyɔ̍ ùh pa̍-a sùàɛ̀n Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ gbòɛ̀ i̍ blaɛ-ɛ.

Pɔ̀n Chɛ̀ Luu To-a La 22:44

Wɛ̀ ɔ̍ ba̍le dɛ̍blɔ, dɛ̍nu̍ɛ, nɛ̀ ɛ̍ chlɛ̌n-ɛ ɔ̍ wlùh. Nɛ̀ ka nymɔ̍-a tǒ dǒ bloɔ̍-ɛ, kǎ sù ɛ̀ wlǔh-a ɔ̍-ɛ, ɛ̍ nu̍ tǒ-ɛ.]

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Wloma 1:12

Dɛ̍ ǎn dǎ-aɛ, ɛ̍ nu̍ pò ǐn ji̍ dě mɔ̀ we̍-ɛ, wɛ̀ à iě wlùh we̍ fùka-ɛ dě à wlùh gbaɛ blě-ɛ di̍i̍.

1 Kɔwlɛntiɔn 5:2

wɛ̀ mɔ̀-a po̍ ɛ̍ bu̍hᵻ wlù i̍. Ìh la mɔ̀ nɛ i̍h-a sùàɛ̀n pa̍ ka̍ de o. Jɔ̍gbau ɔ̀ nu̍-a ɛ̀ kaɛn la-ɛ, mɔ̀ sà ɔ̍ dě mɔ̀-a chɛ̀ nynɛ̌.

2 Kɔwlɛntiɔn 1:14

ka mɔ̀-a tè-a la̍ à we̍ i̍ ju̍o̍e-ɛ gbɔ̀-ɛ. Weɛ̍ Joi Jusu-a mu̍-a ja-ɛ, mɔ̀ iě à bu̍hᵻ wlù i̍ po̍-ɛ bɛ̌ɛ ka à mu̍-a mɔ̀-a bu̍hᵻ wlù i̍ po̍-ɛ nu̍-ɛ.

2 Kɔwlɛntiɔn 1:4

Ɔ̍ gbǎ àɔ̀ we̍ dě à tìh jě-ɛ kli̍hgbɛ̍ di̍i̍, wɛ̀ ɛ̍ iě ɛ̍ nu̍ à iě nyɔ̍ ùh-a jě-a tìh kaɛn kaɛn-ɛ we̍ gbǎ-a bɛ̌ɛ dǒ ka ɔ̍ nu̍-a à we̍ gbǎ-aɛ we̍.

2 Kɔwlɛntiɔn 2:9

Ǐn chlǐh chlǐh-dɛ̍ laa̍ iě mɔ̀ɔ̍ tɛ̀n pò mɔ̀ ja ǎn wlu̍ nu̍ mu̍ dǒ dɛ̍ᵻ kli̍hgbɛ̍ we̍-ɛ.

2 Kɔwlɛntiɔn 5:2

Kaka la̍, dě à di̍i̍-a si̍n-i. Dɛ̍nu̍ɛ, à pɔ̀n à iě-e à gbò ɛ̀ nɛ-a dě ja̍i̍wlɔ̀-ɛ di̍i̍ pa̍ ka nyɔ̍-a pa̍ jlii̍-ɛ.

2 Kɔwlɛntiɔn 7:6

Jɛ Nyɔsoa ɔ̀ fùka-a nyɔ̍ ùh kɔn wlùh gbǎ-a seɔn-ɛ, ɔ̍ bo ɔ̀ fùka à wlùh dǒ Taitɔ-a ji̍-ɛ we̍.

2 Kɔwlɛntiɔn 7:8

Jɛ pò chlǐh-dɛ̍ ǐn chlǐh-a mɔ̀ we̍-ɛ, ɛ̍ po̍ mɔ̀-a wlùh seɔn-ɛ, nɛ̀ ɛ̍ se̍ ǎn wlùh dě de̍i̍ po̍ ka ǐn chlǐh-a ɛ̍-ɛ. Ɛ̍ kɔn ɛ̍ iě ǎn wlùh dě de̍i̍ po̍ de ti̍ ǐn wɔ̌n-a i̍h ka ɛ̍ po̍-a mɔ̀-a wlùh seɔn dǒ ti̍ di̍i̍-ɛ.

2 Kɔwlɛntiɔn 8:16

Jɛ à po̍ Nyɔsoa tlɔ̌, ɔ̀ nu̍-a ɛ̍ iě Taitɔ kma-a mɔ̀-a tìh ka à nu̍-a mɔ̀-a tìh kma-aɛ.

