2 Kɔwlɛntiɔn 7:6 - Ku̍o̍ Delee 1999

⁶ Jɛ Nyɔsoa ɔ̀ fùka-a nyɔ̍ ùh kɔn wlùh gbǎ-a seɔn-ɛ, ɔ̍ bo ɔ̀ fùka à wlùh dǒ Taitɔ-a ji̍-ɛ we̍.

2 Kɔwlɛntiɔn 7:6 Iomraidhean Croise

Matio 5:4

“Nyɔ̍ ùh pa̍-a sùàɛ̀n Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ gbòɛ̀ i̍ blaɛ-ɛ.

Chɔɔn 14:16

wɛ̀ iě Baa i̍ tèle ɔ̍ iě mɔ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ we̍ dbo̍. Wɛ̀ Sùù ɛ̀ sèàɛ̍-a nyɔ̍ Nyɔsoa-a tìh-a taǐn tìh wlùh-ɛ ɛ̍ iě dǒ mɔ̀ we̍ nɛ kleǐnklein. Ɛ̀ kɔn tìh kmɔ̌ nyɔ̍ se̍-a ɛ̍ tìh i̍ wɔ̌ɛn-ɛ, ɛ̍ nu̍, u̍h-u se̍a ɛ̍ jě, iě u̍h se̍ ɛ̍ juo. Jɛ mɔ̀ɔ̍ nɔ̀ɔ̍, mɔ̀ juo ɛ̍-ɛ, dɛ̍nu̍ɛ, ɛ̍ nɛ dǒ mɔ̀ we̍, iě ɛ̍ mu̍ dě mɔ̀ ja̍a̍ nɛ ma̍u̍.

Wloma 15:5

Nyɔsoa ɔ̀ fùka-a nyɔ̍-a wlùh-ɛ ke ɔ̀ ku̍ i̍-a nyɔ̍ dě klì i̍-ɛ, ǎn sà nǐ wɔ̍n ɔ̍ iě mɔ̀ wlùh-a due nɛ-ɛ nyǐ dǒ mɔ̀-a Jusu Klai de̍e̍ gbǎ-a we̍.

2 Kɔwlɛntiɔn 7:13

Ɛ̍ bo ɛ̀ fùka à wlùh. À wlùh fùka-ɛ gbɛɛ, jɛ à gbǎ mɔna̍-a kaa̍ dǒ Taitɔ-a mɔna̍-a gbǎ-a we̍. Dɛ̍nu̍ɛ, mɔ̀ kli̍hgbɛ̍ nu̍ ɛ̍ iě ɔ̍ wlùh tè i̍.

2 Kɔwlɛntiɔn 7:14

Ǐn po̍ bu̍hᵻ wlù i̍ dě ɔ̍ we̍ mɔ̀-a tìh, iě mɔ̀ se̍ ǐn tɛ̀n nui. Jɛ ka dɛ̍ᵻ kli̍hgbɛ̍ à sà-a dě mɔ̀ we̍ nu̍-a tìh-a taǐn-ɛ, kǎ à bu̍hᵻ à po̍-a wlù i̍ dě Taitɔ we̍-ɛ nu̍ ɛ̍ to ɛ̍ ka ɛ̍ nu̍-a tìh-a taǐn-ɛ ke.

2 Kɔwlɛntiɔn 7:7

Ɛ̍ se̍ ɔ̍ ji̍-ɛ nɛ due ɛ̀ se̍ à wlùh fùka, jɛ gbɛ̀ ɔ̍ sà-a kɛ̍n dǒ ka mɔ̀ nu̍-a ɔ̍ gbǐh ku̍u̍ po̍-ɛ we̍-ɛ, ɛ̍ fùka à wlùh ke. Ɔ̍ sèàɛ̍ à wlùh ka mɔ̀-a wlùh gbǎ-a dě de̍i̍, iě mɔ̀-a pɔ̀n-a ǐn jě-ɛ i̍ kaa̍-ɛ, ɛ̍ ke ka mɔ̀ nu̍-a ǎn tìh kma-a ke. Ɛ̍ tìh-ɛ, ǐn gbǎ mɔna̍ kaa̍ ɛ̍ sìì sàǐtòò naɛ.

Felepai 2:1

Mɔ̀-a dě Klai ja̍a̍ nɛ-ɛa fùka mɔ̀-a wlùh. Ɔ̍ jbɛɛ-a tù mɔ̀ gbàì, iě mɔ̀ ke Nyɔsoa-a Sùù nɛ due. Mɔ̀-a nmɔ-ɛ gblɛ̍n we̍, iě mɔ̀-a jiěe wɔɛ we̍.

1 Tɛsoloniɔn 3:2

wɛ̀ à dbo̍ à de̍di̍i̍ Timote nya̍, ɔ̀ nu̍-a Nyɔsoa-a pòi̍ju dǒ Klai-a pɔ̀n chɛ̀ bla̍-a we̍-ɛ. À dbo̍ ɔ̍-ɛ, ɔ̍ iě mɔ̀ gbǐh nyǐ, wɛ̀ ɔ̍ iě mɔ̀ i̍ kui dě mɔ̀-a wlùh gbaɛ di̍i̍.