Felepai 1:20

Dɛ̍ ǐn gbàɛ̀-a iě ǐn tè-a wlì-ɛ, ɛ̍ nu̍ ǐn se̍ ǎn chɛ̀ tɛ̀n nui mu̍ kleǐnklein. Ǎn mu̍ wlu gbài̍gbài̍ kaka, wɛ̀ pò dě nya̍-ɛ, ǐn nɛ kmɔ̌ àe̍e̍ pò ǐn mɛ̌-ɛ, wɛ̀ ǎn ku̍ kli̍hgbɛ̍ iě Klai ja̍ tè.

Kalase 2:5

Kǎ ɛ̍ nɛ gbɛɛ, ǎn nyi̍ɔ̍tu se̍ dě mɔ̀ we̍ nɛ, jɛ ǎn wlùh nɛ dě mɔ̀ we̍. Nɛ̀ dɛ̍ ɛ̀ nmɔ-ɛa dě ǐn di̍i̍ wɔ̍n ǎn jě-aɛ, ɛ̍ nu̍ mɔ̀-a nu̍-dɛ̍ᵻá ti̍ɛ̍ɛn wɔ̍ɔ̍n, iě mɔ̀-a wlùh gbaɛ ku̍ i̍ dě Klai ja̍a̍.

1 Tɛsoloniɔn 3:6

Jɛ Timote sɔ-a dě mɔ̀ we̍ wɛ̀ ɔ̍ ji̍-a nɔ̌ à we̍-ɛ, ɔ̍ ja à pɔ̀n chɛ̀ dǒ mɔ̀-a wlùh gbaɛ ke jbɛɛ blě-ɛ we̍. Ɔ̍ sèàɛ̍ à wlùh ka pò à tìh sǐ dǒ mɔ̀ wlì i̍-ɛ, wɛ̀ mɔ̀-a nu̍-a mɔna̍ ti̍ kli̍hgbɛ̍ we̍-ɛ. Ɔ̍ la̍ ka mɔ̀-a tɔ̌n-a nu̍-a à nu̍-ɛ à iě-a mɔ̀ jě-ɛ, kǎ à tɔ̌n-a nu̍ mɔ̀ nu̍-ɛ ke.

1 Tɛsoloniɔn 3:8

Ka mɔ̀ ku̍-ae klì i̍ wɛ̀ dě Joi ja̍a̍-ɛ, nɛ̀ jɛwɛ̀ ǐn juo ɛ̍ ka à nɛ-a kmɔ̌-ɛ.

Iblu 2:1

Nɛ̀ɛ̍, dɛ̍ à wɔ̌n-aɛ, mɔ̀ à gbɛ̍n-ɛ ɛ̍ sɔ̍nᵻ sɔɔ̌n i̍ wɛ̀ à-a je̍e tàmlain gbǎ-ɛ.

Chiin 5:17

Ilaɛja nu̍ nyi̍ɔ̍ ke de ka à nɛ-aɛ. Ɔ̍ ba̍le-e kloklǒ nǐ-i je̍e dba̍, iě nǐ se̍ blǔh tǔh dǒ sɔ̀nᵻ ta̍a̍n gbɔ̀tìlè di̍i̍.

2 Chɔɔn 1:4

Ɛ̀ kɔn taǐn Baa Nyɔsoa la̍ à iě-a dǒ tìh-a taǐn de̍e̍ wɔ̀-ɛ nu̍-ɛ, àn nynuu̍ duuh ǐn jě-aɛ, kǎ u̍h-a nu̍. Sɔ ɛ̍ po̍ ǐn mɔna̍-a kaa̍.

Judi 1:3

Ǎn tìh kma nyɔ̍, sèìe la mɔ̀ ke à gblè-a kwa̍a̍ i̍-ɛ, ɛ̍ kɔn tìh bo ǎn wlùh-a nu̍ jàjà de iě mɔ̀ we̍ chlǐh. Jɛ kaka la̍, wlùh gbaɛ ɛ̀ Nyɔsoa nyǐ-a ɔ̍ nyɔ̍ wɛ̀ kleǐnklein-ɛ, ɛ̍ kɔn tìh bo ǐn kɔn iě mɔ̀ we̍ chlǐh, iě mɔ̀-a wlùh fùka, wɛ̀ mɔ̀ iě ɛ̍ tìh we̍ fɔ̀n.